PERPUSTAKAAN ONLINE Joujou Paboahon
PERPUSTAKAAN ONLINE
Joujou Paboahon
Batak (Toba)
  • BIBEL
  • PUBLIKASI
  • PARPUNGUAN
  • mwbr24 Maret hlm. 1-13
  • Referensi tu “Parpunguan Hangoluan dohot Pangkobasion na Laho Diparsiajari”

Dang adong video na diparade di pilihan on.

Maaf, adong gangguan tikki lao mambukka video on.

  • Referensi tu “Parpunguan Hangoluan dohot Pangkobasion na Laho Diparsiajari”
  • Referensi tu Parpunguan Hangoluan dohot Pangkobasion na Laho Diparsiajari—2024
  • Subjudul
  • 4-10 MARET
  • 11-17 MARET
  • 18-24 MARET
  • 25-31 MARET
  • 1-7 APRIL
  • 8-14 APRIL
  • 15-21 APRIL
  • 22-28 APRIL
  • 29 APRIL–5 MEI
Referensi tu Parpunguan Hangoluan dohot Pangkobasion na Laho Diparsiajari—2024
mwbr24 Maret hlm. 1-13

Referensi tu Parpunguan Hangoluan dohot Pangkobasion na Laho Diparsiajari

© 2023 Watch Tower Bible and Tract Society of Pennsylvania

4-10 MARET

ARTA NA ARGA NA ADONG DI BIBEL PSALMEN 16-17

“Sian [Jahowa] do Ro Sude Akka na Denggan di Ngolukku”

w18.12 23-24 ¶11

Angka na Poso, Boi do Marhasil Ngolumuna

MAMILLIT ALE-ALE

11 Songon naung taulas di minggu naung salpu, holan di angka halak na mangkaholongi jala mangoloi Jahowa do boi tadapot ale-ale na denggan. (Jaha Psalmen 16:3.) Songon si Daud, diboto ibana do mamillit ale-ale na denggan. Dapotna do las ni roha sian ale-alena na mangkaholongi Jahowa. Didok ibana do ale-alena i angka “nabadia”, ala ias do pangalaho ni nasida di adopan ni Jahowa. Songon i do muse na dihilala panurat psalmen na asing. Didok, “Aleale ni sude angka na mangkabiari Ho do ahu, ro di angka na mangaradoti angka parentam.” (Ps. 119:63) Alani i, ndang ingkon tu na satorbang hita boi marale-ale.

w14-IN 15/2 29 ¶4

‘Mangida Haburjuon ni Jahowa’

Didok si Daud, “Sian Jahowa do makkuk panginumakku jala sian Ibana do sude na adong di au. Ho do na manjaga parbagiananku. Nungnga diparade Ho akka inganan na denggan di au.” (Ps. 16:5, 6) Mandok mauliate do si Daud ala dijaga Jahowa ‘parbagiananna’, i ma boi ibana marale-ale tu Jahowa jala manomba Ibana. Olo do ra songon si Daud parngoluotta, godang sitaononta. Alai godang do sebenarna pasu-pasu naung tajalo sian Jahowa. Jadi tatiru ma si Daud. Taargai ma hubungatta tu Jahowa dohot pengaturan na dibahen Ibana tu ibadat na sittong.

w08-IN 15/2 3 ¶2-3

Bahen ma Jahowa Toktong di Jolomuna

2 Boi do hita sude marsiajar sian akka halak na disurat di Bibel. Contohna si Abraham, si Sara, si Musa, si Rut, si Daud, si Ester, Apostel Paulus, dohot akka na asing. Jotjot do taringot nasida dipaboa di Bibel. Alai sabotulna boi do tong hita marsiajar sian akka halak na so pola jotjot dipaboa di Bibel. Molo taparsiajari taringot nasida, gabe lam balga ma pos ni rohatta tu Jahowa. Gabe sarupa ma perasaanta songon si Daud na mandok, “Sai toktong do di jolokku Jahowa. Dang ganggu rohakku, ai jongjong do Ibana di sabola kananku.” (Ps. 16:8) Aha ma lapatan ni hatana i?

3 Biasana mamakke tangan kananna do sahalak tentara maniop podang jala tangan kirina maniop perisai. Jadi dang adong na boi melindungi ibana sian sabola kanan. Alai molo adong donganna di sabola kananna, boi ma terlindung ibana. Dos songon i ma, molo taingot songon dia Jahowa mangurupi akka naposona najolo jala taulahon lomo ni rohana, hira na di sabola kananta ma Jahowa. Saonari tabahas ma songon dia cerita taringot akka halak di tikki najolo boi patoguhon haporseaotta tu Jahowa. Molo taulahon i, hira na tabahen ma Jahowa ‘toktong di jolotta’.

Arta na Adong di Bibel

it-1-IN 432 ¶9-10

Anak ni Mata

Di Psalmen 17:8 dipakke do bahasa Heber ishohn bath-ayin lao mandok “anak ni mata”. Molo secara literal, lapatan ni hata ishohn bath-ayin i ma “jolma na gelleng, boru ni mata”. Istilah on dipakke lao patuduhon bayanganta na gelleng na boi taida di mata ni halak na asing. Sian dia do asal-usul ni istilah on? Di bahasa Heber hata ishohn, lapatanna “jolma na gelleng” (5Mus 32:10; Poda 7:2). Jala hata ayin, lapatanna “mata”. Molo dipasada dua hata on, lapatanna gabe “jolma na gelleng di mata”. Asing ni i di bahasa Heber, adong do tong istilah bath na lapatanna “boru”. Dipakke do istilah on di Andung-Andung 2:18 lao mandok “boru ni mata”. Jadi na dipasada do sude istilah i makana gabe adong hata ishohn bath-ayin.

Sensitif do matatta on. Pittor boi do tahilala molo masuk orbuk manang ibbulu tu matatta, nang pe gelleng i. Alani i, ikkon manat do tajaga bola matatta. Alana molo lukka i manang kabur alani sahit, boi do gabe maol hita mamereng. Bahkan boi do gabe mapitung hita. Hea do piga-piga hali dipakke Bibel istilah “anak ni mata”. Misalna didok Bibel, ikkon songon na manjaga matatta ma tabahen tikki mangihutton hata ni Debata. (Poda 7:2) Tikki paboahon taringot cara ni Jahowa manjaga halak Israel, didok di 5 Musa 32:10 dijaga Jahowa do bangso i ‘songon manjaga anak ni matana’. Jala tikki martangiang si Daud mangido asa dijaga Jahowa, dipangido ibana do asa dibahen Jahowa ibana dos songon ‘anak ni matana’. (Ps 17:8) Lapatanna dipangido ibana do asa bertindak Jahowa lao mangurupi ibana tikki adong musu na menyerang ibana. (Bandingkon tu Sak 2:8; di ayat i hata Heber na dipakke i ma bavath ayin, lapatanna “bola mata”.)—Ida it-2-IN 41, MATA.

11-17 MARET

ARTA NA ARGA NA ADONG DI BIBEL PSALMEN 18

“Jahowa do . . . Sipalua di Au”

w09-IN 1/5 14 ¶3-4

Dilehon Jahowa do Las ni Roha na Mambahen Hita Togu

Di Bibel hea do piga-piga hali Jahowa dipatudos songon “Dolok Batu ni Israel”, “dolok batu”, dohot “benteng”. (2 Samuel 23:3; Psalmen 18:2; 5 Musa 32:4) Boasa didok songon i? Somalna hot do sada dolok batu, dang boi tarhutur. Jadi pasti aman do sasahalak molo marlinggom tusi. Dos songon i ma, molo marlinggom hita tu Debata Jahowa pasti aman do tahilala.

4 Sering do dipakke tudos-tudos di bukku Psalmen lao paboahon taringot akka sifat ni Jahowa. Misalna di Psalmen 84:11 didok do, “dos songon mataniari dohot perisai do Debata Jahowa”. Alana sian Ibana do ro akka na tiur, hangoluan, gogo, dohot parlinggoman. Asing ni i di Psalmen 121:5 didok, “Jahowa do parlinggomanmu, di sabola kananmi.” Tikki mohop ari boi do gabe lambok tahilala molo lao hita tu sada inganan parlinggoman. Dos songon i ma, tikki adong sitaononta boi do gabe dame tahilala molo marlinggom hita tu toru ni ‘tangan ni Jahowa’ manang tu ‘toru ni habongna’.—Jesaya 51:16; Psalmen 17:8; 36:7.

w22.11 9 ¶5

Diurupi Jahowa do Hita Asa Martahan jala Marlas ni Roha

5 Saonari pe dipatogu do hita alani hata na mandok, “Pasti patuduhononna do asi ni rohana tu ho tikki mangangguki ho mangido asa diurupi Ibana.” (Jes. 30:19) Dipapos si Jesaya do rohatta na olo do Jahowa manangihon pangidoatta jala hatop mangalusi tangiangta. Didok si Jesaya do muse, “Pittor alusanna do ho disi dibege Ibana pangidoanmi.” Hata on paingotton hita na lomo do roha ni Bapakta Jahowa mangurupi halak na mangido bantuanna. Penting do taboto on, asa boi hita martahan jala marlas ni roha nang pe godang tantangan.

w22.07 20 ¶1

Hadiah na Massai Arga do Tangiang i

DILEHON Sitoppa langit dohot tano on do hadiah na massai arga tu hita. Diloas Ibana do hita martangiang tu Ibana. Pikkirhon ma on: Boi do tapaboa sude na di rohatta tu Jahowa tikki sadihari pe, jala mamakke bahasa manang aha pe. Asing ni i dang pola ikkon jolo mambahen janji hita lao martangiang tu Ibana. Boi do hita martangiang tikki di rumah sakit, manang tikki di penjara. Jala pos do rohatta pasti ditangihon Jahowa do tangiangta i. Mandok mauliate do hita tu Jahowa alani hadiah on.

w22.04 3 ¶1

Toktong Marlas ni Roha Nang pe Adong na Mambahen Metmet Roha

2. Mangarimangi. Hea do hamu mangadopi situasi na borat? Molo dirimangi hamu songon dia Jahowa mangurupi hamu saleleng on jala songon dia dibahen Ibana mangurupi akka naposona najolo, gabe tamba ma pos ni rohamuna tu Jahowa jala dame ma pakkilalaanmuna. (Ps. 18:17-19) Sahalak donganta sintua na margoar si Joshua mandok, “Husurat do di sada bukku akka na hutangiakkon jala songon dia Jahowa mangalusi i. Jadi gabe boi ma huingot songon dia Jahowa mangurupi au.” Molo sai tarimangi do songon dia Jahowa mangurupi hita saleleng on, gabe dang sai khawatir be hita alai gabe semangat muse.

Arta na Adong di Bibel

it-1-IN 1253 ¶9

Kerubim

Adong piga-piga halak na mandok, mirip do kerubim i tu patung ni binatang na marhabong na disomba akka sipelebegu. Hape sebenarna dang toho songon i. Mangihutton cerita ni halak Jahudi sian najolo (dang adong dipaboa Bibel taringot i), songon jolma do ninna kerubim i. Tikki dibahen si Musa pe patung ni akka kerubim i, bagak do i dibahen. Alana patung i manggombarhon suru-suruan ni Jahowa na massai gogo jala sangap. Jala tikki dibahen si Musa patung i, dibahen do i “dos songon rancangan” na dijalo si Musa sian Jahowa. (2Mus 25:9) Songon on ma na didok Apostel Paulus taringot patung ni kerubim i, “Di atas ni poti i adong do dua kerubim na mulia na mangalinggomi tutup ni poti i.” (Heb 9:5) Asing ni i didok do di Bibel, “Ro ma Au tu ginjang ni panutup ni poti i, jala sian i ma Au makkatai tu ho. Jala sian tonga-tonga ni kerubim na dua i, na di poti inganan ni Patik i.” Hata “kerubim” na didok di ayat i manggombarhon hira na adong ma Jahowa di tabernakel i. (2Mus 25:22; 4Mus 7:89) Jala hira na martahta ma Jahowa “di ginjang ni akka kerubim”. (1Sam 4:4; 2Sam 6:2; 2Raj 19:15; 1Kron 13:6; Ps 80:1; 99:1; Jes 37:16) Asing ni i, didok do tong akka kerubim “manggombarhon kareta” ni Jahowa. (1Kron 28:18) Ala marhabong do akka kerubim i, gabe hatop ma akka kerubim i habang jala habongna i boi mangalinggomi. Alani i ma didok si Daud di endena, “Hundul do [Jahowa] di ginjang ni kerubim. Hundul do Ibana di ginjang ni habong ni suru-suruan jala hatop do Ibana ro.” On patuduhon hatop hian do Jahowa ro lao mangurupi si Daud tikki susa ibana.—2Sam 22:11; Ps 18:10.

18-24 MARET

ARTA NA ARGA NA ADONG DI BIBEL PSALMEN 19-21

“Dipaboa Langit do Hasangapon ni Debata”

w19.12 20 ¶16

Tangkas do Ditanda Hamu Jahowa?

16 Marsiajar do si Daud taringot Jahowa sian angka tompaan. Tingki poso, gabe parmahan ni biru-biru ni bapakna do si Daud. Tingki di adaran, ra jotjot do dirimangi ibana angka tompaan ni Jahowa. Umpamana tingki borngin, diida si Daud do marribu angka bintang di langit. Alai ndang holan diida ibana. Huhut do dipingkirhon ibana parange ni Debata na manompa i sude. Gabe didok si Daud ma, “Angka langit do mamaritahon hamuliaon ni Debata, jala jadijadian ni tanganna do pinaboa ni na ratarata ni langit.” (Ps. 19:2, 3) Tingki dirimangi si Daud songon dia angka jolma ditompa, diida ibana ma songon dia bisuk ni Jahowa. (Ps. 139:14) Tingki dirimangi si Daud sude tompaan ni Jahowa, gabe diantusi si Daud ma na mansai metmet do ibana marimbangkon Debata.​—Ps. 139:6.

w04-IN 1/6 11 ¶8-10

Akka Toppaan Paboahon Hasangapon ni Debata!

8 Dung i dipaboa si Daud ma muse taringot toppaan ni Jahowa na asing. Didok ibana, “Dipajongjong Debata do kemah inganan ni mataniari di langit. Dos do i songon pangoli na kaluar sian kamarna. Jala dos do i songon bawa na gogo, na marlas ni roha marlojong di dalanna. Kaluar do i sian ujung ni langit na sada, jala torus do i mardalan tu ujung ni langit na sada nai. Dang adong na boi martabuni sian i alani mohopna.”—Psalmen 19:4-6.

9 Molo dibandingkon mataniari tu akka bintang na asing, gelleng do ukkuran ni mataniari. Alai molo dibandingkon mataniari tu akka planet na makkalilingi ibana, balga hian do ukkuran ni mataniari. Sada penelitian mandok, “Dua juta miliar triliun ton ma borat ni mataniari”. Jadi 99,9 persen borat ni tata suryatta, i ma borat ni mataniari. Jarak ni bumi tu mataniari, i ma 150 juta kilometer. Ala adong gaya gravitasi ni mataniari, gabe boi ma hot jarak ni bumi tikki makkalilingi mataniari. Dang lam dao manang lam jonok tu mataniari. Asing ni i, balga do energi ni mataniari. Alai holan saotik do energi ni mataniari na sahat tu planetta on, i ma satonga sian sepermiliar energi ni mataniari. Nang pe songon i, nungnga sae i lao memenuhi kebutuhan ni akka na mangolu di tano on.

10 Dipatudos si Daud do mataniari songon “bawa na gogo” na mardalan sian ujung ni langit na sada tu ujung ni langit na sada nai tikki arian, jala masuk tu bagasan “kemah” tikki borngin lao istirahat. Molo diida sian tano on, tikki naeng bonom mataniari hira na masuk do mataniari tu bagasan “kemah” lao istirahat. Alai dung bissar mataniari, marsinondang ma mataniari i dos songon “pangoli na kaluar sian kamarna”. Ala parmahan si Daud, diboto ibana ngali do alogo tikki borngin. (1 Musa 31:40) Alai dung bissar mataniari, gabe las ma dagingna jala dang ngali be alogo. Dos ma mataniari on songon “bawa na gogo” na so hea loja mardalan sian timur tu barat. Songon i ma marulak-ulak ganup ari.

g95-IN 8/11 7 ¶2

Seniman na Dilupahon Jolma

Boi do lam tatanda Debata sian akka toppaanna na adong di sekitarta. Di sada tikki hea do didok Jesus tu akka siseanna asa mamparrohahon akka bunga na di ladang na tubu di luat Galilea. Didok ibana, “Parrohahon ma akka bunga na di ladang. Dang mangula akka bunga i jala dang ditonun nasida pakkeanna. Alai hudok ma tu hamu, gari pakkean ni si Salomo uju di hasangaponna, dang songon uli ni akka bunga i.” (Mateus 6:28, 29) Sabotulna dang marlapatan akka bunga i di jolma. Alai bagak do i tubu dibahen Debata. Haru akka bunga i diurus Debata, apalagi ma jolma. Pasti parduli do Debata tu hita.

Arta na Adong di Bibel

w17.02 4 ¶5

Pasauton ni Jahowa ma SangkapNa!

5 Dibahen Jahowa do uhum tu sude tompaanNa. Dibahen do uhum na mangatur alam dohot moral. Dibahen Ibana uhum on, asa taratur sude na di alam semesta on. (Ps. 19:8-10) Sude di alam semesta on, nunga dibahen be ingananna jala marguna do i. Umpamana, hukum gravitasi mambahen atmosfer jonok tu tano on, jala hukum on ma na mangatur laut dohot pasang surut-na. Molo ndang adong gravitasi, ndang adong hangoluan di tano on. Taratur ma alam semesta on ala adong hukum na dibahen Jahowa. On patuduhon, adong do sangkapNa tu tano on dohot tu jolma. Tingki marbarita, taurupi ma halak asa mananda Sitompa hita.​—Pgk. 4:11.

25-31 MARET

ARTA NA ARGA NA ADONG DI BIBEL PSALMEN 22

Surirang ni Bibel Taringot Parmate ni Jesus

w21.04 11 ¶9

Marsiajar sian Hata Parpudi ni Jesus!

9 Hata ni Jesus. Andorang so mate Jesus didok ibana do, “Debatakku, Debatakku, boasa tadikkononmu au?” (Mat. 27:46) Memang dang dipaboa di Bibel boasa didok Jesus hatana i. Alai adong do na taparsiajari sian i. Na parjolo, tikki didok Jesus hatana i gabe saut ma na tarsurat di Psalmen 22:1. Na paduahon, gabe taboto ma dang dibahen Jahowa na songon “tembok di sakalilingna lao manjaga” Jesus Anakna i. (Job 1:10) Diboto Jesus do boasa dipaloas Jahowa musuna menganiaya ibana, asa taruji do haporseaonna sahat tu na mate. Dang adong jolma na hea makkilala penganiayaan na massai borat sisongon i. Na patoluhon, hata ni Jesus i patuduhon dang adong hajahaton na diulahon Jesus na mambahen ibana ikkon dihukum mate.

w11-IN 15/8 14-15 ¶13

Nungnga Pajuppang Nasida Dohot Messias!

13 Dipaboa si Daud do surirang taringot na lao direhei akka halak Messias. (Jaha Psalmen 22:7, 8.) Tikki digattung Jesus di hau partinaonan, godang do halak na mangarehei ibana. Songon on ma na didok si Mateus, “Mangupir do akka halak na lewat sian i mangida ibana, jala dileai nasida do ibana. Ninna nasida ma, ‘Anggo didok ho, naeng ruppakkononmu do bagas joro jala pajongjongonmu i muse di bagasan tolu ari. Palua ma jo dirim! Molo tutu do ho anak ni Debata, turun ma ho sian hau partinaonan i!’ Dohot do muse akka malim kepala, siboto surat, dohot akka pangituai mangarehei Jesus. Didok nasida do, “Anggo halak na asing dipalua do, hape dirina dang boi dipalua! Ai dang raja ni Israel ibana tahe? Molo boi ibana turun sian hau partinaonan i, porsea ma hita tu ibana. Porsea do ibana tu Debata. Attong, molo tutu do lomo roha ni Debata tu ibana, pasti paluaon ni Debata do ibana saonari. Ai didok ibana do, ‘Anak ni Debata do au.’”” (Mat. 27:39-43) Nang pe direhei akka halak Jesus, alai tetap do tenang ibana. Gabe sitiruon do Jesus tu hita.

w11-IN 15/8 15 ¶14

Nungnga Pajuppang Nasida Dohot Messias!

14 Dibahen do undi lao mambuat abit luar ni Messias. Songon on ma surirang na dipaboa di bukku Psalmen taringot Messias, “Dibagi-bagi nasida do abit luarhu, jala dibahen nasida do undi lao mambuat i.” (Ps. 22:18) Jala memang i do na masa. Songon on ma na didok di bukku Mateus, “Dung dipakkuhon [tentara Rom Jesus] tu hau, dibahen nasida ma undi lao mambagi-bagi pakkean luarna.”—Mat. 27:35; jaha Johannes 19:23, 24.

Arta na Adong di Bibel

w22.04 7 ¶12

Gabe ‘Sitiruon do Hamu di Pakkataion’?

12 Sude do hita boi berpartisipasi di parpunguan lao marende dohot mangalehon komentar. (Ps. 22:22) Alai adong do akka donganta na merasa maol mangulahon i. Songon i do na dihilala hamu? Molo songon i, marsiajar ma hamu sian akka dongan naung berhasil mangatasi i.

1-7 APRIL

ARTA NA ARGA NA ADONG DI BIBEL PSALMEN 23-25

“Jahowa do Siparmahan di Au”

w11-IN 1/5 31 ¶3

“Jahowa do Siparmahan di Au”

Ditogu-togu Jahowa do akka biru-biruna. Mura do lilu biru-biru molo dang adong parmahanna. Jadi porlu do biru-biru ditogu-togu. Dos songon i ma hita, porlu do hita ditogu-togu asa taboto dia dalan na sittong. (Jeremia 10:23) Hea do dipatudos si Daud Jahowa songon sahalak parmahan. Didok si Daud, ditogu-togu Jahowa do akka naposona “maradi tu inganan parmahanan na lomak” dohot “tu inganan na godang aekna”. Lapatanna, ditogu-togu Jahowa do hita akka naposona “tu dalan na sittong”. (Ayat 2, 3) Ala adong Jahowa na manogu-nogu hita, dang pola porlu hita mabiar. Jadi molo taihutton sude hata ni Jahowa na adong di Bibel, pasti marlas ni roha ma hita, aman, jala dame ma ngolutta.

w11-IN 1/5 31 ¶4

“Jahowa do Siparmahan di Au”

Dijaga Jahowa do akka biru-biruna. Biasana mabiar do akka biru-biru molo dang adong parmahan na manjaga. Dos songon i ma hita. Tikki borat hian sitaononta, hira na ‘mardalan di rura na massai golap’ do hita. Alai didok Jahowa tu akka naposona dang pola porlu nasida mabiar. (Ayat 4) Alana sai didongani Jahowa do hita jala rade do Ibana mangurupi hita. Lehononna do gogo dohot bisuk tu hita asa boi hita martahan tikki mangadopi sitaonon.—Pilippi 4:13; Jakobus 1:2-5.

w11-IN 1/5 31 ¶5

“Jahowa do Siparmahan di Au”

Dilehon Jahowa do biru-biruna mangan. Dang boi biru-biru mangalului sipanganonna sandiri. Ikkon diurupi parmahanna do ibana. Dos songon i ma hita, ikkon diurupi Jahowa do hita asa boi jonok hubungatta tu Jahowa. (Mateus 5:3) Mandok mauliate do hita tu Jahowa ala murah hati Ibana. Sai diparade Ibana do godang publikasi na dos songon sipanganon, na boi patoguhon haporseaon ni akka naposona. (Ayat 5) Dilehon do tu hita Bibel dohot akka publikasi songon majalah on, asa taboto aha tujuan ni ngolutta dohot lomo ni roha ni Debata.

Arta na Adong di Bibel

w11-IN 15/2 24 ¶1-3

Haholongi ma na Sittong Sian Nasa Roham

MARHITE hatana na badia i dohot tondi parbadiana, ditogu-togu Jahowa do naposona tu “dalan na sittong”. (Ps. 23:3) Alai ala dang sempurna hita, olo do sipata hita manimbil sian dalan i. Asa boi hita mulak muse tu dalan i, ikkon marsitutu do hita sian nasa gogotta mangulahon na sittong. Songon dia ma carana asa boi hita marhasil? Tatiru ma Jesus, tahaholongi ma akka na sittong i.—Jaha Psalmen 45:7.

2 Aha do “dalan na sittong” i? Molo di bahasa Heber dohot di bahasa Junani, hata sittong lapatanna “tigor”. On patuduhon sasahalak na torus mangihutton aturan ni Debata. Jadi boi dokkonon dalan na sittong i, i ma parngoluon ni sasahalak na mangihutton standar ni Jahowa. Ala Jahowa do “mual ni hasittongan”, holan Ibana do na marhak manottuhon dia na sittong na ikkon diihutton akka naposona.—Jer. 50:7.

3 Asa boi tabahen las roha ni Jahowa, ikkon berupaya do hita sian nasa gogotta mangihutton aturan ni Debata. (5 Mus. 32:4) Asa boi taulahon i, porlu do hita marsiajar Bibel asa lam tatanda Jahowa. Alana molo lam tatanda Jahowa, pasti lam holong ma rohatta tu Ibana. Jala gabe lomo ma rohatta mangihutton dalan na sittong i. (Jak. 4:8) Tikki mambahen keputusan pe hita di ngolutta, taihutton ma poda ni Debata na tarsurat di Bibel.

8-14 APRIL

ARTA NA ARGA NA ADONG DI BIBEL PSALMEN 26-28

Aha do na Diulahon si Daud asa Toktong Ibana Setia tu Jahowa?

w04-IN 1/12 14 ¶8-9

Toktong Setia tu Jahowa

8 Didok si Daud do di tangiangna tu Jahowa, “Ale Jahowa, pareso ma au jala uji ma au. Paias ma rohakku dohot ginjalhu.” (Psalmen 26:2, surat na di toru) Hata ginjal na didok si Daud di ayat i manggombarhon aha na di bagasan rohana dohot pikkiranna. Hata roha manggombarhon aha na mangonjar rohana, perasaanna, dohot kesanggupanna lao marpikkir. Jadi tikki dipangido si Daud asa dipareso Jahowa ibana, sabotulna na dipangido ibana asa dipareso do roha dohot pikkiranna.

9 Dipangido si Daud do muse tu Jahowa asa dipaias roha dohot ginjalna. Songon dia do cara ni Jahowa mangulahon i? Marhite hatana. Molo nungnga hona hata ni Debata tu roha ni sasahalak, gabe diboto ibana ma aha na porlu dipadenggan ibana sian dirina. Alani i ma didok si Daud, “Pujiokku ma Jahowa na mamodai au. Tikki borngin pe, diajar-ajari rohakku do au.” (Psalmen 16:7) Jadi porlu do tarimangi nasehat na tajalo sian Hata ni Debata, sian halak na manguluhon hita, dohot sian organisasi ni Jahowa. Jala torus ma taingot akka nasehat i di bagasan rohatta. Molo sai tapangido tu Jahowa asa dipareso jala dipaias rohatta, boi ma hita toktong setia tu Ibana.

w18.10 7 ¶15

Sai Mangkatahon na Sintong

15 Molo hamu sahalak na poso, ra lomo do rohamuna asa boi marsaor dohot donganmuna. Ala songon ni do pangkilalaan na poso, gabe adong ma na mangihuthon pangalaho ni angka donganna na so Sitindangi. Burju do nasida di jolo ni keluargana, dohot di huria. Alai, tingki di media sosial manang marsaor dohot halak na so sisomba Jahowa, gabe imbar do pangalaho ni nasida. Jotjot do nasida marhata na kotor, ndang suman pangkeanna, lomo rohana mambege musik na so denggan hata-hatana, mabuk, narkobaon, sip-sip marhamlet, dohot ulaon na so denggan na asing. Margabus do nasida tu natua-tuana, angka dongan di huria, dohot tu Jahowa. (Ps. 26:4, 5) Alai diboto Jahowa do tapasangap do manang taulahon na dihasogohon Ibana. (Mrk. 7:6) Jadi, taulahon ma poda na mandok, “Unang mangiburu roham mida halak pardosa, mangapian ma tagonan di biar mida Jahowa ariari.”​—Poda 23:17.

ijwyp 42 ¶21

Sala do Mandok Hata na Kasar?

Unang ma taida manang tabege akka hiburan na marhata na kasar na boi manegai pikkiranta. Didok di Bibel, “Molo mardongan hamu tu halak na so denggan, sega do pangalahomuna na denggan i.” (1 Korint 15:33) Hata “mardongan” na didok dison, dang holan mardongan tu jolma, alai termasuk do tu hiburan. Contohna, film na ditonton hamu, video game, dohot akka musik na dibege hamu. Si Kenneth na marumur 17 taon mandok, “Molo lomo rohatta tu sada ende, pasti mura do hita mangihutton ende i. Jala ala tabo musikna, olo do gabe dang parduli hita na adong hata-hata na so denggan di ende i.”

w16.04 16-20 ¶6, 13, 18

Boasa Ro Hita tu Parpunguan laho Manomba Debata?

6 Parpunguan patoguhon hita. Portibi na nirajaan ni Sibolis jotjot mambahen gale haporseaonta, mambahen hita marsak jala mandele. Alai, parpunguanta manjujui jala patoguhon hita asa tongtong manomba Jahowa. (Jaha Ulaon ni Apostel 15:30-32.) Jotjot do hita mangulas surirang ni Bibel naung digohi. On paposhon rohanta, gohan ni Jahowa do sude janjiNa taringot ari na naeng ro. Angka donganta patoguhon hita ndang holan marhite jamita, alai boi do marhite alus manang ende pujian tu Jahowa na diendehon sian roha. (1 Kor. 14:26) Tingki mangkatahatai andorang so parpunguan manang dung sae, boi do on mambahen dame rohanta ala taboto adong do dongan na manarihon hita.—1 Kor. 16:17, 18.

13 Molo ro hita tu parpunguan, hita patuduhon tu Jahowa na lomo rohanta jonok tu Ibana dohot tu anakNa. Di parpunguan, diajar Jahowa do hita marhite hataNa, Bibel. (Jes. 30:20, 21) Tingki halak na asing ro tu parpunguanta, boi do idaon ni nasida molo hita dipasupasu Debata. (1 Kor. 14:23-25) Jahowa do na manogunogu hita di parpunguan marhite tondi parbadia, jala sude na taparsiajari di parpunguan ro sian Ibana. Alani i, tingki ro hita tu parpunguan, hita manangihon Hata ni Jahowa, mangkilala holong ni rohaNa jala lam solhot tu Ibana.

18 Songon i do pangkilalaanta? Molo songon i do, marsitutu ma asa boi rap dohot donganta ro tu parpunguan nang pe maol. Patuduhon ma tu Jahowa na tahilala do songon pangkilalaan ni Raja Daud na mandok, “Ale Jahowa, huhaholongi do hajongjongan ni bagasmu.”—Ps. 26:8.

Arta na Adong di Bibel

w06-IN 15/7 28 ¶15

Paluaon ni Jahowa do Halak na Tigor Marroha sian Hasusaanna

15 Didok si Daud do di endena, “Nang pe ditadikkon omakku dohot bapakku au, alai jagaon ni Jahowa do au.” (Psalmen 27:10) Massai holong do roha ni Jahowa tu hita, lobi sian holong ni natua-tuatta sandiri. Pasti dipatogu do rohatta mamboto i. Nang pe dang dijalo natua-tuatta hita, kasar nasida tu hita, manang ditadikkon nasida hita, tetap do parduli Jahowa tu hita. (Rom 8:38, 39) Taingot ma ala holong do roha ni Debata umbahen na ditogu-togu hita tu hasittongan. (Johannes 3:16; 6:44) Jadi dang soal songon dia pambahenan ni halak tu hita, dang muba holong ni Jahowa i!

15-21 APRIL

ARTA NA ARGA NA ADONG DI BIBEL PSALMEN 29-31

Disiplin—Bukti Holong ni Debata

it-2-IN 153 ¶5

Bohi

Adong do piga-piga hali didok di Bibel ‘dipadao manang ditabunihon Jahowa bohina’ sian sasahalak manang sada bangso. Misalna, ala dang setia halak Israel tu Jahowa, dipadao Jahowa bohina sian nasida. Lapatanna, dang lomo roha ni Jahowa mangida nasida jala dang pasu-pasuonna be nasida. (Job 34:29; Ps 30:5-8; Jes 54:8; 59:2) Alai lapatan ni hata dipadao Jahowa bohina di ayat na asing, i ma dang pittor bertindak Jahowa mangurupi naposona. Dipaima Ibana do tikki na pas lao mangulahon i. (Ps 13:1-3) Asing ni i, hea do tong dipakke si Daud istilah on. Didok ibana, “Tabunihon ma bohim sian dosakku.” (Ps 51:9, surat na di toru) Lapatan ni hatana i, dipangido ibana do asa disesa Jahowa dosana jala unang sai dipaida-ida be dosana.—Bandingkon tu Ps 10:11.

w07-IN 1/3 19 ¶1

Marlas ni Roha Huhut Paimahon Jahowa Bertindak

Godang do manfaat ni disiplin na sian Jahowa. Didok do di Bibel, “Massai godang do laba na dapotna molo rade ibana marsiajar sian i. Dung i, boi ma ulahononna lomo ni roha ni Debata jala dame ma rohana.” (Heber 12:11) Memang dang boi pittor tarida manfaat ni disiplin i. Sarupa ma i songon buah na ikkon dipaima asa malamun. Jadi porlu do tikki di hita asa boi paubahon pangalahotta sesuai tu lomo ni roha ni Debata. Misalna molo taulahon na sala, olo do ra dicabut tugas tambahanta di huria. Haccit do ra rohatta di mulana i. Alai molo marsiajar hita sian kesalahanta jala sabar hita paimahon Jahowa, tottu dang torus hita mandele. Hea do dihilala si Daud songon i. Didok ibana, “Molo muruk Ibana tu sasahalak, holan satokkin do i. Alai molo dipatudu Ibana haburjuonna tu sasahalak, martahan do i saleleng ni lelengna. Tung pe tarilu-ilu di bornginna, alai ro do las ni roha di manogotna.” (Psalmen 30:5) Jadi molo olo hita paubahon pangalahotta mangihutton nasehat na sian Bibel dohot organisasi ni Jahowa jala sabar hita paimahon Jahowa bertindak, pasti boi do hita ‘marlas ni roha’ muse.

w21.10 6 ¶18

Songon dia do Halak na Botul-Botul Bertobat?

18 Molo botul-botul do nungnga bertobat halak na dipecat, pasti berupaya do ibana asa taratur ro marpungu, mangihutton saran ni sintua lao manjaha Bibel, jala martangiang secara pribadi. Ikkon dihindari ibana do muse akka situasi na mambahen ibana tergoda mangulahon hasalaan na sarupa. Molo berupaya do ibana padenggatton hubunganna tu Jahowa, boi ma pos rohana salpuhonon ni Jahowa do hasalaanna i. Jala pasti urupan ni akka sintua do ibana asa mulak muse tu organisasi. Alai tikki menangani sada kasus akka sintua, porlu do manat nasida alana tiap kasus beda do. Jala ikkon masuk akkal do nasida tikki mangadili.

Arta na Adong di Bibel

wp23.1 6 ¶3

Tangiang—“Pasahat Hamu ma Sude Holso ni Rohamuna tu Ibana”

Molo martangiang hita, boi do i mambahen pos rohatta na parduli do Jahowa tu hita. Gabe sarupa ma perasaanta songon na didok panurat Psalmen, “Nungnga diida ho hasusaakku, takkas do diboto Ho arsak ni rohakku.” (Psalmen 31:7) Holan taboto pe na diparrohahon Jahowa situasitta, nga boi i mambahen hita margogo menghadapi masalahta. Alai dang holan sekedar diparrohahon Debata hita, takkas do diattusi Ibana perasaanta jala lomo do rohana menghibur dohot patoguhon rohatta marhite Bibel.

22-28 APRIL

ARTA NA ARGA NA ADONG DI BIBEL PSALMEN 32-33

Manfaat ni Mangakkui Dosa na Balga

w93-IN 15/3 9-10 ¶7

Asi ni Roha ni Jahowa Mambahen Hita Dang Mandele Be

7 Molo taulahon dosa na balga maol do ra hita mangakkui i, termasuk ma mangakkui i tu Jahowa. Songon i ma na hea masa tu si Daud. Didok ibana di Psalmen 32, “Tikki hutabunihon dosakku, gabe gale do au ala torus morong-orong. Didondoni tanganmu na borat i do au arian nang borngin, suda do gogokku songon aek na koring tikki musim panas.” (Ayat 3, 4) Gabe loja do dihilala si Daud tikki ditabunihon ibana dosana jala dialo ibana panggora ni rohana. Dos ma ibana songon hau na koring, olo do ra ala loja pikkiranna dohot dagingna. Alana tikki i dang marlas ni roha be ibana. Jadi molo taulahon dosa na balga, aha ma na ikkon taulahon?

w20.02 24 ¶17

Paloas ma Jahowa Patoguhon Hamu

17 Martangiang ma asa disalpuhon dosamuna. Ujungna, martangiang ma si Daud tu Jahowa. Sai manolsoli do ibana jala dipaboa do sude dosana tu Jahowa. (Jaha Psalmen 51:2-6.) On mangurupi ibana asa dame jala marlas ni roha muse. (Ps. 32:1, 2, 4, 5) Molo diulahon hamu dosa na balga, unang ma tabunihon i. Alai, martangiang ma tu Jahowa jala paboa ma sude hasalaan na diulahon hamu. Gabe dame do pakkilalaanmu, jala dang sai ganggu be panggora ni rohamu. Alai asa boi hamu marale-ale muse tu Jahowa, dang sae holan martangiang.

w01-IN 1/6 30 ¶1

Molo Taakkui Dosatta Boi ma Hita Marlas ni Roha Muse

Dung diakkui si Daud dosana, dang gabe didok rohana dang mararga be dirina. Sian dia taboto? Di Psalmen 32:1 didok ibana do, “Marlas ni roha ma halak na disalpuhon hasalaanna, na disesa dosana.” Sian ayat on boi ma taida nungnga marlas ni roha muse si Daud. Jala bertekad do ibana lao setia melayani Jahowa. Jadi dang soal songon dia pe balga ni dosatta, boi do hita diampuni. Asa boi hita diampuni, ikkon olo do hita mangakkui kesalahanta jala olo hita muba songon si Daud. (2 Samuel 12:13) Dang marsidalian si Daud lao mambela dirina. Jala dang gabe disalahon ibana halak na asing. Didok si Daud do di ayat 5, “Alani i, huakkui ma dosakku tu Ho. Dang hutabunihon be hasalaakku. Hudok ma, ‘Huakkui ma salakku tu Jahowa.’ Dung i disalpuhon Ho ma dosakku dohot hasalaakku.” Molo olo sasahalak mangakkui dosana, pasti boi do ibana marlas ni roha muse. Alana dang targanggu be torus panggora ni rohana.

Arta na Adong di Bibel

w06-IN 15/5 20 ¶1

Akka na Denggan sian Bukku Psalmen

33:6—Aha do lapatan ni hata ‘hosa ni Jahowa’ na didok di ayat on? Hata ‘hosa ni Jahowa’ na didok di ayat on, i ma tondi parbadia ni Jahowa na dipakke lao manoppa alam semesta on. (1 Mus. 1:1, 2) Boasa dipatudos songon i? Alana nang pe sian na dao i diombusson, boi do i mangulahon manang aha pe lomo ni roha ni Jahowa.

29 APRIL–5 MEI

ARTA NA ARGA NA ADONG DI BIBEL PSALMEN 34-35

“Toktong do Pujiokku Jahowa”

w07-IN 1/3 22 ¶11

Rap ma Hita Pasangappon Goar ni Jahowa

11 “Toktong do pujiokku Jahowa. Dang marna so au mamuji Ibana.” (Psalmen 34:1) Tikki gabe buronan si Daud, pasti marsak do ibana mamikkiri na porlu di ibana ganup ari. Alai molo taida hatana di ayat on, toktong do dipuji ibana Jahowa nang pe susa ibana. Gabe sitiruon do si Daud tu hita! Olo do ra adong tantangan na tahadapi tikki di sikkola, di tempat karejo, tikki berurusan dohot dongan sahaporseaon, manang tikki marbarita na uli. Alai nang pe adong tantanganta, toktong ma tapuji Jahowa. Alana godang do na boi tapuji sian Jahowa! Misalna, ganup ari do hita boi mangida toppaan ni Jahowa na luar biasa. Godang do muse naung diulahon organisasi ni Jahowa di tano on. Boi do dipakke ibana jolma na so sempurna lao pasautton lomo ni rohana. Takkas ma, dang adong na songon Jahowa. Alani i ma didok si Daud, “Dang adong debata na songon Ho, ale Jahowa. Dang adong na boi mambahen songon na binahenmi.”—Psalmen 86:8.

w07-IN 1/3 22-23 ¶13

Rap ma Hita Pasangappon Goar ni Jahowa

13 “Pujiokku ma Jahowa. Begeon ni halak na lambok roha ma i jala marlas ni roha ma nasida.” (Psalmen 34:2) Sian ayat on boi ma taida dang hea si Daud manganggarhon na boi diulahon jolma. Misalna, dang didok ibana alani malona do umbahen dang jadi dipamate Raja Gat ibana. Alana diboto si Daud do Jahowa do na manjaga jala mangurupi ibana umbahen na boi ibana malua. (Poda 21:1) Jadi Jahowa do na dipasangap si Daud, dang dirina sandiri. Ala dipasangap si Daud Jahowa, gabe lomo ma roha ni halak na lambok roha naeng mamboto taringot Jahowa. Songon i ma tong na diulahon Jesus. Ala dipasangap Jesus goar ni Jahowa, gabe lomo ma roha ni akka halak na serep marroha naeng mamboto taringot Jahowa. Saonari on pe godang do halak na lambok roha naeng marsiajar taringot Jahowa jala gabe bagian sian organisasina na diuluhon Jesus. (Kolosse 1:18) Boasa songon i? Ala halak na lambok roha do nasida, lomo do roha ni nasida tikki dipasangap goar ni Jahowa. Jala diurupi tondi parbadia ni Jahowa ma nasida mangattusi hasittongan.—Joh. 6:44; Ul 16:14.

w07-IN 1/3 23-24 ¶15

Rap ma Hita Pasangappon Goar ni Jahowa

15 “Martangiang ma au tu Jahowa, dung i dialusi Ibana ma au. Dipalua Ibana do au sian sude na mambahen au mabiar.” (Psalmen 34:4) Penting do pengalaman on tu si Daud. Alani i ma didok ibana, “Jou-jou do halak na dangol on, dung i ditangihon Jahowa ma ibana. Dipalua do ibana sian sude hasusaanna.” (Psalmen 34:6) Tikki makkata-hatai hita dohot akka donganta, tapatogu ma haporseaon ni nasida. Taceritahon ma pengalamanta songon dia Jahowa mangalehon gogo tu hita tikki adong sitaononta. Songon i ma najolo na diulahon si Daud. Dipatogu ibana do akka donganna, gabe “marlas ni roha” do nasida ala ‘marhaposan tu Jahowa, jala dang na lao dipaila nasida’. (Psalmen 34:5) Nang pe gabe buronan ni Raja Saul nasida ala mangihutton si Daud, dang maila nasida. Alana pos do roha ni nasida diurupi Jahowa do si Daud. Dos songon i ma saonari. Marhaposan tu Jahowa do sude naposo ni Jahowa, dang soal nga leleng manang na baru dope hita mananda Jahowa. Ala nungnga tahilala songon dia Jahowa mangurupi hita tikki adong sitaonon, gabe boi ma hita toktong marlas ni roha jala bertekad lao tetap setia.

Arta na Adong di Bibel

w11-IN 15/8 14 ¶9

Nungnga Pajuppang Nasida Dohot Messias!

Na lao ro ma akka saksi na palsu mangalo Messias. Dipaboa si Daud do surirang taringot Messias. Didok ibana, “Ro ma akka saksi na jahat mangalo au, didok nasida ma au mangulahon akka hajahaton na so hea huulahon.” (Psalmen 35:11) Terjadi do surirang na dipaboa ni si Daud i. Bibel mandok, “Dilului akka malim kepala dohot saluhut Sanhedrin ma hatorangan na so sittong lao manudu Jesus mangulahon na sala, asa boi ibana dipamate.” (Mat 26:59) Jala didok do muse, “Godang do na mangalehon hatorangan na so sittong taringot tu Jesus. Alai maralo do hatorangan ni na sada tu hatorangan ni na asing.” (Mark 14:56) Ala sogo roha ni nasida tu Jesus, dang parduli nasida maralo do hatorangan ni nasida manang na dang. Na penting di nasida, ikkon dipamate do Jesus.

    Publikasi Bahasa Batak (Toba) (2013-2025)
    Kaluar
    Masuk
    • Batak (Toba)
    • Bagihon
    • Pengaturan
    • Copyright © 2025 Watch Tower Bible and Tract Society of Pennsylvania
    • Aturan Lao Mamakke
    • Kebijakan Privasi
    • Pengaturan Privasi
    • JW.ORG
    • Masuk
    Bagihon