Aha do na Didok Bibel taringot Cuaca na Luar Biasa Panas di Liat Portibi on?

Saleleng bulan Juli 2022, godang laporan taringot cuaca na luar biasa panas na terjadi di liat portibi on:

• “Dipaingot pamaretta Cina akka rakyatna na lao terjadi do muse gelombang panas na paduahalihon di bulan on di hampir 70 kota di negara i.”—25 Juli 2022, Kantor Berita CNN.

• “Gabe godang ma kebakaran hutan na terjadi di Eropa alani gelombang panas.”—17 Juli 2022, The Guardian.

• “Di hari Minggu on, godang kota di Amerika Serikat na ummohop sian na sebelumna alani gelombang panas, mulai sian sabola timur sahat tu sabola selatan dohot barat-tengah ni Amerika.”—24 Juli 2022, The New York Times.

Na so boi be annon tano on diingani jolma? Aha do na didok di Bibel taringot on?

Adong do dipaboa hian di Bibel taringot gelombang panas na masa nuaeng?

I do, adong. Gelombang panas na masa nuaeng sesuai do tu na didok di Bibel, na lao masa di tikkitta saonari. Contohna, Jesus mandok na lao ‘idaon ni akka jolma ma masa akka na parohon biar’ manang na jorbut. (Lukas 21:11) Ala lam mohop cuaca di liat portibi on, godang do na gabe mabiar. Didok roha ni nasida, dang boi be annon tano on diingani, alani ulaon ni akka jolma saonari on. Jadi, pasti termasuk do on na dimaksud Jesus di hatana i.

Na so boi do annon tano on diingani?

Daong. Ditoppa Debata do tano on asa boi diingani jolma saleleng ni lelengna. (Psalmen 115:16; Parjamita 1:4) Dang paloasonna akka jolma torus manegai tano on. Alai marjanji do Debata, ‘ripassononna ma halak na manegai tano on’.—Pangungkapon 11:18.

Parrohahon ma muse dua surirang na patuduhon aha do na lao bahenon ni Debata:

• “Marlas ni roha ma gurun pasir dohot tano na harsang, marlas ni roha ma gurun jala gok ma akka bunga disi.” (Jesaya 35:1) Dang pasombuon ni Debata tano on gabe tano na harsang manang tano na so boi diingani. Alai annon, padengganonna do sude akka naung sega di tano on.

• “Diparrohahon Ho do tano on, dibahen Ho do i massai denggan jala subur.” (Psalmen 65:9) Haduan, bahenon ni Debata ma tano on gabe Paradeiso.

Perubahan cuaca na masa nuaeng sebenarna patuduhon naung tergenap do surirang ni Bibel. Asa takkas diboto hamu taringot i, jaha ma artikel “Boha do Didok di Bibel taringot Perubahan Cuaca dohot Masa Depanta”.

Lao mamboto janji ni Bibel taringot na lao dipadenggan do annon tano on, jaha ma artikel “Siapa yang Akan Menyelamatkan Bumi?”