Referensi tu Parpunguan Hangoluan dohot Pangkobasion na Laho Diparsiajari
13-19 APRIL
ARTA NA ARGA NA ADONG DI BIBEL 1 MUSA 31
“Si Jakkob dohot si Laban Mambahen Parjanjian Dame”
it-1-IN 758 ¶7
Galed
Dung mardame si Jakkob dohot si Laban, dibahen nasida ma perjanjian. Dung i, dibahen si Jakkob ma pilar batu jala disuru ibana ma “angka donganna” mambahen tumpukan batu. Hira-hira songon meja ma bentukna jala rap mangan ma nasida disi tanda naung sah perjanjian i. Dibahen si Laban ma goar ni inganan tumpukan i, “Jegar-Sahaduta” di bahasa Aram (Siria). Alai molo si Jakkob dibahen do goar ni inganan i, “Galed” di Bahasa Heber. Didok si Laban ma, ‘Tumpukan batu [Heb., gal] on ma sada parningotan [Heb., edh] di hita nadua.’ (1Mus 31:44-48, Bibel siganup ari) Tumpukan batu dohot pilar batu i gabe tanda ma tu sude halak na lewat. Sesuai do on tu hata Mispa na di ayat 49. “Mispa” ma na gabe tanda si Jakkob dohot si Laban setuju asa torus nasida mardame songon i nang keluargana. (1Mus 31:50-53) Di pudian ni ari gabe dipakke ma batu gabe sada tanda songon na dibahen si Jakkob dohot si Laban.—Jos 4:4-7; 24:25-27.
it-2-IN 75 ¶6
Menara Pengawal
Dibahen si Jakkob ma sada tumpukan na digoari “Galed” (lapatanna, “Tumpukan na Gabe Tanda”) dohot “Mispa” manang “Menara Pengawal”. Dung i didok si Laban ma, “Sai ditatap Jahowa ma hita, ia dung sirang hita!” (1Mus 31:45-49) Tumpukan batu i ma na gabe tanda manang saksi molo Jahowa mamparrohahon na tutu do diulahon si Jakkob dohot si Laban perjanjian dame ni nasida.
Mangalului Arta na Adong di Bibel
it-2-IN 1018 ¶4
Terapim
Sian akka temuan arkeolog di Mesopotamia dohot daerah-daerah sekitarna patuduhon, halak nampunasa patung-patung terapim i do na gabe ahli waris di keluarga. Menurut sada lempeng di Nuzi, molo sahalak bawa mandapot terapim marhak do ibana tu pengadilan lao menuntut harta warisan na ditadikkon simatuana. (Ancient Near Eastern Texts, diedit si J. Pritchard, 1974, hlm. 219, 220, dohot surat na ditoru 51) Alani i ma dirippu si Rahel do ra dang salah ibana manakko terapim ni bapakna alana nungnga dioto-otoi bapakna suamina. (Bandingkon tu 1Mus 31:14-16.) Ala diboto si Laban rikkot ni terapim on, sampe ditogihon ibana do hahaanggina lao mangalele si Jakkob saleleng pitu ari pardalanan lao mambuat terapim i. (1Mus 31:19-30) Dang diboto si Jakkob aha na naung diulahon si Rahel (1Mus 31:32), jala dang hea dipakke ibana terapim lao mambuat warisan sian akka anak ni si Laban. Dang hea si Jakkob mamakke gana-ganaan. Ujungna dibolokkon jala dikubur si Jakkob ma terapim dohot debata na asing na dilehon keluargana tu toru ni hau na jonok tu Sikem.—1Mus 35:1-4.
w13-IN 15/3 21 ¶8
Jahowa—Haporusannami
8 Disi sahat si Jakkob di Haran, pittor las do roha ni si Laban manomu si Jakkob. Di pudian ni ari, dilehon si Laban ma boruna si Lea dohot si Rahel asa gabe istri ni si Jakkob. Alai dang leleng dukkon i gabe dioto-otoi si Laban do si Jakkob. Sai diubah si Laban do gaji ni si Jakkob sampe sampulu hali! (1 Mus. 31:41, 42) Nang pe songon i dibahen si Laban, alai sabar do si Jakkob. Pos do rohana sai diparrohahon Jahowa do ibana. Jala tutu do dang ditadikkon Jahowa ibana! Tikki disuru Debata si Jakkob mulak tu Kanaan, nungnga godang be “angka birubiruna dohot naposona boruboru dohot baoa, angka unto dohot halode”. (1 Mus. 30:43) Las do roha ni si Jakkob martangiang tu Jahowa. Ninna ma, “Ndang patut ahu naposoM on nian manjalo sude na denggan na binahenmu dohot hasatiaonMu na pinatuduhonmu tu ahu. Holan tungkot do huboan manaripari batangaek Jordan on, hape saonari mulak ahu nunga huboan jolma dohot arta, na dua rombongan on.”—1 Mus. 32:10, Bibel siganup ari.
20-26 APRIL
ARTA NA ARGA NA ADONG DI BIBEL 1 MUSA 32-33
“Olo do Hamu Margulat Lao Mandapot Pasu-Pasu?”
w03-IN 15/8 25 ¶3
Marsitutu do Hamu Mangalului Jahowa?
Godang do disurat di Bibel akka halak na marsitutu lao mangalului Jahowa. Contohna si Jakkob. Margulat do si Jakkob dohot sada suru-suruan sahat tu na bissar mataniari. Ala “marsitutu” ibana margulat dohot Debata, gabe digoari ma si Jakkob Israel (Halak na Marsihohot tu Debata). Ujungna dipasu-pasu suru-suruan i ma ibana.—1 Musa 32:24-30.
it-2-IN 1046 ¶1
Mekkat-ekkat
Mekkat-ekkat ma si Jakkob. Tikki marumur 97 taon si Jakkob, margulat ma ibana saborngin manipat dohot sada suru-suruan ni Debata. Dang olo so si Jakkob margulat dohot suru-suruan i sampe dapotna pasu-pasu i. Tikki margulat nasida dijama suru-suruan i ma pangkal ni hae-hae ni si Jakkob, gabe margeser ma. Alani i gabe mekkat-ekkat ma si Jakkob. (1Mus 32:24-32; Hos 12:3-5) Dung i dapot ni si Jakkob ma sipasingot na mandok, nang pe ibana monang mangalo Debata dohot jolma alai dang na tutu ibana monang manaluhon suru-suruan ni Debata. Dipaloas Debata pe si Jakkob margulat dohot suru-suruan i lao patuduhon na diargai si Jakkob do pasu-pasu sian Debata.
it-1-IN 1063 ¶8
Israel
1. Goar na dilehon Debata tu si Jakkob tikki ibana marumur 97 taon. Tikki lao si Jakkob manjuppangi si Esau dilewati ibana ma batang aek Jabok. Di bornginna i margulat ma ibana dohot suru-suruan. Ala marsitutu si Jakkob margulat dohot suru-suruan i, diganti ma goarna gabe Israel na gabe tanda na dipasu-pasu Debata ibana. Asa diingot si Jakkob peristiwa i, digoari ibana ma inganan i, Peniel. (1Mus 32:22-31; ida YAKUB No. 1.) Di pudian ni ari, tikki di Betel dipatakkas Debata ma naung ganti goar ni si Jakkob. Mulai sian i ma jotjot si Jakkob dijou Israel sahat tu na mate ibana. (1Mus 35:10, 15; 50:2; 1Kron 1:34) Lobi sian 2.500 hali ma hata on muncul di Bibel. Alai jotjotan lapatan ni hata Israel on, i ma pinoppar ni si Jakkob na naung gabe sada bangso.—2Mus 5:1, 2.
Mangalului Arta na Adong di Bibel
w10-IN 15/6 22 ¶10-11
Pakkataion na Denggan Mambahen Hubunganta dohot na Asing Denggan
10 Asa boi hita mardame dohot na asing, ikkon denggan do pakkataionta. Alana molo lam denggan caratta makkatai, lam denggan ma hubunganta dohot na asing. Jadi burju ma hita tu na asing. Contohna mangalului kesempatan lao mangurupi, manang mangalehon hadiah. Molo burju hita tu sasahalak, dos ma i songon mambahen “gara tu ginjang ni uluna”. Gabe tarida ma parangena na denggan, gabe lomo ma rohana makkatai dohot hita.—Rom. 12:20, 21.
11 I ma na diulahon si Jakkob. Hea ma muruk si Esau tu si Jakkob. Ala mabiar si Jakkob lao dibunu si Esau, lari ma ibana. Dung martaon-taon mulak ma muse si Jakkob. Dijuppangi si Esau ma ibana dohot 400 bawa. Martangiang ma si Jakkob tu Jahowa mangido pangurupion. Dung i dilehon ibana ma godang pinahanna tu si Esau. Denggan do hasilna. Tikki pajuppang nasida, nga mulak be roha ni si Esau. Marlojong ma si Esau jala dihaol ibana ma si Jakkob.—1 Mus. 27:41-44; 32:6, 11, 13-15; 33:4, 10.
it-1-IN 98 ¶7
Debata ni Halak Israel
Dung margulat si Jakkob dohot sada suru-suruan di Peniel, digoari ma ibana Israel. Jala dung mardame ibana dohot si Esau, tinggal ma ibana di Sukot. Dung i, pinda ma ibana tu Sikem. Dituhor ibana ma tano disi sian akka anak ni si Hemor jala dipajongjong ma tendana disi. (1Mus 32:24-30; 33:1-4, 17-19) “Dung i dipajongjong disi langgatan sada, dibahen ma goarna: Di Debata ni halak Israel.” (1Mus 33:20) Dibahen ibana pe goar ni langgatan i mamakke goarna na baru, i ma Israel, lao patuduhon na diargai si Jakkob do goar naung dilehon Debata tu ibana jala ala diramoti Debata ibana mulak muse tu Tano na Dijanjihon. Holan sahali do hata on disurat di Bibel.
27 APRIL–3 MEI
ARTA NA ARGA NA ADONG DI BIBEL 1 MUSA 34-35
“Bahaya ni Pergaulan Buruk”
w97-IN 1/2 30 ¶4
Sikem—Sada Kota di Toru ni Dolok
Aha do na diulahon akka bawa di kota i tikki diida nasida adong sahalak borua na jotjot ro tu kota ni nasida? Diida anak ni raja di luat i ma si Dina, “diluahon ma ibana jala diperkosa”. Boasa olo si Dina manjuppangi akka halak Kanaan? Na lomo do rohana mardongan dohot akka anak boru na saumuranna? Manang alana jugul do ibana jala naeng bebas songon akka itona? Jaha ma caritana di bukku 1 Musa. Bayangkon ma songon dia arsak ni roha dohot ila ni si Jakkob dohot si Lea akibat pergaulan buruk ni boruna di Sikem.—1 Musa 34:1-31, Bibel siganup ari; 49:5-7; ida ma muse The Watchtower, 15 Juni 1985, halaman 31.
“Pasiding ma Parmainanon”
14 Ra, ndang adong di roha ni si Dina laho mangulahon parmainanon tingki jumpang dohot si Sikem. Alai, di pingkiran ni si Sikem ulaon na somal do sisongon i. Paraloan ni si Dina tu si Sikem ndang adong labana, ala nunga diboan jala “digogoi [diperkosa]” ibana. Nang pe di pudian ni ari “lomo rohana” tu si Dina, alai on ndang mambahen muba na masa naung dibahen ibana tu si Dina. (Jaha 1 Musa 34:1-4.) Alani na masa on, ndang holan si Dina na mangkilala hasusaan. Godang do na masa na parohon lea tu angka keluargana.—1 Musa 34:7, 25-31; Galatia 6:7, 8.
w09-IN 1/9 21 ¶1-2
Tikki Dibahen Haccit Rohatta
Biasana molo dibahen haccit roha ni sasahalak, pittor naeng balosonna do i. Contohna, dipaboa do di Bibel taringot akka anak ni si Jakkob. Tikki diboto nasida diperkosa si Sikem ibotona i ma si Dina, “marsak jala tarimas situtu” ma nasida. (1 Musa 34:1-7) Margabus ma si Simeon dohot si Lepi, lao mambalos si Sikem dohot keluargana. Dung i, masuk ma nasida tu kota i jala dibunu nasida ma sude bawa disi termasuk ma si Sikem.—1 Musa 34:13-27.
Sae do parsoalan i ala balas dendam nasida? Tikki diboto si Jakkob na binahen ni anakna i, muruk do ibana. Jala didok ibana do, “Nunga diboan hamu ahu tu parmaraan; gabe dihasogohon halak Kanaan, . . . molo satahi nasida marmusu tu ahu, pasudaonna ma hita.” (1 Musa 34:30, Bibel siganup ari) Dang na gabe sae parsoalan ni nasida gariada gabe tamba do masalah na ro. Alana boi do diserang akka halak na di humaliang ni nasida i si Jakkob dohot keluargana. I do ra umbahen disuru Debata si Jakkob dohot keluargana pinda tu Betel.—1 Musa 35:1, 5.
Mangalului Arta na Adong di Bibel
it-1-IN 564 ¶7
Si Debora
1. Parorot ni si Rebekka. Dung pinda si Rebekka tu Palestina ala naeng muli tu si Isak, ditadikkon ibana do keluargana jala dohot do si Debora mandongani ibana. (1Mus 24:59) Dung martaon-taon si Debora karejo di keluarga ni si Isak, karejo ma ibana tu keluarga ni si Jakkob dung mate do ra si Rebekka tikki i. Hira-hira dung 125 taon si Rebekka dohot si Isak marhasohotan, mate ma si Debora. Jala dikuburhon ma ibana di toru ni hau na balga na adong di Betel. Digoari ma hau i Bahut (lapatanna, “Parandungan”). On patuduhon mansai holong do roha ni si Jakkob dohot keluargana tu si Debora.—1Mus 35:8.
Sukkun-Sukkun sian na Manjaha
Di tingki ni halak Israel, ingkon anak siangkangan do na gabe ompu ni Messias?
Najolo, tarimpu do tutu songon i ala na didok di Heber 12:16 (Bibel siganup ari). Didok disi taringot si Esau “na neang roha” tu angka na badia jala mangalehon tu si Jakkob ‘hak siangkangan ala ni sada sipanganon’. Jadi saleleng on, na tarimpu do molo si Jakkob boi gabe ompu ni Messias ala nunga mandapot ‘hak siangkangan i’.—Mat. 1:2, 16; Luk. 3:23, 34.
Alai, molo tasulingkiti isi ni Bibel, taboto ma ndang ingkon na siangkangan asa gabe ompu ni Messias. Taida ma pigapiga buktina:
Si Ruben do anak ni si Jakkob na siangkangan tubu ni si Lea. Jala si Josep do na siangkangan tubu ni si Rahel. Tingki diulahon si Ruben na rorang, gabe tu si Josep ma hak siangkangan i. (1 Mus. 29:31-35; 30:22-25; 35:22-26; 49:22-26; 1 Kron. 5:1, 2) Alai, ndang si Josep nang si Ruben na gabe ompu ni Messias. Na gabe ompu ni Messias, i ma si Juda. Hape, anak na paopathon do si Juda na ditubuhon si Lea.—1 Mus. 49:10.