Cara Mandapot Godang Manfaat sian Bibel

Hea do gabe marsak hamu ala mamikkirhon godang ulaon? Olo do ra diulahon hamu i otik-otik asa ummura i diulahon hamu. Dos songon i ma tong manjaha Bibel. Tikki naeng dijaha hamu Bibel, olo do ra sukkun-sukkun rohamuna, ‘Mulai sian dia do on jahaon?’ Alai dipaboa do di pelajaran on piga-piga cara na boi mangurupi hamu, asa lomo rohamuna manjaha jala mamparsiajari isi ni Bibel.

1. Boasa ikkon taratur hita manjaha Bibel?

Molo taratur sasahalak manjaha Bibel, i ma “patik ni Jahowa”, pasti marlas ni roha jala marhasil do ibana. (Jaha Psalmen 1:1-3.) Asa boi taulahon i, coba ma jo jaha hamu piga-piga ayat ni Bibel tiap ari. Molo sering diulahon hamu songon i, boi do gabe lomo rohamuna manjaha Bibel.

2. Boha do carana asa dapotta manfaat tikki manjaha Bibel?

Asa dapotta manfaat tikki manjaha Bibel, porlu do tabahen tikki lao mamikkirhon na tajaha i. Bibel mandok, porlu do tajaha jala ‘tarimangi’ Hata ni Debata. (Josua 1:8) Tikki dijaha hamu Bibel, huhut ma pikkirhon sukkun-sukkun on, ‘Boha do sifat ni Jahowa sian ayat na hujaha on? Boha do carakku mangulahon na huparsiajari on di ngolukku? Dung hujaha ayat on, aha ma na boi huulahon lao mangurupi na asing?’

3. Boha do carana asa adong tikkinta manjaha Bibel?

Hea do dihilala hamu hira na so adong tikkimuna lao manjaha Bibel? Godang do halak na hea makkilala songon i. Bibel mandok, “Denggan ma pakke tikkimuna.” (Epesus 5:16) Alani i, tottuhon hamu ma sadihari tikki na pas di hamu lao manjaha Bibel ganup ari. Adong do halak na manjaha i tikki pagi. Na asing manjaha i tikki istirahat siang. Alai adong do muse na manjaha i tikki borngin sebelum modom. Molo hamu, andigan do tikki na pas di hamu?

ASA LAM TAATTUSI

4. Boi do lomo rohatta manjaha Bibel

Nang pe maol tahilala lao manjaha Bibel, alai boi do gabe lomo rohatta manjaha i. Dos ma i songon na mangallang sipanganon na so hea dope taallang sebelumna. Molo tapasomal tiap ari mangallang i, boi do gabe lomo rohatta mangallang i. Jaha 1 Petrus 2:2, dung i bahas ma sukkun-sukkun on:

• Boi do gabe lomo rohatta manjaha Bibel molo tapasomal manjaha i ganup ari?

Putar ma VIDEO taringot akka halak na gabe lomo rohana manjaha Bibel. Dung i bahas ma sukkun-sukkun on:

VIDEO: Angka Na Poso Marsiajar Mangkaholongi Hata ni Debata (5:33)

• Aha do tantangan ni akka na poso di video i lao manjaha Bibel?

• Boha do carana asa boi torus nasida manjaha Bibel?

• Aha do na diulahon nasida asa tamba lomo roha ni nasida manjaha Bibel?

Saran na boi dicoba hamu:

• Jaha ma Bibel na bahasana mura diattusi. Coba ma jaha Bibel Hata ni Debata tu Akka Jolma na Naeng Mangolu di Tano na Imbaru, molo adong di bahasamuna.

• Mulai ma jaha sian bagian na menarik di hamu. Ida ma contohna di tabel “Mulai ma Manjaha Bibel.”

• Tandai ma ayat naung dijaha hamu. Pakke ma tabel “Jadwal Manjaha Bibel” na adong di bukku on.

• Pakke ma aplikasi JW Library^®. Boi do hamu manjaha ayat ni Bibel dohot manangihon rekaman audiona sian aplikasi i.

• Pakke ma lampiran na adong di Bibel Hata ni Debata tu Akka Jolma na Naeng Mangolu di Tano na Imbaru. Adong do disi peta, tabel, dohot kamus na boi dipakke hamu.

5. Bahen ma persiapan tikki naeng marsiajar Bibel

Jaha ma Psalmen 119:34, dung i bahas ma sukkun-sukkun on:

• Menurut hamu, boasa porlu martangiang sebelum manjaha Bibel manang sebelum persiapan?

Boha do carana asa dapotmuna manfaat tikki marsiajar Bibel mamakke bukku on? Tikki dipersiappon hamu tiap pelajaran, coba ma jo on:

1. Jaha ma bagian na di jolo di ganup pelajaran.

2. Jaha ma akka ayat na disi, jala pikkirhon ma aha do hubungan ni ayat i tu pelajaran i.

3. Tandai ma alus ni sukkun-sukkunna. Marguna do on tikki martukkar pikkiran hamu.

Diboto hamu do?

Dipakke Saksi Jahowa do piga-piga terjemahan ni Bibel. Alai lomo do roha ni nasida mamakke Bibel Hata ni Debata tu Akka Jolma na Naeng Mangolu di Tano na Imbaru. Alana takkas do i, boi dihaporseai, jala disurat do goar ni Debata disi.—Ida ma artikel web na marjudul “Dibahen Saksi Jahowa do Bibel ni Nasida Sandiri?”

KESIMPULAN

Asa dapotmuna godang manfaat sian Bibel, tottuhon hamu ma sadihari hamu lao manjaha i, martangiang ma hamu sebelum manjaha i, jala bahen ma persiapan sebelum marsiajar Bibel.

Tinjauan

• Boha do carana asa dapotmuna manfaat tikki manjaha Bibel?

• Sadihari do tikki na pas di hamu lao manjaha jala marsiajar Bibel?

• Boasa porlu hamu mambahen persiapan sebelum marsiajar?

LULUI MA

Ida ma piga-piga saran lao manjaha Bibel.

“Asa Tadapot Laba sian Manjaha Bibel” (Joujou Paboahon No. 1 2017)

Jaha ma tolu cara lao manjaha Bibel.

“Aha do Manfaat ni Bibel di Au?—Bagian 1: Mamboto Isi ni Bibel” (Artikel web)

Songon dia do asa lomo rohatta manjaha Bibel?

“Aha do Manfaat ni Bibel di Au?—Bagian 2: Manjaha Bibel Boi Mambahen Las Roha” (Artikel web)

Tonton ma piga-piga saran sian akka halak na lomo rohana manjaha Bibel.

Parsiajaran Pribadi na Denggan (2:06)