Ditoppa Debata ma Bawa Dohot Borua na Parjolo

Dibahen Jahowa ma sada taman na digoari Eden. Godang do di taman i akka bunga, pohon, dohot binatang. Dung i, dibuat Jahowa ma tano jala dibahen gabe jolma, jala diombusson Jahowa ma hosa tu igungna. Diboto ho do aha na terjadi dukkon i? Gabe mangolu ma jolma i! Goarna si Adam. Didok Jahowa ma tu si Adam asa diurus ibana taman i jala dibahen goar ni sude binatang.

Dilehon Jahowa ma tu si Adam sada paretta na penting. Didok Jahowa ma, ‘Boi do allangonmu buah sian sude pohon na adong di taman on. Alai, adong sada pohon na so boi allangonmu buahna. Molo diallang ho i, mate do ho.’

Dung i didok Jahowa ma, ‘Bahenokku ma sasahalak na boi gabe dongan ni si Adam, jala na boi mangurupi ibana.’ Dibahen Jahowa ma tarpodom si Adam, jala dibuat ma sada tulang rusukna lao mambahen istri di si Adam. Digoari ma istrina i si Hawa. Si Adam dohot si Hawa ma keluarga na parjolo sahali di tano on. Boha do perasaan ni si Adam dung adong istrina? Las hian do rohana jala didok, ‘On ma na dibahen Jahowa sian tulang rusukku! Mirip songon au do ibana.’

Didok Jahowa ma tu si Adam dohot si Hawa asa marianakkon nasida jala memenuhi tano on. Lomo do roha ni Jahowa asa marlas ni roha nasida jala rap mambahen sude tano on gabe paradeiso, manang gabe taman na bagak songon Taman Eden. Alai, dang songon i na terjadi. Boasa? Taida ma alusna di pelajaran berikutna.