Gok Sataon Porang di Ukraina—Adong do Harapan na Dipaboa Bibel Taringot on?

Di ari Jumat, 24 Februari 2023, gok ma sataon porang di Ukraina. Menurut piga-piga laporan, adong ma hira-hira 300.000 halak tentara ni Ukraina dohot Rusia naung tarbunu manang tarlukka. Jala adong ma hira-hira 30.000 warga sipil na mate tarbunu. Alai boi do ra unggodang sian i jumlah ni akka korban.

Jala muse songon na so marujung do porang on.

• “Dung hampir sataon sian mulai ro Rusia menyerang Ukraina, dang adong dope tanda-tanda na lao so porang on. Sahat tu saonari songon na so adong pihak na lao monang di porang i, jala songon na so adong jalan keluar lao pasohon porang on.”—NPR (National Public Radio), 19 Februari 2023.

Godang do na gabe menderita jala marsak alani porang on dohot alani porang na asing di portibi on. Ai godang do halak na gabe korban. Adong do harapan na dipaboa Bibel taringot on? Adong do annon tikkina dang adong be porang di tano on?

Sada porang na paujungkon sude porang

Bibel mandok adong ma sada porang na lao paluahon jolma, dang lao pamatehon sude jolma. Digoari ma porang i Armagedon, “porang di ari na balga, i ma ari ni Debata Pargogo na So Hatudosan i”. (Pangungkapon 16:14, 16) Marhite porang i, paujungon ni Debata ma sude porang na dibahen pamarettaon ni jolma. Lao mamboto songon dia porang Armagedon parohon dame tu tano on, jaha ma artikel:

• “Aha do Porang Armagedon i?”

• “Armagedon Sada Barita na Uli tu Hita!”