Referensi tu Parpunguan Hangoluan dohot Pangkobasion na Laho Diparsiajari
2-8 MARET
ARTA NA ARGA NA ADONG DI BIBEL 1 MUSA 22-23
“Diuji Debata do Haporseaon ni si Abraham”
w12-IN 1/1 23 ¶4-6
Boasa Dipangido Debata tu si Abraham Asa Dipelehon Anakna?
Rimangi ma tikki didok Jahowa tu si Abraham, “Buat ma anakmu na sasada i, haholongan ni roham . . . jala pelehon ibana disi bahen pelean situtungon.” (1 Musa 22:2) Parrohahon ma, tikki didok Jahowa “haholongan ni roham”, on patuduhon na diboto Jahowa do massai arga si Isak di si Abraham. Songon i ma pakkilalaan ni Debata tu Anakna, Jesus. Holong do rohana tu Jesus. Sampe dua hali do didok Ibana sian surgo, “Anakku, haholonganki”.—Markus 1:11; 9:7.
Molo di Terjemahan Dunia Baru bahasa Inggris adong do didok Jahowa tu si Abraham, “mangido ma jo Ahu”. Menurut sahalak pakar ni Bibel, hata na dipakke di ayat i lapatanna, “diboto DEBATA do massai borat pangidoanna i di si Abraham”. Boi ma tabayangkon lungun ni roha ni si Abraham tikki didok Debata songon i. Dos songon i ma pakkilalaan ni Debata tikki diida Ibana Anak haholonganna i susa jala ikkon mate. Tontu lungun hian do roha ni Debata mangida i.
Songgot do ra rohatta tikki manjaha pangidoan ni Debata i. Alai dang diloas Debata hape dipelehon si Abraham anakna i. Dang lomo rohana marhabot ni roha si Abraham; dang diloas Ibana mate si Isak. Alai molo Jahowa, “ndang diambati [Ibana] Anakna i manaon sitaonon, alai disuru Ibana do Anakna i humongkop hita”. (Rom 8:32) Boasa olo Jahowa mangulahon i? Didok di Bibel, “asa boi hita mandapot hangoluan”. (1 Johannes 4:9) Tung massai balga do holong ni Debata tu hita. Jadi, olo do hita makkaholongi Ibana?
w12-IN 15/10 23 ¶6
Oloi ma Debata jala Dapotta ma Pasu-Pasu
6 Marsumpa do Debata tu hita asa pos rohatta tu akka janjina. Didok Ibana, “Songon sintongna mangolu ahu.” (Hes. 17:16) Dipaboa di Bibel adong lobi sian 40 hali Jahowa marsumpa. Parjanjian na terkenal i ma parjanjian ni Jahowa tu si Abraham. Parjanjian i patuduhon Pinoppar naung dijanjihon i ro sian pinoppar ni si Abraham marhite si Isak. (1 Mus. 12:1-3, 7; 13:14-17; 15:5, 18; 21:12) Tikki disuru Debata si Abraham mamelehon anakna, pittor diulahon ibana do i. Dung naeng dipelehon si Abraham anakna i, toppu ma didok suru-suruan asa unang dihahua anakna i. Dung i marsumpa ma Debata jala didok, “Nunga pola huuarihon diringku, . . . ala dibahen ho songon i, jala ndang diolani ho anakmu na sasada i: Sai pasupasuonku ma ho, jala patoroponku situtu pinomparmu, sobokkon bintang angka na di langit, jala sobokkon rihit, angka na di topi ni laut, jala teanon ni pinomparmu sogot huta ni angka musuna. Jala martua sogot saluhut bangso ni tano on marhitehite pinomparmu, ala ditangihon ho soarangku.”—1 Mus. 22:1-3, 9-12, 15-18.
Mangalului Arta na Adong di Bibel
Digoari do Ibana “Ale-Ale” ni Jahowa
13 Andorang so marsirang sian akka naposona, didok si Abraham ma, “Dison ma hamu mangulon rap dohot halode i, alai anggo ahu dohot dakdanak i, laho ma hami tu sadu i, jala ia dung martangiang hami, mulak hami tu hamu on.” (1 Mus. 22:5) Aha do lapatan ni hata ni si Abraham on? Boasa didok si Abraham tu naposona na lao mulak ibana rap dohot si Isak hape lao pelehononna do si Isak? Na margabus do ibana? Dang songon i. Dipaboa Bibel do tu hita boasa didok si Abraham songon i. (Jaha Heber 11:19.) Porsea do si Abraham na boi do Debata pahehehon si Isak sian hamatean. Diingot ibana do songon dia Jahowa mambahen ibana dohot si Sarah boi marianakhon nang pe nasida nungnga matua. (Heb. 11:11, 12, 18) Takkas do diboto si Abraham, dang adong na so boi bahenon ni Jahowa. Jala pos do rohana aha pe na masa di tikki i, paheheon ni Debata do muse si Isak asa saut sude janji ni Jahowa. Dang ganggu rohatta molo si Abraham didok ama ni “saluhut angka na porsea”.
Sukkun-Sukkun sian na Manjaha
Na paopathon, dang dipakke Jahowa huasona lao mamboto sude na lao masa tu hita. Molo lomo roha ni Jahowa, boi do idaonna sude akka na lao masa di ari na naeng ro. (Jes. 46:10) Alai taboto sian Bibel, dang dipakke Jahowa huasona lao mambahen songon i. (1 Mus. 18:20, 21; 22:12) Parholong do Jahowa jala tigor, alani i dang diorai Ibana hita manottuhon sipillitonta.—5 Mus. 32:4; 2 Kor. 3:17.
9-15 MARET
ARTA NA ARGA NA ADONG DI BIBEL 1 MUSA 24
“Istri di si Isak”
“Laho pe Ahu”
Disuru si Abraham do asa marsumpa si Elieser na so buatonna boru ni halak Kanaan gabe tungganeboru ni si Isak. Boasa? Halak Kanaan dang manomba Jahowa. Diboto si Abraham do na lao ripashonon ni Debata akka parjahat. Alani i, dang lomo roha ni si Abraham molo si Isak marsaor jala marparange songon halak Kanaan. Takkas do diboto si Abraham, marhite si Isak do Debata manggohi janjina.—1 Musa 15:16; 17:19; 24:2-4.
“Laho pe Ahu”
Dipaboa si Elieser ma aha na diulahon ibana dung sahat di sumur na jonok di Haran. Martangiang do ibana tu Jahowa asa diurupi mamillit ise na gabe tungganeboru ni si Isak. Carana? Dipangido si Elieser ma tu Debata asa dipatudu ise borua na ro tu sumur i gabe tungganeboru ni si Isak. Ikkon rade do borua i mangalehon ibana minum dohot akka untona. (1 Musa 24:12-14) Ise do na ro jala na mangulahon i? Si Rebekka! Pikkirhon ma songon dia pakkilalaan ni si Rebekka dohot keluargana tikki manangihon sarito i!
wp16.3 14 ¶6-7
“Laho pe Ahu”
Andorang so borhat si Elieser, nungnga disukkun ibana tu si Abraham, “Beha ia so olo boru-boru i mangihuthon ahu?” Dialusi si Abraham ma, “Disi pe asa malua ho sian na niuarihonmu [sumpami] tu ahu.” (1 Musa 24:39, 41) Alani hiras ni roha ni si Elieser, dipangido ibana do asa dipaloas diboan si Rebekka marsogotna i. Alai, di keluarga ni si Betuel, diargai do pandapot ni borua. Dipangido keluargana ma asa tading si Rebekka sappulu ari nai. Alani i, didok nasida ma, “Antong hujou hami ma si betet [si Rebekka] i, asa itasungkun hatana i.”—1 Musa 24:57.
Ra, on ma sukkun-sukkun na borat di ngolu ni si Rebekka. Aha do alusna? Dipangido ibana do tu natua-tuana asa disundati ibana lao? Manang, olo do ibana borhat ala porsea tu pangurupion ni Jahowa? Sian alusna, tarida ma molo ibana dang mabiar mangadopi na lao masa di ngoluna. Takkas do didok ibana, “Laho pe ahu.”—1 Musa 24:58.
Mangalului Arta na Adong di Bibel
“Laho pe Ahu”
Di sada tikki, didapothon sahalak baoa na matua ma si Rebekka tikki mambuat aek di sumur. Didok ma tu ibana, “Ua lehon aek i otik inumonku sian panguhatanmu [gunsimu].” Dipangido ibana do denggan tu si Rebekka! Diida si Rebekka do molo baoa i ro sian huta na dao. Hatop ma dipaturun ibana gunsina jala dilehon ibana minum sampe sombu uasna. Diida si Rebekka ma adong sappulu untona jala dang adong dope aek diparade lao inumon ni akka unto i. Asi ma rohana gabe didok ma tu baoa i, “Hutahui pe dohot di angka untom, paima sombu uasna.”—1 Musa 24:17-19.
Dang holan otik ditimba si Rebekka aek lao inumon ni akka unto i, alai sampe sombu do uasna dibahen. Sada unto na mauas hian boi do pahabishon 95 liter aek! Molo sappulu unto i mauas hian, boi ma tapikkirhon sadia godang ditimba si Rebekka aek i. Hape dang mauas situtu akka unto i. Alai diboto si Rebekka do on umbahen na olo ibana mangulahon i? Dang! Na asi do rohana jala rade mangurupi baoa i. Jala baoa i pe paloashon ibana mangulahon i. Sai diparrohahon ibana do si Rebekka mangisi gunsina jala mulahulak manimba aek i sian sumur.—1 Musa 24:20, 21.
wp16.3 13, surat na di toru
“Laho pe Ahu”
Tikki i nungnga botari. Dang adong hatorangan na patuduhon molo si Rebekka ikkon marjomjom di sumur i. Dang dipatudu muse naung modom akka keluargana tikki mulak ibana manang ro halak mandapothon ibana ala palelenghu di sumur i.
“Laho pe Ahu”
Ujungna, sahat ma nasida songon na dipaboa di mula ni artikel on. Nungnga botari nasida sahat di Negeb. Ditatap si Isak ma adong ro rombongan. Dung diida si Rebekka adong sahalak baoa mardalan di adaran i, “gabe manimbung ibana sian unto i”, andorang so hundul dope untona. Disukkun ibana ma tu si Elieser, “Ise do halak an na mardalandalan di ladang i manjumpangkon hita?” Dung diboto ibana si Isak do i, dibuat ibana ma salendang manghungkupi bohina. (1 Musa 24:62-65) Boasa diulahon ibana songon i? Hasomalan i patuduhon pangargaion tu halak na lao tungganedolina. Dang diulahon be hasomalan i saonari. Alai sian hasomalan on, takkas ma akka baoa manang borua porlu maniru serep ni roha ni si Rebekka.
16-22 MARET
ARTA NA ARGA NA ADONG DI BIBEL 1 MUSA 25-26
“Dijual si Esau do Hak Siakkanganna”
it-2-IN 1159 ¶4
Si Jakkob
Imbar do si Esau dohot si Jakkob. Molo si Esau halakna dang boi tenang di jabu, ala lomo ni rohana tinggal di adaran marburu. Haholongan ni bapakna do si Esau. Alai molo si Jakkob, ‘jolma na daulat marroha [Heb., tam] do ibana jala maringanan di kemah’. Sahalak parmahan do si Jakkob jala tenang do halakna. Ringgas do ibana mula-ulaon di jabu. Haholongan ni omakna do si Jakkob. (1Mus 25:27, 28) Di akka ayat na asing, hata Heber tam on dipakke lao manggombarhon akka halak na dihaholongi Debata. Umpamana, adong didok di Bibel “Halak sisopsop mudar mangkagigihon halak na daulat roha.” Alai tu halak na daulat marroha didok di Bibel, “Sai hadameon do ujung ni halak sisongon i.” (Poda 29:10; Ps 37:37) Si Job, dipatuduhon ibana do ‘daulatna [Heb., tam] dohot tigorna’.—Job 1:1, 8; 2:3.
Boasa Ikkon Mandok Mauliate?
11 Alai adong do piga-piga na dipaboa di Bibel na so mamboto mandok mauliate. Umpamana, songon si Esau, dang diargai ibana silehon-lehon sian Debata, nang pe natua-tuana mangkaholongi Jahowa. (Jaha Heber 12:16.) Songon dia do i boi masa? Digadis ibana do hakna siakkangan tu anggina si Jakkob holan alani samangkuk sipanganon. (1 Mus. 25:30-34) Alai pudian ni ari disolsoli ibana do i. Sasittongna, dang marhak ibana muruk alana nungnga digadis ibana hak siakkanganna.
it-1-IN 127 ¶2
Anak Siakkangan
Sian najolo, sai dipasangap do anak siakkangan di keluarga. Jala ibana do na gabe panggatti ni bapakna. Dilehon do tu ibana dua bagian arta ni bapakna. (5Mus 21:17) Diatur si Josep do parhundul ni si Ruben tikki mangan nasida, ala si Ruben do anak siakkangan. (1Mus 43:32) Alai molo di Bibel, dang sai ikkon anak siakkangan na disurathon di urutan pertama. Di urutan pertama jotjotan dibahen goar ni anak na paling terkenal manang anak na paling setia.—1Mus 6:10; 1Kron 1:28; bandingkon tu 1Mus 11:26, 32; 12:4; ida it-1-IN 850, HAK KELAHIRAN; it-2-IN 1141, WARISAN.
Mangalului Arta na Adong di Bibel
Sukkun-Sukkun sian na Manjaha
Jadi, aha do parsiajaran na tadapot sian hata ni Apostel Paulus na disurat di Heber 12:16? Disi didok, “Tung unang ma adong parmainan manang na ramun songon si Esau, na sumeahon sahala siangkangan ala ni sipanganon sada.”
Di ayat i, si Paulus dang mangulas taringot ompu ni Messias. Alai, sipasingot tu halak Kristen do na dipaboa ibana disi. Didok ibana, “Patigor hamu ma sidalanan ni patmuna . . . asa unang adong na paholang dirina sian asi ni roha ni Debata.” Boi do i masa tu nasida molo mangulahon parmainanon nasida. (Heb. 12:12-16) Jala, gabe dos ma nasida songon si Esau, na so mangargai akka na badia, i ma hak siakkanganna holan alani giot-giot ni dagingna.
Hombar tu hasomalan ni akka halak tikki i, boi do ra si Esau gabe na mangalehon pelean tu Jahowa. (1 Mus. 8:20, 21; 12:7, 8; Job 1:4, 5) Alai, holan giot-giot ni dagingna do na diharikkothon ibana, umbahen gabe digadis ibana hak siakkangan i asa mandapot sipanganon. Ra, dang olo si Esau makkilala hasusaan na lao masa tu pinoppar ni si Abraham, songon naung disurirakkon Jahowa. (1 Mus. 15:13) Asing ni i, dibuat si Esau do dua borua na so manomba Jahowa gabe dongan saripena. Gabe lungun do roha ni natua-tuana alani i. On patuduhon, dang adong pangargaionna tu Jahowa. (1 Mus. 26:34, 35) Alai molo si Jakkob, imbar do ibana sian si Esau. Dibuat ibana do borua na manomba Jahowa gabe dongan saripena!—1 Mus. 28:6, 7; 29:10-12, 18.
it-1-IN 617 ¶5
Gabus
Didok do di Bibel dang boi hita margabus. Alai molo adong taboto sada informasi, dang boi tapaboa-boa i tu halak na asing, alana dang berhak nasida mamboto i. Didok Jesus, “Unang ma lehon angka na badia tu biang jala unang ma sampathon mutiaramuna tu babi, asa unang didege-degei, dung i marbalik laho mangkarat hamu.” (Mat 7:6) I do alana tikki disukkun halak Jesus, dang olo ibana paboahon informasi na lengkap, manang dang pittor dialusi ibana sukkun-sukkun i. Alana molo dibahen ibana songon i, boi do i gabe masalah. (Mat 15:1-6; 21:23-27; Joh 7:3-10) Songon i do tong si Abraham, si Isak, si Rahab, dohot si Elisa. Dang olo nasida paboahon hatorangan na lengkap tu akka halak na so manomba Jahowa. Tontu dang salah nasida disi.—1Mus 12:10-19; bindu 20; 26:1-10; Jos 2:1-6; Jak 2:25; 2Raj 6:11-23.
23-29 MARET
ARTA NA ARGA NA ADONG DI BIBEL 1 MUSA 27-28
“Dapot si Jakkob do Pasu-Pasu”
w04-IN 15/4 11 ¶3-4
Si Rebekka—Borua na Dihalomohon Debata Ala Habaranionna
Dang adong dipaboa di Bibel naung diboto si Isak molo si Esau gabe hatoban ni si Jakkob. Alai manang songon dia pe situasina, diboto si Rebekka dohot si Jakkob do pasu-pasu i lao di si Jakkob. Dung dibege si Rebekka na lao pasu-pasuon ni si Isak si Esau tikki diboan si Esau sipanganon hasil buruanna, pittor dibahen si Rebekka ma sada rencana. Sai tegas jala ringgas do si Rebekka mulai sian haposoonna. Disuru ma si Jakkob mambuat dua anak ni hambing. Diparade si Rebekka ma sipanganon lomo ni roha ni si Isak. Ikkon menyamar do si Jakkob songon si Esau asa dipasu-pasu ibana. Dang olo di Jakkob mangulahon i. Alana molo diboto bapakna i, dikutuk ma ibana. Alai sai dipaksa si Rebekka ma ibana jala didok, “Tu ahu pe [kutukan] na tu ho i, ale amang.” Jadi diparade si Rebekka ma sipanganon i, dibahen ma si Jakkob asa suman songon si Esau, jala disuru ma ibana mandapothon bapakna.—1 Musa 27:1-17.
Dang adong dipaboa boasa diulahon si Rebekka songon i. Godang do halak na muruk ala diulahon ibana i. Alai molo Bibel dang songon i. Jala si Isak pe dang muruk tu si Jakkob, gariada gabe ditambai ibana do pasu-pasu i. (1 Musa 27:29; 28:3, 4) Diboto si Rebekka do taringot surirang ni Jahowa tu akka anakkonna. I do na mambahen gabe diurupi ibana si Jakkob mandapot pasu-pasu i, alana memang hak ni si Jakkob do i. Hombar do on tu lomo ni roha ni Debata.—Rom 9:6-13.
w07-IN 1/10 31 ¶2-3
Sukkun-Sukkun sian na Manjaha
Memang dang dipaboa sude hatorangan taringot na diulahon si Rebekka dohot si Jakkob i. Alai Bibel paboahon dang direncanahon hian situasi i. Parrohahon ma na didok Bibel, dang didok sittong manang salah na diulahon si Rebekka dohot si Jakkob i. Alani i dang boi tabahen on gabe contoh taringot gabus dohot manipu. Adong do dipaboa Bibel hatorangan taringot situasi i.
Na parjolo, takkas do dipaboa di Bibel si Jakkob do na marhak mandapot pasu-pasu i sian bapakna, dang si Esau. Dituhor si Jakkob do hak siakkangan sian si Esau. Olo do si Esau manggadis hak siakkanganna i holan alani sipanganon. On patuduhon dang diargai ibana hak siakkanganna i. (1 Musa 25:29-34) Jadi tikki dijuppangi si Jakkob bapakna, marsitutu do ibana mandapot pasu-pasu i, alana hakna do i.
it-1-IN 404 ¶4
Pasu-Pasu
Najolo, somal do sahalak kepala keluarga mamasu-masu anakkonna molo naeng mate ibana. Rikkot do on diulahon. I do na mambahen dipasu-pasu si Isak si Jakkob, ala dirippu ibana do si Jakkob i si Esau. Hirim do roha ni si Isak asa gumodang pasu-pasu di si Jakkob sian di si Esau, jala dipangido ibana do tu Jahowa asa saut i, alana nungnga matua ibana jala dang marnida be ibana. (1Mus 27:1-4, 23-29; 28:1, 6; Heb 11:20; 12:16, 17) Jadi dipasu-pasu si Isak ma si Jakkob jala ditambai ibana do pasu-pasu i di si Jakkob. (1Mus 28:1-4) Andorang so mate si Jakkob, parjolo do dipasu-pasu ibana dua anak ni si Josep, baru pe dipasu-pasu ibana akka anakkonna. (1Mus 48:9, 20; 49:1-28; Heb 11:21) Songon i do tong si Musa, andorang so mate ibana, dipasu-pasu do halak Israel. (5Mus 33:1) Sian akka contoh on taboto ma, sude na dihatahon nasida i songon surirang do jala tutu do i saut. Tikki sasahalak mamasu-masu, diampehon do tanganna tu ulu ni na dipasu-pasu i.—1Mus 48:13, 14.
Mangalului Arta na Adong di Bibel
w06-IN 15/4 6 ¶3-4
Cara Berkomunikasi na Denggan Suami dohot Istri
Boha do cara komunikasi ni si Isak dohot si Rebekka tarlumobi tikki pasaehon masalah? Dung menikah si Esau tu dua boru Het, gabe masa do problem na serius. Sai lalap ma didokkon si Rebekka tu si Isak, “Hansit huhilala na mangolu on, ala pambahenan ni nioli ni si Esau, boru ni bangso na asing on. Molo dohot muse si Jakkob mambuat boru ni halak Het on, dumenggan ma ahu mate.” (1 Musa 26:34; 27:46, Bibel siganup ari) Sian on taboto ma, dipaboa si Rebekka do holso ni rohana.
Didok si Isak do tu si Jakkob asa unang menikah ibana tu boru Kanaan. (1 Musa 28:1, 2) Jadi denggan do cara ni si Rebekka berkomunikasi. Boi do denggan dipasae nasida problem na serius i; gabe sitiruon do on di hita saonari. Alai boha do molo dang sahata suami dohot istri? Aha ma na ikkon diulahon nasida?
w04-IN 15/1 28 ¶5
Akka na Denggan sian Buku 1 Musa—II
28:12, 13—Aha do lapatan ni “sada tangga” di nipi ni si Jakkob? “Tangga” on mungkin songon tangga na sian batu na sahat tu langit. Lapatanna adong komunikasi sian tano on tu surgo, manang sian surgo tu tano on. Akka suru-suruan na naik turun tangga i mangulahon tugas na rikkot sian Jahowa. Nasida gabe perantara ni Jahowa dohot naposona.—Johannes 1:51.
30 MARET–5 APRIL
ARTA NA ARGA NA ADONG DI BIBEL 1 MUSA 29-30
“Mangoli si Jakkob”
w03-IN 15/10 29 ¶6
Diargai si Jakkob do Akka na Nilehon ni Debata
Di tikki tunangan, dilehon ma sinamot tu keluarga ni pengantin. Di Patik ni si Musa, molo adong baoa memperkosa borua hape dang bertunangan dope nasida, ikkon lehonon ni baoa i do 50 sekel perak tu natua-tua ni borua i. Sahalak sarjana na margoar si Gordon Wenham mandok, nga “timbo nasa i arga ni sinamot”, alai godangan halak mangalehon “dao ummotik sian i”. (5 Musa 22:28, 29) Dang tolap si Jakkob mangalehon sinamot molo nasa i godangna. Dipangido ma asa karejo ibana tu si Laban saleleng pitu taon. “Alana holan satonga sekel manang sasekel do dilehon upa ni parkarejo sabulan di zaman Babel najolo” (sian 42 sahat tu 84 sekel di bagasan pitu taon), dipaboa si Wenham muse, “Didok si Jakkob tu si Laban lao lehononna do sinamot na balga lao menikahi si Rahel.” Pittor dioloi si Laban do i.—1 Musa 29:19.
w07-IN 1/10 8 ¶6
Si Rahel dohot si Lea na Gabe “Haroroan ni Pinompar ni Israel”
Na sahata do si Lea dohot bapakna lao mangoto-otoi si Jakkob? Manang holan ala naeng mangoloi bapakna do ibana? Boha molo si Rahel? Diboto ibana do aha na masa? Molo diboto ibana i, boha ma pakkilalaanna? Olo do ibana mangoloi bapakna? Dang adong dipaboa di Bibel taringot i. Manang aha pe na dipikkirhon si Rahel dohot si Lea taringot i, si Jakkob do na susa di situasi on. Alani i, gabe didok si Jakkob ma tu si Laban, “Ai karejo pe ahu mambuat si Rahel do. Boasa angkalanmu ahu?” Dialusi si Laban ma, “Ndang adat i di hami on, parjolo pamulion sianggian sian sihahaan. Paima ma salpu saminggu on, hulehon pe dohot si Rahel di ho molo olo ho karejo pitu taon nai di ahu.” (1 Musa 29:25-27, Bibel siganup ari) Ala diakkali si Laban do si Jakkob umbahen gabe dua istrina. Gabe saling cemburu ma si Lea dohot si Rahel.
it-1-IN 1182 ¶4
Kawin, Perkawinan
Pesta. Nang pe dang adong dibahen upacara na resmi di acara pernikahan di zaman ni halak Israel, alai adong do dibahen pesta na meriah di tikki i. Di ari pernikahan i, godang do persiapan na dibahen pengantin borua di jabuna. Na parjolo, maridi ma ibana jala diolesi dagingna mamakke miak na angur. (Bandingkon tu Rut 3:3; Hes 23:40.) Sipata diurupi akka hatoban borua do pengantin borua i lao mamakke ikat pinggang dohot jubah na bontar na godang sulamanna, hombar tu parhepengonna. (Jer 2:32; Pgk 19:7, 8; Ps 45:14, 15) Molo cukup hepengna, dipakke do muse perhiasan dohot permata (Jes 49:18; 61:10; Pgk 21:2), dung i dipakke do salendang na halus lao manutupi uluna sahat tu patna. (Jes 3:19, 23) On do na mambahen gabe dang diboto si Jakkob na si Lea do dilehon si Laban tu ibana. (1Mus 29:23, 25) Dipakke si Rebekka do tong salendang lao manutupi uluna tikki naeng pajuppang dohot si Isak. (1Mus 24:65) Molo dipakke pengantin borua tudung, on patuduhon na unduk do ibana tu pengantin baoa.—1Kor 11:5, 10.
Mangalului Arta na Adong di Bibel
it-1-IN 145 ¶6
Mangadopsi
Si Rahel dohot si Lea mandok molo anak na ditubuhon akka hatobanna i anak ni nasida do tong. (1Mus 30:3-8, 12, 13, 24) Rap mandapot warisan do anak ni hatoban i dohot anak ni si Rahel dohot si Lea. Alana anak kandung ni si Jakkob do tong nasida. Jala ala hatoban ni si Rahel dohot si Lea nasida, gabe marhak do si Rahel dohot si Lea di akka anak na ditubuhon hatobanna i.
Ikkon Marsitutu Asa Mandapot Pasu-Pasu ni Jahowa
Maima-ima do si Rahel, tungganeboru ni si Jakkob, taringot janji ni Jahowa na didok tu tungganedolina. Alai, adong do masalah. Dang boi si Rahel marianakhon, jala sada hailaan do di tikki i molo sahalak borua dang boi marianakhon. Songon dia do si Rahel mangadopi na masa on? Dang gabe marmetmet ni roha ibana. Alai, martangiang do ibana ganup ari tu Jahowa. Ujungna, ditangihon Jahowa do tangiangna, dibahen ma ibana boi marianakhon. Alani i, didok ibana ma, “Angka parsirangguton ni Debata huparsirangguthon dohot dahahang i, gabe monang ahu!”—1 Mus. 30:8, 20-24.