PARSIAJARAN 4

Andorang So Manjahahon Ayat

Mateus 22:41-45

NA INGKON DIULAHON: Andorang so dijahahon hamu ayat, paboa ma jolo hatorangan na adong hubunganna tu ayat i.

Ingkon diantusi hamu do na tinuju ni ayat i. Paboa ma jolo hatorangan na mangurupi halak asa diboto nasida dia na laho dipatorang hamu sian ayat i.

Tingki laho manjahahon ayat, paboa ma hata ni ise do i manang ise do na manurat buku i.
Pangke ma Bibel tingki mangajari. Tingki mangkatai hamu dohot halak na porsea tu Debata, urupi ma ibana asa pos rohana Hata ni Debata do Bibel i, jala marisi angka poda na mansai denggan.
Bahen ma ayat i gabe menarik. Bahen ma sungkun-sungkun na adong alusna di ayat i. Manang caritahon ma sada parsoalan, dung i patudu ma ayat na boi mangurupi nasida pasaehon parsoalan sisongon i. Asing ni i, paboa ma sada prinsip jala patudu ma ayat na mangurupi nasida mangantusi prinsip i.

Pingkirhon hian ma angka aha do naung diboto nasida taringot ayat dohot hatorangan na laho dipasahat hamu. Nang pe nunga jotjot diparsiajari, alai denggan ma patorang ayat i. Jala bahen ma menarik asa lam bagas diantusi nasida hatorangan i.