Porlu do Au Mambahen Sumpa Keperawanan?

Aha do sumpa keperawanan i?

Sumpa keperawanan, i ma janji asa unang mangulahon seks sebelum menikah. Boi do janji on dibahen secara tertulis manang secara lisan.

Sumpa keperawanan on mulai terkenal di taon 1990-an, tikki Southern Baptist Convention (Gereja Baptis Selatan) di Amerika Serikat mambahen sada program na marjudul “Cinta Sejati Rela Menunggu”. Adong dua metode na dipasada di program on, i ma ajaran ni Bibel dohot dukungan sian akka dongan sebaya. Gabe diurupi ma akka na poso asa unang mangulahon seks sebelum menikah.

Dang leleng dukkon i, adong do muse dibahen program na mirip songon program i. Akka na dohot tu program on, dilehon do cincin perak na manggombarhon (paingotton nasida tu) sumpa ni nasida asa tetap perawan sahat tu na menikah.

Bermanfaat do sumpa keperawanan i?

Alusna bergantung tu ise na disukkun hamu.

• Menurut peneliti na margoar si Christine C. Kim dohot si Robert Rector, “piga-piga penelitian patuduhon balga do pengaruh ni sumpa keperawanan. Gabe moru ma godang ni akka na poso na mangulahon seks sebelum menikah, manang gabe ditunda nasida asa unang mangulahon seks.”

• Sada penelitian na dibahen Institut Guttmacher mandok, “nang pe adong akka remaja naung mambahen ‘sumpa keperawanan’, alai tong do adong sian nasida na mangulahon seks songon akka remaja na so mambahen sumpa i”.

Boasa berbeda hasilna?

• Di piga-piga penelitian, adong dua kelompok remaja na diteliti, i ma na mambahen sumpa keperawanan dohot na so mambahen sumpa. Dang sarupa pandangan ni nasida taringot seks.

• Di penelitian na asing, adong dua kelompok remaja na diteliti, i ma na mambahen sumpa keperawanan dohot na so mambahen sumpa. Sarupa do pandangan ni nasida taringot seks.

Aha do na boi taboto sian penelitian na paduahon? Dr. Janet Rosenbaum, sahalak ahli kesehatan remaja mandok, dung lima taon akka remaja i mambahen sumpa “dang adong beda ni nasida tu akka remaja na so mambahen sumpa i, tetap do nasida mangulahon seks”.

Aha do cara na terbaik?

Denggan do memang tujuan ni program sumpa keperawanan i. Alai masalahna, program on dang sai mangajarhon akka prinsip na dihaporluhon akka na poso lao menepati sumpa ni nasida i. Dr. Rosenbaum mandok, godang do remaja na mambahen sumpa keperawanan dang menepati sumpana i, “holan hata do i”. Didok ibana do muse, “Molo tutu do lomo roha ni sasahalak manjaga dirina asa tetap perawan, ikkon ibana sandiri do na bertekad dang ala na mangihutton sada program.”

Memang, dijujui Bibel do akka remaja asa mambahen tekad sisongon i. Alai dang berarti ikkon mambahen sumpa. Bibel mangurupi akka remaja asa jolo mamikkirhon aha na lao diulahon, asa “tarlatik ibana mamboto dia na sittong dohot na sala”. (Heber 5:​14) Jala sebenarna tujuan ni manjaga diri asa tetap perawan, dang holan asa unang marsahit manang hamil di luar nikah. Alai na uppetting, lao pasangappon Debata do, ala Ibana do na mambahen perkawinan sian mulana.​—Mateus 5:​19; 19:​4-6.

Godang do manfaatna tu hita molo taihutton prinsip ni Bibel. (Jesaya 48:17) Sude halak boi do bertekad asa mangihutton paretta ni Debata na mandok, “Padao hamu ma dirimuna sian ulaon seks na so patut!” (1 Korint 6:​18) Molo diihutton nasida paretta i, dang porlu be nasida khawatir manang manolsoli ala mangulahon seks sebelum menikah. Jala molo nungnga menikah nasida, boi do nasida mangulahon seks jala marlas ni roha dohot pasanganna.