Songon dia do Pandapotmuna taringot Bibel?

ON MA DIDOK BIBEL

“Ai sian Debata do sude Surat na Badia i.”​—2 Timoteus 3:16.

AHA DO MANFAATNA TU HAMU?

Bibel mangurupi hamu . . .

Mandapot alus ni sukkun-sukkun songon, boasa hita susa? Aha do tujuan ni ngolutta?—Poda 2:1-5.

Mambahen keputusan na denggan di ngolumuna siganup ari.—Psalmen 119:105.

Mamboto akka janji ni Debata na lao masa di ari na naeng ro.—Rom 15:4.

BOASA BOI TAHAPORSEAI NA DIDOK BIBEL?

Adong tolu alasanna:

• Sesuai do sude isina, dang adong na maralo. Bibel disurat lobi sian 1.600 taon jala hira-hira 40 halak ma na manurat bukku on. Godang do sian nasida na so marsitandaan. Alai, sesuai do sude ayat na disurat nasida, dang adong na maralo. Sude do isi ni Bibel i pasangappon goar ni Debata dohot pamarettaonna!

• Halak na jujur do panuratna. Molo panurat ni sejarah, jotjot do dang paboahon hasalaan ni negarana. Alai anggo panurat ni Bibel terus terang do paboahon hasalaan ni nasida dohot hasalaan ni bangsona.​—2 Kronika 36:15, 16; Psalmen 51:1-4.

• Dipaboa Bibel do aha na lao masa jala tutu do i terjadi. Lobi sian 700 taon sebelum tubu Jesus, nungnga dipaboa hian di Bibel na lao tubu Kristus manang Messias di Betlehem, huta na gelleng di Juda. (Mika 5:2) Tutu do Jesus tubu disi? Tutu, di huta i do ibana tubu!​—Mateus 2:1-6.

  Godang dope surirang na asing na dipaboa di Bibel, jala tutu do i terjadi. Boasa boi songon i? Ala sian Debata do Bibel i.​—2 Petrus 1:21.