Aha do na Diulahon Jesus Tikki di Tano on?

Marasing-asing do na dibayakkon godang halak tikki dibege nasida goar ni Jesus. Adong na mambayakkon ibana songon sada poso-poso. Adong muse na mambayakkon ibana songon sahalak nabi na burju, manang sahalak bawa na mate targattung di hau. Alai godang do sebenarna na boi taboto taringot Jesus tikki mangolu ibana di tano on. Di pelajaran on, lao taida ma akka aha do naung diulahon Jesus jala aha do pengaruh ni i tu hita.

1. Aha do tugas utama ni Jesus?

Paboahon “barita na uli taringot tu Harajaon ni Debata” do tugas utama ni Jesus. (Jaha Lukas 4:43.) Dipaboa ibana do na lao pajongjongon ni Debata do sada Harajaon manang pamarettaon na lao mambahen dang adong be sitaonon di tano on.a Saleleng tolu satonga taon, dang marnaloja Jesus paboahon barita na uli on.—Mateus 9:35.

2. Boasa dibahen Jesus tanda halongangan manang mukjizat?

Bibel mandok godang do “tanda halongangan na binahen ni Debata marhite-hite [Jesus]”. (Ulaon ni Apostel 2:22) Dilehon Debata do tu Jesus huaso lao mengendalihon cuaca, mangalehon mangan marribu halak, pamaluppon na marsahit, dohot mambahen mangolu muse halak naung mate. (Mateus 8:23-27; 14:15-21; Markus 6:56; Lukas 7:11-17) Sudena on patuduhon Debata do na manuru Jesus tu tano on. Jala on gabe bukti na boi do Jahowa mambahen dang adong be sitaonon ni jolma haduan.

3. Aha do na boi taparsiajari sian parngoluon ni Jesus?

Toktong do Jesus mangulahon lomo ni roha ni Jahowa manang songon dia pe situasina. (Jaha Johannes 8:29.) Nang pe adong tantangan, tetap do Jesus setia tu Jahowa sahat tu na mate ibana. Dipatudu ibana ma, boi do jolma manomba Debata nang pe adong sitaonon. Bibel mandok ditadikkon Jesus do ‘sitiruon tu hita asa taihutton bogas ni patna’.—1 Petrus 2:21.

5. Dipaboa Jesus do ajaran na sittong

Dang holan taringot Harajaon ni Debata na dipaboa Jesus. Alai dipaboa ibana do tong akka nasehat na marguna tu parngoluon ni akka halak ganup ari. Boi do taida contohna sian Jamita di Dolok. Jaha Mateus 6:14, 34 dohot 7:12, dung i bahas ma sukkun-sukkun on:

• Nasehat taringot aha do na dipaboa di ayat i?

• Menurut hamu, marguna dope akka nasehat i tu hita?

6. Dibahen Jesus do mukjizat

Dilehon Jahowa do huaso tu Jesus lao mambahen godang mukjizat. Contohna, jaha Markus 5:25-34 manang putar ma VIDEO. Dung i bahas ma sukkun-sukkun on:

VIDEO: Dipamalum ma Sahalak Borua na Marsahit (5:10)

• Di video i, sian dia do taboto na pos do roha ni borua i tu Jesus?

• Boha do perasaanmuna dung ditonton hamu video i?

Jaha Johannes 5:36, dung i bahas ma sukkun-sukkun on:

• Aha do na dipatudu Jesus sian akka mukjizat na dibahen ibana?

KESIMPULAN

Dipaboa Jesus do barita na uli taringot Harajaon ni Debata. Dibahen ibana do godang tanda halongangan, jala diulahon ibana do lomo ni roha ni Jahowa manang songon dia pe situasina.

Tinjauan

• Aha do tugas utama ni Jesus tikki di tano on?

• Aha do na dipatudu Jesus sian akka mukjizat na dibahen ibana?

• Aha do contoh nasehat ni Jesus na marguna tu ngolutta ganup ari?

LULUI MA

Barita taringot aha do na unjotjot dipaboa Jesus?

“Boasa Penting Harajaon ni Debata di Jesus?” (Joujou Paboahon, 1 Oktober 2014)

Boasa pos rohatta na toho do terjadi akka tanda halongangan na dibahen Jesus?

“Aha do na Boi Taboto sian Mukjizat na Dibahen Jesus?” (Joujou Paboahon, 15 Juli 2004)

Jaha ma pengalaman ni sahalak bawa na gabe lam denggan sifatna dung dijaha ibana taringot Jesus na parduli tu akka halak.

“Holan Naeng Pasonakkon Dirikku do Tujuan ni Ngolukku” (Joujou Paboahon, 1 Oktober 2014)

Jaha ma taringot parngoluon ni Jesus tikki di tano on mangihutton urutan waktu.

“Akka na Masa di Ngolu ni Jesus Tikki di Tano on” (Bibel Hata ni Debata tu Akka Jolma na Naeng Mangolu di Tano na Imbaru, Lampiran A7)