Tiru ma Jahowa na Olo Mengampuni

1-2. (a) Tikki sadihari do maol tahilala mengampuni halak na asing? (b) Songon dia do si Dina mengampuni halak na asing?

MAOL do hamu memaappon halak na asing? Godang do sian hita na maol mengampuni halak na asing, tarlumobi molo hea ibana mangulahon manang mandok hata na mambahen haccit rohatta. Alai, adong do piga-piga na boi taulahon asa unang torus muruk manang jut rohatta. Taida ma pengalaman ni donganta borua na margoar si Dina.a Dipatudu ibana do pengampunan na luar biasa. Di taon 2017, lao ma ibana dohot keluargana tur tu Kantor Pusat ni Saksi Jahowa na baru dibukka. Tikki di pardalanan lao mulak, adong ma mobil na menabrak mobil ni nasida. Gabe pingsan ma si Dina. Tikki sadar ibana, diboto ibana ma nga lukka parah hape akka gellengna jala mate do suamina. Tikki diingot si Dina muse kejadian i, didok ibana ma, “Di tikki i, hancur do perasaanku jala dang huboto aha na naeng huulahon.” Dung i diboto si Dina ma dang na lagi mabuk hape sopir ni mobil i, manang hurang fokus tikki mengemudi. Nang pe songon i, martangiang ma si Dina tu Jahowa asa boi dikendalihon ibana perasaanna.

² Ditakkup ma bawa na menabrak mobil ni nasida. Jala, lao diadili nama ibana ala sengaja mambunu suami ni si Dina. Molo terbukti ibana bersalah, lao dipenjara ma ibana. Alai adong ma sahalak petugas pengadilan na mandok tu si Dina, kesaksian na dilehon si Dina ma annon na manottuhon lao dipenjara do bawa i manang na daong. Didok si Dina ma, “Tikki huboto ikkon huceritahon muse kejadian na paling mengerikan di ngolukku, huhilala hira na adong ma halak na mambukka jahitan ni lukkakku jala dibahen ibana ma massai godang sira tu lukkakki.” Piga-piga minggu dukkon i, hundul ma si Dina di ruang pengadilan lao mangalehon kesaksian di jolo ni bawa na mambahen susa keluargana. Aha do na didok ibana? Dipangido si Dina do asa marasi ni roha hakim i tu bawa i.b Dung sae si Dina makkatai, gabe tangis ma hakim i. Didok hakim i, “Nga 25 taon au gabe hakim. Alai saleleng karejo au di pengadilan, dang hea hubege keluarga korban mangido asa marasi ni roha au tu terdakwa. On ma parjolo sahali huida halak patuduhon holong jala olo mengampuni halak na marsala tu ibana.”

3. Boasa olo si Dina mengampuni?

³ Boasa olo si Dina mengampuni bawa i? Ala dirimangi ibana do pengampunan ni Jahowa. (Mik. 7:18) Jadi, molo taargai pengampunan na dilehon Jahowa tu hita, pasti taronjar do rohatta lao memaappon halak na asing.

4. Aha do na dipangido Jahowa sian hita? (Epesus 4:32)

⁴ Rade do Jahowa manalpuhon hasalaatta. Jadi, lomo do rohana asa tatiru Ibana jala tamaappon halak na asing. (Jaha Epesus 4:32.) Lomo do roha ni Jahowa asa rade hita manalpuhon hasalaan ni halak na mambahen haccit rohatta. (Ps. 86:5; Luk. 17:4) Di artikel on, lao tabahas ma tolu cara na boi mangurupi hita asa rade manalpuhon hasalaan ni na asing.

UNANG MA ABAIHON PERASAANMUNA

5. Songon na dipaboa di Poda 12:​18, songon dia do pakkilalaatta molo adong na mambahen haccit rohatta?

⁵ Pasti haccit do rohatta alani hata manang pambahenan na so denggan sian halak na asing, tarlumobi sian ale-aletta manang keluargatta. (Ps. 55:​12-14) Sipata alani murukna, olo do tahilala songon na ditikkam podang hita. (Jaha Poda 12:18.) Olo do ra nga berupaya hita mengabaihon perasaanta i. Alai sasittongna molo taabaihon perasaanta, sarupa do i songon ditikkam podang jala tapasombu i tetap lokkot di dagingta. Dos songon i ma, dang boi berharap hita pasti malum do annon rohatta molo holan taabaihon perasaanta i.

6. Boha do biasana reaksitta molo adong na mambahen haccit rohatta?

⁶ Tikki adong na mambahen haccit rohatta, olo do ra pittor muruk hita. Memang didok Bibel, wajar do molo muruk hita. Alai dipasingot Bibel do hita asa unang torus muruk. (Ps. 4:4; Eps. 4:26) Boasa? Alana perasaanta boi do mempengaruhi tindakanta. Biasana molo muruk hita, dang boi tabahen keputusan na denggan. (Jak. 1:20) Ingot ma, wajar do molo muruk hita tikki adong na mambahen haccit rohatta. Alai boi do hita mamillit, toktong do tapasombu muruk i adong di rohatta manang na daong.

7. Perasaan negatif aha do muse na tahilala tikki adong na mambahen haccit rohatta?

⁷ Tikki dibahen haccit rohatta, olo do tubu perasaan negatif na asing. Contohna donganta si Anna mandok, “Tikki gelleng au, ditinggalhon bapakku do omakku jala menikah do ibana tu pengasuhku. Huhilala hira na ditinggalhon ibana do au. Tikki tubu anak ni nasida, gabe songon na targattihon ma posisikku. Sahat tu na magodang au, huhilala dang mararga dirikku.” Donganta na margoar si Gloria paboahon pakkilalaanna tikki selingkuh suamina. Didok ibana, “Mardongan do hami sian na gelleng. Rappak do hami merintis. Jadi hancur do perasaanku.” Ujungna marsirang do ibana dohot suamina. Donganta na margoar si Naomi mandok, “Dang husangka suamikku mambahen haccit rohakku. Jadi dung diakkui ibana na ditonton ibana pornografi jala ditabunihon ibana i sian au, songon na dioto-otoi do au jala dihianati.”

8. (a) Boasa ikkon tamaappon halak na asing? (b) Aha do manfaatna molo tamaappon na asing? (Ida kotak “Boha do Molo Gabe Trauma Hita Dibahen Sasahalak?”)

⁸ Dang boi takendalihon aha na didokkon halak manang na diulahon nasida tu hita. Alai boi do takendalihon reaksitta. Jala reaksi na terbaik, i ma memaappon. Boasa? Alana holong do rohatta tu Jahowa jala lomo do rohana asa tamaappon halak na asing. Molo toktong hita muruk jala dang olo memaappon, gabe dang marbisuk be hita mambahen keputusan, jala boi do gabe marsahit hita. (Poda 14:​17, 29, 30) Taparrohahon ma pengalaman ni donganta na margoar si Kristin. Didok ibana, “Tikki jut rohakku, gabe jarang do au senyum. Gabe huallang ma sipanganon na so sehat. Gabe hurang modom ma au, jala maol hukendalihon perasaanku. Gabe berpengaruh ma i tu carakku maradoppon suamikku dohot halak na asing.”

9. Aha do manfaatna molo dang torus hita muruk?

⁹ Nang pe halak na mambahen haccit rohatta dang olo minta maaf tu hita, boi do hita berupaya asa dame muse rohatta. Songon dia carana? Si Gloria mandok, “Porlu do di au tikki asa unang muruk be tu mantan suamikku. Gabe boi ma dame muse rohakku.” Molo tamaappon na asing, gabe dang taloas jut ni rohatta mempengaruhi caratta maradoppon halak na asing. Songon na mangalehon hadiah ma hita tu diritta, ala dang torus tapikkirhon masalah i, jala boi marlas ni roha muse. (Poda 11:17) Alai boha do molo dang boi dope tamaappon ibana?

CARA ASA UNANG TORUS MURUK

10. Boasa ikkon talehon tikki asa boi malum rohatta? (Ida gambar.)

¹⁰ Boha do carana asa unang torus hita muruk? Sada cara, talehon ma tikki asa boi malum rohatta. Bayakkon ma sasahalak na baru sae menjalani perawatan medis ala lukka parah. Pasti porlu do tikki di ibana asa boi malum. Dos songon i ma, porlu do tikki di hita asa boi malum rohatta. Dung i pe, baru ma hita boi memaappon sasahalak sian ias ni rohatta.—Pjm. 3:3; 1 Ptr. 1:22.

11. Aha do manfaatna molo martangiang hita tu Jahowa?

¹¹ Molo martangiang hita tu Jahowa, gabe diurupi ma hita memaappon halak na asing.c Si Anna na dipaboa nakkin, paboahon manfaat na dihilala ibana ala martangiang. Didok ibana, “Hupangido ma tu Jahowa asa diampuni kesalahannami sakeluarga. Dung i, hubahen ma surat tu bapakku dohot tu istri baruna, jala hudok ma tu nasida nga humaappon be nasida.” Diakkui si Anna do, dang mura mangulahon i. Alai didok ibana do muse, “Ala hutiru Jahowa na olo mengampuni, harap do rohakku gabe taronjar annon roha ni bapak dohot istri baruna lao marsiajar taringot Jahowa.”

12. Boasa ikkon marhaposan hita tu Jahowa? (Poda 3:​5, 6)

¹² Marhaposan ma tu Jahowa, jala unang ma marpikkir perasaanmuna na paling penting. (Jaha Poda 3:​5, 6.) Sai diboto Jahowa do aha na terbaik tu hita. (Jes. 55:​8, 9) Jala dang hea dipangido Ibana asa taulahon aha na boi parohon jea tu hita. Jadi pos ma rohatta, tikki dipangido Jahowa hita asa memaappon halak na asing, sasittongna parohon manfaat do i tu diritta. (Ps. 40:4; Jes. 48:​17, 18) Alai molo perasaanta na gabe uppetting di hita, pasti dang boi hita memaappon halak na asing. (Poda 14:12; Jer. 17:9) Si Naomi na dipaboa nakkin mandok, “Ninna rohakku do di mulana, dang porlu au memaappon suamikku ala mangida pornografi ibana. Mabiar do au so tung dibahen ibana muse haccit rohakku, manang gabe dang diingot ibana be annon akibat ni pambahenanna i. Jala huhilala diattusi Jahowa do perasaankon. Alai ujungna gabe husadari ma, memang diattusi Jahowa do perasaanku. Alai, dang na berarti setuju Ibana tu perasaanki. Diboto Jahowa do songon dia perasaanku, jala diattusi Ibana do porlu do tikki di au asa boi malum rohakkon. Alai, dipangido Jahowa do tong asa olo au memaappon suamikki.”d

BAHEN MA CARA ASA BOI MUSE DAME ROHAMUNA

13. Songon na dipaboa di Rom 12:​18-21, aha do na porlu taulahon?

¹³ Tikki tamaappon halak na mambahen massai haccit rohatta, lomo do rohatta mardame dohot nasida, dang holan mangalupahon na terjadi. Berupaya do hita mangulahon i, tarlumobi molo nasida dongan sahaporseaotta. (Mat. 5:​23, 24) Unang ma sai torus muruk hita, alai tapillit ma lao patuduhon asi ni roha jala tamaappon nasida. (Jaha Rom 12:​18-21; 1 Ptr. 3:9) Songon dia carana?

14. Aha do na ikkon taulahon, jala boasa?

¹⁴ Lomo do roha ni Jahowa mangida akka sifat na denggan sian jolma. Jadi ikkon tatiru do Jahowa, talului ma akka sifat na denggan sian halak na mambahen haccit rohatta. (2 Kron. 16:9; Ps. 130:3) Biasana molo talului akka sifat na so denggan sian sasahalak, pasti dapotta do i. Songon i ma tong, molo talului akka sifat na denggan sian ibana, gabe lam mura ma tamaappon nasida. Contohna, donganta si Jimmy paboahon, “Gabe lam mura ma di au memaappon sahalak donganta, ala husadari unggodang do sifatna na denggan sian kesalahanna.”

15. Aha do manfaatna molo tapaboa tu sasahalak nungnga tamaappon ibana?

¹⁵ Cara na asing, boi do tapaboa tu halak na mambahen jut rohatta nungnga tamaappon ibana. Boasa on penting? Si Naomi na dipaboa nakkin mandok, “Disukkun suamikku ma au, ‘Nga dimaappon ho au?’ Naeng hudokkon do nian, ‘Nungnga’. Alai dang boi kaluar suara sian pamanganku. Gabe husadari ma dang sian rohakku dope humaappon ibana. Alai ujungna, gabe boi ma sian ias ni rohakku hudok tu ibana, ‘Nga humaappon be ho.’ Tikki hudok songon i, gabe tangis ma suamikku. Tarsonggot do au, dang hurippu gabe lega dihilala ibana tikki hudokkon songon i. Au pe gabe lega do. Mulai sian i, marsiajar do au asa porsea muse tu suamikku jala gabe jonok ma muse hubungannami.”

16. Aha do na taparsiajari taringot mengampuni?

¹⁶ Lomo do roha ni Jahowa asa taampuni na asing. (Kol. 3:13) Olo do sipata maol tahilala mangulahon i. Alai boi do marhasil hita mangulahon i molo dang taabaihon perasaanta, jala berupaya hita asa unang torus muruk. Dung i, tabahen ma cara asa dame muse rohatta.—Ida kotak “Tolu Cara asa Boi Mengampuni”.

PIKKIRHON MA MANFAATNA MOLO OLO HITA MENGAMPUNI

17. Aha do manfaatna molo olo hita mengampuni?

¹⁷ Godang do manfaatna molo olo hita mengampuni. Na parjolo, gabe tatiru ma Jahowa, Ama parasi roha jala tabahen las rohana. (Luk. 6:36) Na paduahon, on patuduhon na mandok mauliate do hita tu pengampunan ni Jahowa. (Mat. 6:12) Jala na patoluhon, gabe sehat ma hita jala toktong togu parale-aleotta dohot halak na asing.

18-19. Aha do hasilna molo olo hita mengampuni?

¹⁸ Molo taampuni halak na asing, godang do pasu-pasu na so tarduga na boi tadapot. Contohna, parrohahon ma na masa tu si Dina na dipaboa di awal nakkin. Dang diboto si Dina di tikki i, hape bawa na menabrak mobil ni nasida berencana do naeng bunu diri dung sae sidang pengadilanna. Alai, tikki diboto bawa i na olo do si Dina mengampuni ibana, hona hian do i tu rohana. Gabe taronjar ma rohana naeng marsiajar Bibel dohot Saksi Jahowa.

¹⁹ Olo do tahilala massai maol hita mengampuni sasahalak. Alai molo taampuni ibana, boi do dapotta godang pasu-pasu. (Mat. 5:7) Alani i, marsitutu ma hita maniru Jahowa na olo mengampuni.