Songon dia do Parngoluon di Taman Eden?

Dilehon Jahowa do sude akka na dihaporluhon si Adam dohot si Hawa. 1 Musa 1:28

Ditoppa Jahowa ma si Hawa, borua na parjolo i jala dilehon ma ibana gabe istri ni si Adam.​—1 Musa 2:21, 22.

Sempurna do pikkiran dohot daging ni nasida ditoppa Jahowa, dang adong cacatna.

Di Taman Eden do nasida tinggal, inganan na massai bagak. Adong do disi sunge, akka buah, dohot binatang.

Makkatai do Jahowa tu nasida, diajari do nasida. Molo ditangihon nasida Debata, boi do nasida mangolu saleleng ni lelengna di tano on.

Diorai Debata do nasida mangallang parbue ni hau i. 1 Musa 2:16, 17

Mangalo ma sada suru-suruan tu Debata. Goar ni suru-suruan na jahat i, i ma Sibolis.

Diorai Jahowa do si Adam dohot si Hawa mangallang parbue ni sada hau na di toga-tonga ni taman i. Molo diallang i, mate do nasida.

Dang lomo roha ni Sibolis molo dioloi si Adam dohot si Hawa Jahowa. Dipakke ibana ma sada ulok lao makkatai tu si Hawa, didok ma, “Molo diallang ho parbue ni hau i, dang mate ho, gabe songon Debata ma ho.” Alai, pargabus do Sibolis i.​—1 Musa 3:1-5.