Aha do na Didok Bibel Taringot Cuaca na Luar Biasa Panas di Taon 2023 on?

Susa do akka jolma di liat portibi on alani cuaca na luar biasa panas. Bahkan alani panasna sappe terjadi do bencana alam. Dang hea dope songon i panas ni cuaca sebelumna. Ida ma akka laporan on:

• “Molo diida sian laporan cuaca mulai sian 174 taon naung salpu, di bulan Juni taon on ma cuaca na paling panas.”—Badan Kelautan dan Atmosfer Nasional, Departemen Perdagangan AS, 13 Juli 2023.

• “Terjadi do cuaca panas na parah di negara Italia, Spanyol, Prancis, Jerman, dohot Polandia. Jala di Pulau Sisilia dohot Pulau Sardinia diperkirahon boi do sappe 48°C mohop ni cuaca. Menurut laporan, on ma cuaca terpanas na hea masa di Eropa.”—Badan Antariksa Eropa, 13 Juli 2023.

• “Ala lam mohop do cuaca saonari, gabe lam sering ma ro udan. Akibatna gabe sering ma terjadi banjir.”—Stefan Uhlenbrook, direktur hidrologi, air, dan kriosfer di Organisasi Meteorologi Dunia, 17 Juli 2023.

Pasti khawatir do hita mamboto akka laporan on. Alai taida ma jo aha na didok Bibel taringot i.

Nungnga dipaboa hian di Bibel taringot cuaca ekstrim on?

Nungnga. Hea do didok Jesus na lao masa do “akka na parohon biar” di tikkitta saonari. (Lukas 21:11) Salah satuna i ma gelombang panas dohot cuaca ekstrim na terjadi di liat portibi on. On ma na mambahen akka halak gabe khawatir jala marpikkir na lao hancur do tano on.

Na lao hancur do tano on?

Daong. Ditoppa Debata do tano on asa boi diingani jolma saleleng ni lelengna. Jadi dang mungkin loasonna jolma torus manegai tano on. (Psalmen 115:16; Parjamita 1:4) Gariada didok di Bibel lao ‘ripassononna do halak na manegai tano on’.—Pangungkapon 11:18.

Taparrohahon ma piga-piga ayat na patuduhon sanggup do Jahowa manjaga tano on asa unang hancur.

• Bibel mandok, “Dipaso [Debata] ma badai i, gabe tenang ma laut i.” (Psalmen 107:29) Sian on taboto ma sanggup do Jahowa mengendalihon kekuatan alam. Memang nungnga hancur tano on saonari. Contohna gabe susa do jolma alani cuaca ekstrim. Alai pos do rohatta pasti sanggup do Jahowa padenggatton i sude.

• Bibel mandok, “Diparrohahon Ho do tano on, dibahen Ho do i massai denggan jala subur.” (Psalmen 65:9) Satokkin nai, bahenon ni Debata ma tano on massai uli songon Taman Eden najolo.

Didok di Bibel lao dipadenggan do kondisi ni tano on. Molo naeng botoonmuna taringot i, jaha ma artikel “Siapa yang Akan Menyelamatkan Bumi?”