Rabu, 29 Oktober
Sai toktong ma hupuji Jahowa. Sai toktong ma hupuji goarna na badia i sian nasa rohakku.—Ps. 103:1.
Holong tu Jahowa do na mangonjar roha ni akka halak lao mamuji goar ni Jahowa sian nasa roha ni nasida. Diboto Raja Daud do molo tapuji goar ni Jahowa, sarupa songon na mamuji Jahowa do hita disi. Molo tabege goar ni Jahowa, gabe boi ma tabayakkon Debata na songon dia do Ibana. Gabe boi ma tapikkirhon akka sifatna, dohot akka naung diulahon Ibana. Lomo do roha ni si Daud pabadiahon jala mamuji goar ni Debata sian nasa rohana. Gabe sitiruon do tong halak Lepi tikki mamuji Jahowa di jolo ni halak Israel. Diakkui nasida do massai tama do goar ni Jahowa dipuji, jala dang adong hata na pas na didok nasida na boi manggombarhon i. (Neh. 9:5) Takkas ma las do roha ni Jahowa ala serep do roha ni naposona mamuji goarna. w24.02 9 ¶6
Kamis, 30 Oktober
Molo nungnga togu haporseaotta, toktong ma taulahon songon naung taulahon saleleng on.—Plp. 3:16.
Dang dianggap Jahowa hamu gagal molo dang boi dicapai hamu cita-cita na so sanggup diulahon hamu. (2 Kor. 8:12) Marsiajar ma sian kegagalanmuna. Ingot ma aha naung dicapai hamu. Bibel mandok, “Ai tigor do Debata, dang lupahononna akka naung diulahon hamu.” (Heb. 6:10) Jadi hamu pe unang ma lupa tu akka naung diulahon hamu. Rimangi ma aha naung dicapai hamu. Misalna nungnga marale-ale hamu tu Jahowa, paboahon taringot Ibana tu na asing, jala tardidi. Molo nungnga marhasil hamu mencapai cita-citamuna najolo, pasti boi do tong hamu mencapai cita-citamuna saonari. Alani bantuan ni Jahowa, boi ma hamu mencapai cita-citamuna. Alai tikki berupaya hamu mencapai cita-citamuna, ida ma songon dia Jahowa mangurupi hamu mencapai i jala marlas ni roha. (2 Kor. 4:7) Molo dang menyerah hamu, pasti dapotmuna ma godang pasu-pasu.—Gal. 6:9. w23.05 31 ¶16-18
Jumat, 31 Oktober
Holong do roha ni Damang i tu hamu, ala holong do rohamuna tu au jala porsea do hamu na disuru Debata au.—Joh. 16:27.
Sai dipatudu Jahowa do holongna tu akka naposona. Contohna dua hali do disurat di Bibel na holong rohana tu Anakna Jesus. (Mat. 3:17; 17:5) Pasti lomo do rohatta mambege Jahowa langsung mandokkon na holong do rohana tu hita. Alai saonari dang langsung be Jahowa makkatai tu hita, marhite Bibel nama. Hira na “mambege” soara ni Jahowa do hita tikki tajaha hata ni Jesus na disurat di Injil. Sempurna do Jesus maniru akka sifat ni Bapakna. Jadi tikki tajaha hata ni Jesus na paboahon holong ni rohana tu akka siseanna na so sempurna, tabayakkon ma i songon hata ni Jahowa tu hita. (Joh. 15:9, 15) Alai molo masa sitaonon, dang na berarti na so dihaholongi Jahowa be hita. Gariada gabe kesempatan ma i di hita lao patuduhon na marhaposan do hita tu Debata jala holong do rohatta tu Ibana.—Jak. 1:12. w24.03 28 ¶10-11