Masipatoguan ma Tikki di Parpunguan

1. Boasa talehon komentar tikki di parpunguan?

BOASA ro hita tu parpunguan? Alasan na utama, i ma lao mamuji Jahowa. (Ps. 26:12; 111:1) Asing ni i molo ro hita tu parpunguan, gabe dipatogu ma akka dongan di situasi na maol saonari. (1 Tes. 5:11) Taulahon do na dua on tikki markomentar hita di parpunguan.

2. Tikki sadihari do hita boi mangalehon komentar di parpunguan?

² Tiap minggu, adong do kesempatan di hita lao mangalehon komentar di parpunguan. Misalna di parpunguan ujung ni minggu boi do hita mangalehon komentar saleleng pembahasan Joujou Paboahon. Di parpunguan parsitongaan ni minggu, boi do muse hita mangalehon komentar di bagian Arta na Adong di Bibel, Parsiajaran Bibel Huria, dohot di pembahasan na asing.

3. Boasa sipata maol hita mangalehon komentar, jala songon dia Heber 10:24, 25 boi mangurupi hita?

³ Lomo do rohatta mamuji Jahowa jala patoguhon akka donganta. Alai olo do maol hita mangalehon komentar ala terlalu gugup, manang ala dang ditunjuk pemandu hita songon na taharappon. Aha do na boi mangurupi hita? Taida ma alusna sian surat ni si Paulus tu halak Heber. Tikki dipaboa ibana boasa massai penting ro tu parpunguan, didok si Paulus do ikkon berfokus hita ‘patoguhon akka donganta’. (Jaha Heber 10:24, 25.) Gabe dipatogu do akka donganta molo talehon komentar, nang pe sederhana komentarta i. Molo taingot on, gabe dang terlalu gugup be hita mangalehon komentar. Jala molo tung pe dang sering ditunjuk pemandu hita songon na taharappon, tong do boi las rohatta alana gabe adong kesempatan tu akka dongan na asing mangalehon komentar.​—1 Ptr. 3:8.

4. Aha do na lao tabahas di artikel on?

⁴ Di artikel on, tabahas ma songon dia hita boi masipatoguan di huria na gelleng na so pola godang hadirinna. Dung i tabahas ma muse songon dia hita boi masipatoguan di huria na balga na godang hadirin na tunjuk tangan. Jala tabahas ma songon dia asa komentarta boi patoguhon na asing.

MASIPATOGUAN DI HURIA NA GELLENG

5. Songon dia do hita boi masipatoguan di kelompok manang huria na gelleng?

⁵ Di kelompok manang huria na gelleng, dang godang na mangalehon komentar na boi ditunjuk pemandu. Sipata olo do pemandu sappe leleng paimahon asa adong na tunjuk tangan. Molo masa songon i, boi do gabe bosan hadirin jala gabe dang patoguhon na asing. Aha do na boi taulahon? Berupaya ma asa jotjot tunjuk tangan. Molo taulahon songon i, gabe tergerak ma na asing mangulahon na sarupa.

6-7. Aha do na boi taulahon asa unang gugup tikki mangalehon komentar?

⁶ Merasa gugup do hamu tikki naeng mangalehon komentar? Pos ma rohamuna dang holan hamu na merasa songon i. Alai asa boi hamu patoguhon akka donganmuna, lului ma cara asa unang terlalu gugup hamu tikki mangalehon komentar. Songon dia carana?

⁷ Denggan do molo diihutton hamu piga-piga saran na hea dibahas di Joujou Paboahon.b Misalna, denggan ma persiappon bahan i. (Poda 21:5) Molo nungnga dipersiappon hamu bahan na naeng diparsiajari, gabe dang pola gugup hamu tikki mangalehon komentar. Asing ni i, singkat ma bahen komentarmuna. (Poda 15:23; 17:27) Biasana, dang pola gugup hita molo singkat komentarta. Komentar na singkat i ma sada manang dua kalimat. Ummura do i diattusi akka dongan sian komentar na ganjang na menyoroti godang gagasan. Molo tabahen komentar na singkat jala mamakke kata-kata sendiri, on patuduhon denggan do taparade jala taattusi bahan i.

8. Songon dia do pandangan ni Jahowa tu upayatta tikki mangalehon komentar?

⁸ Songon dia do molo nungnga dicoba hamu saran i, alai tong dope hamu gugup mangalehon lobi sian sada manang dua komentar? Pos ma rohamuna diargai Jahowa do upayamuna sesuai tu kesanggupanmuna. (Luk. 21:1-4) Dang hea dipangido Jahowa hita mangulahon lobi sian na tolap taulahon. (Plp. 4:5) Pikkirhon ma aha na boi diulahon hamu, bahen ma tujuan lao mangulahon i, jala martangiang ma asa tenang hamu tikki mangalehon komentar. Mulana tetappon ma tujuan mangalehon sada komentar na singkat.

MASIPATOGUAN DI HURIA NA BALGA

9. Boasa sipata maol mangalehon komentar di huria na balga?

⁹ Asing do muse tantangan molo bergabung hamu di huria na balga. Ala godang do donganta na tunjuk tangan mangalehon komentar, sipata gabe jarang ma hamu ditunjuk pemandu. On ma na dihilala si Daniela.c Semangat do ibana mangalehon komentar di parpunguan. Menurut ibana, bagian sian ibadat tu Jahowa do mangalehon komentar. Jala i ma cara ni ibana patoguhon akka dongan na asing dohot patoguhon haporseaonna tu ajaran ni Bibel. Alai dung pinda ibana tu huria na balga, gabe jarang ma ibana ditunjuk. Sipata dang ditunjuk ibana nanggo sahali pe saleleng acara parpunguan. Didok si Daniela, “Gabe jut ma rohakku. Hira adong na hurang huhilala, ala dang boi godang hulehon komentar. Jala ala jotjot masa songon i, sipata gabe sukkun-sukkun do rohakku hira na sengaja do pemandu i dang menunjuk au.”

10. Songon dia do carana asa lam godang kesempatanta mangalehon komentar?

¹⁰ Hea do sarupa pakkilalaanmuna songon si Daniela? Molo hea, olo do gabe dang semangat be hamu mangalehon komentar jala gabe holan manangihon pembahasan. Alai unang ma menyerah. Aha do na boi diulahon hamu? Denggan do molo dipersiappon hamu piga-piga komentar tu setiap parpunguan. Jadi molo dang ditunjuk hamu di awal pembahasan, adong dope kesempatanmuna mangalehon komentar di bagian na asing. Tikki dipersiappon hamu Joujou Paboahon, pikkirhon ma songon dia setiap paragraf berkaitan tu tema ni artikel i. Molo dibahen hamu songon i, gabe godang ma na boi dikomentari hamu saleleng pembahasan. Asing ni i, persiappon ma komentar tu akka paragraf na mambahas taringot ajaran ni Bibel na bagas na maol dipatorang. (1 Kor. 2:10) Boasa? Alana sipata otik do na mangalehon komentar di bagian i. Alai boha do molo nungnga diulahon hamu akka saran i, hape tong do dang ditunjuk hamu? Paboa ma tu pemandu sebelum acara parpunguan sukkun-sukkun na dia na naeng dialusi hamu.

11. Sesuai tu Pilippi 2:4, aha do na ikkon taulahon?

¹¹ Jaha Pilippi 2:4. Marhite panogu-noguon ni tondi parbadia, dijujui Apostel Paulus do halak Kristen asa mamparrohahon na asing. Songon dia do hita boi menerappon nasehat on saleleng parpunguan? Taingot ma, akka donganta na asing pe lomo do rohana mangalehon komentar.

12. Aha do sada cara na terbaik lao patoguhon akka dongan di parpunguan? (Ida gambar.)

¹² Pikkirhon ma jo on. Tikki makkata-hatai hamu dohot donganmuna, holan hamu do na makkatai? Tottu daong. Lomo do rohamuna asa dohot donganmuna i makkatai. Dos songon i ma, tikki di parpunguan lomo do rohatta sering mangalehon komentar. Alai sada cara na terbaik lao patoguhon akka dongan, i ma mangalehon kesempatan tu nasida asa mangalehon komentar lao patuduhon haporseaon ni nasida. (1 Kor. 10:24) Saonari tabahas ma songon dia carana mangulahon i.

13. Songon dia hita boi mangalehon kesempatan tu akka dongan lao markomentar?

¹³ Na parjolo, singkat ma tabahen komentarta asa adong tikki tu akka dongan na asing mangalehon komentar. Sintua dohot akka dongan na berpengalaman boi mangalehon teladan taringot on. Jala nang pe singkat komentarta, unang ma takomentari sude gagasan. Alana molo takomentari sude gagasan di paragraf i, gabe dang adong be na boi dikomentari akka dongan na asing. Misalna, parrohahon ma dua saran na adong di paragraf on. Na parjolo, mangalehon komentar na singkat. Na paduahon, unang mengomentari sude gagasan. Molo hamu na parjolo ditunjuk lao markomentar di paragraf on, coba ma komentari holan sada gagasan.

14. Songon dia hita patuduhon pertimbangan tikki naeng mangalehon komentar? (Ida gambar.)

¹⁴ Patudu ma pertimbangan tikki naeng mangalehon komentar. Molo pajotjothu hita tunjuk tangan, gabe tabahen do pemandu merasa terpaksa marulak-ulak menunjuk hita, hape akka dongan na asing dang dope mangalehon komentar. Akibatna gabe kecil hati ma akka donganta jala dang olo be tunjuk tangan.​—Pjm. 3:7.

15. (a) Boha do seharusna reaksitta molo dang ditunjuk hita markomentar? (b) Songon dia do pemandu patuduhon pertimbangan asa godang na mangalehon komentar? (Ida kotak “Na Porlu Diparrohahon Akka Pemandu.”)

¹⁵ Molo godang na tunjuk tangan saleleng pembahasan, sipata olo do dang ditunjuk pemandu i hita nanggo apala sahali. Olo do ra hita kecewa alani i. Alai berupaya ma hita asa unang haccit rohatta.—Pjm. 7:9.

16. Songon dia do hita boi patoguhon akka dongan na markomentar?

¹⁶ Molo dang boi hamu jotjot markomentar songon na dihalomohon rohamuna, denggan ma parrohahon hamu komentar ni na asing. Dung i dung sae marpungu, puji ma komentar ni nasida na denggan i. Pujianmuna i boi do patoguhon akka dongan, dos songon komentar naung dipersiappon hamu. (Poda 10:21) Mangalehon pujian ma cara na asing lao masipatoguan.

CARA NA ASING LAO MASIPATOGUAN

17. (a) Songon dia natua-tua mangurupi gelleng ni nasida paradehon komentar? (b) Sesuai tu video, opat cara aha do na boi dipakke tikki paradehon komentar? (Ida surat na di toru.)

¹⁷ Aha dope cara na asing lao masipatoguan dohot akka dongan di parpunguan? Molo natua-tua do hamu, urupi ma gellengmuna paradehon komentar na cocok sesuai tu umur ni nasida. (Mat. 21:16) Sipata topik na dibahas di parsiajaran olo do topik na serius songon masalah keluarga manang taringot moral. Alai adong do ra sada manang dua paragraf na boi dikomentari nasida. Asing ni i, urupi ma gellengmuna mangattusi boasa dang ditunjuk nasida nang pe nungnga tunjuk tangan. Molo dipatorang hamu i, boi ma nasida dang merasa kecil hati tikki na asing na ditunjuk markomentar.​—1 Tim. 6:18.d

18. Songon dia do asa unang berfokus holan tu diritta sandiri hita tikki markomentar? (Poda 27:2)

¹⁸ Sude do hita boi paradehon komentar na pasangappon Jahowa jala na patoguhon akka dongan. (Poda 25:11) Sipata olo do dipangido hita lao manceritahon pengalaman pribadi, alai taingot ma unang pagodangku hita manceritahon taringot diritta sandiri. (Jaha Poda 27:2; 2 Kor. 10:18) Sebalikna di komentarta i fokus ma hita tu Jahowa, tu Hatana, dohot tu akka dongan. (Pgk. 4:11) Tottu molo sukkun-sukkun di paragraf i mangido hita lao manceritahon pengalaman pribadi, tabahen ma songon i. Taida ma contohna di paragraf na mangihut.

19. (a) Aha do hasilna molo taparrohahon akka dongan na ro tu parpunguan? (Rom 1:11, 12) (b) Aha do manfaat na dihilala hamu secara pribadi tikki markomentar di parpunguan?

¹⁹ Memang dang adong aturan na kaku taringot songon dia carana mangalehon komentar. Alai sude do hita porlu berupaya asa mangalehon komentar na patoguhon. Olo do ra ikkon jotjot hita mangalehon komentar. Alai di situasi na asing, porlu do hita merasa puas tu kesempatan na dilehon tu hita, jala marlas ni roha molo na asing dilehon kesempatan mangalehon komentar. Molo taparrohahon akka dongan na ro tu parpunguan, boi ma hita sude marlas ni roha jala masipatoguan.​—Jaha Rom 1:11, 12.