Referensi tu Parpunguan Hangoluan dohot Pangkobasion na Laho Diparsiajari
© 2024 Watch Tower Bible and Tract Society of Pennsylvania
6-12 MEI
ARTA NA ARGA NA ADONG DI BIBEL PSALMEN 36-37
“Unang ma Jut Roham Alani Halak na Jahat”
Aha do na Laho Salpu Tingki Ro Harajaon ni Debata?
4 Aha do pangkorhon ni parjahat tu hita? Didok si Paulus, ro ma “hasusaan di angka tingki parpudi”. Didok muse, “Lam tu jahatna ma angka parjahat dohot panipu.” (2 Tim. 3:1-5, 13, Bibel siganup ari) Tutu do on masa saonari? Godang do na mangkilala pangkorhon ni hajahaton, umpamana dileai, dipasiding, jala dipungkuli. Pigapiga halak tangkas do patuduhon hajahaton na niulahonna. Adong do songon na burju idaon, hape sasintongna jahat do nasida. Nang pe hajahaton i ndang pintor tu hita dibahen, alai marpangkorhon do i tu hita. Lungun do roha tingki mamboto taringot parjahat na kejam tu dakdanak, tu na matua, dohot tu halak na gale. Ulaon ni parjahat on mambahen nasida songon binatang manang Sibolis. (Jak. 3:15) Alai, las do rohanta ala adong pangkirimon sian Jahowa.
Dipasu-pasu Jahowa do Halak na Olo Mengampuni
10 Molo torus hita muruk, parohon jea do i tu diritta sandiri. Lomo do roha ni Jahowa molo dame tahilala. Boi do dame rohatta molo tapasiding muruk sian diritta. (Jaha Epesus 4:31, 32.) Dijujui Jahowa do hita asa ‘unang muruk jala unang tarrimas’. (Ps. 37:8) Mandapot laba do hita molo taihutton nasehatna i. Molo torus hita muruk tu sasahalak boi do terganggu kesehatanta. (Poda 14:30) Dos ma i songon na manginum raccun. Hita do na rugi. Alai molo olo hita mengampuni na asing, godang do manfaatna tu hita. (Poda 11:17) Boi ma dame pikkiranta dohot rohatta jala boi ma hita torus melayani Jahowa.
w03-IN 1/12 13-14 ¶20
“Lului ma Las ni Roham sian Jahowa”
20 Bibel mandok, “Molo halak na lambok roha, dilehon do tano on gabe parbagianan ni nasida.” (Psalmen 37:11a) Alai ise ma akka “halak na lambok roha” i? Hata “lambok roha” dibuat sian kata dasar di bahasa Heber na lapatanna “dibahen marsikkor, serep roha, jala leas diida halak”. Jadi “halak na lambok roha”, i ma halak na serep rohana ala olo paimahon Jahowa bertindak lao padenggatton ketidakadilan na masa tu ibana. Hasilna Bibel mandok, “Marlas ni roha situtu ma nasida, ai dame do ngolu ni nasida.” (Psalmen 37:11b) Saonari pe boi do tahilala hadameon sisongon i molo gabe bagian sian organisasi ni Jahowa hita.
Arta na Adong di Bibel
it-1-IN 830 ¶1
Dolok
Na so tarhutur, martahan salelengna, manang timbo. Jotjot do dipakke hata dolok lao manggombarhon manang aha pe na so tarhutur jala na martahan salelengna. (Jes 54:10; Hab 3:6; bandingkon tu Ps 46:2.) Alani i tikki didok panurat psalmen dos songon “dolok na timbo” manang “dolok ni Debata” ulaon ni Jahowa na sittong i, olo do ra maksudna dang na lao tarhutur sude ulaon ni Jahowa na sittong i. (Ps 36:6, surat na di toru.) Manang ala timbo do akka dolok i, olo do ra maksudna dao do ussittong ulaon ni Debata martimbakkon ulaon ni jolma. (Bandingkon tu Jes 55:8, 9.) Alai tikki diusehon makkuk rimas ni Debata na papituhon, didok do di Pangungkapon 16:20, “Dang adong be akka dolok.” On lapatanna songon dia pe jagona organisasi ni jolma na dos songon dolok na timbo, dang adong na boi malua sian rimas ni Debata.—Bandingkon tu Jer 4:23-26.
13-19 MEI
ARTA NA ARGA NA ADONG DI BIBEL PSALMEN 38-39
Unang Be Sai Merasa Bersalah Hamu
Toktong ma Mangida tu Jolo tu Ari na Naeng Ro
12 Jaha 1 Johannes 3:19, 20. Sipata olo do tauhumi diritta sandiri. Misalna olo do diuhumi sasahalak dirina, ala diingot ibana hasalaan na hea diulahon ibana andorang so diboto hasittongan. Na asing muse manguhumi dirina ala diulahon ibana hasalaan dung tardidi ibana. (Rom 3:23) Pasti lomo do rohatta mangulahon na sittong. Alai jotjot do hita sala. (Jak. 3:2; Rom 7:21-23) Nang pe dang lomo rohatta manguhumi diritta sandiri, alai adong do manfaat ni i. Aha ma i? Asa boi tapauba pangalahotta na so denggan jala asa unang taulahon be hasalaan na sarupa.—Heb. 12:12, 13.
13 Alai olo do gabe torus tauhumi diritta nang pe nungnga muba hita jala nungnga disalpuhon Jahowa hasalaatta. Boi do gabe marjea hita molo sai songon i torus pakkilalaatta. (Ps. 31:11; 38:4, 5) Boasa? Parrohahon ma pengalaman ni sahalak donganta borua na sai manguhumi dirina alani hasalaanna najolo. Didok ibana ma, “Marisuang do huhilala sude na huulahon lao manomba Jahowa. Dang mungkin boi au malua.” Olo do ra sarupa pakkilalaatta dohot donganta on. Jadi ikkon manat do hita, asa unang sai torus tauhumi diritta. Boasa? Alana boi do gabe dang tasomba be Jahowa, hape nungnga disesa Jahowa hasalaatta i jala las ma roha ni Sibolis!—Bandingkon 2 Korint 2:5-7, 11.
w02-IN 15/11 20 ¶1-2
Boha do Carana Mambahen Las Roha ni Jahowa Saleleng Ngolutta?
JEPPEK do ngolu ni jolma jala hatop do i salpu. Songon i ma na dihilala si Daud. Didok ibana do di tangiangna, “Ale Jahowa, urupi ma au mangingot jeppek ni ngolukku. Nungnga ditottuhon ari-arikku, jala parsatokkinan do ngolukku. Ho do na mambahen jeppek ngolukku. Molo di Ho dang sadia dope ari-arikku.” Sian hata ni si Daud on boi ma taida dang na lagi marsak si Daud. Alai na dipikkirhon ibana boha ma carana asa boi ibana mambahen las roha ni Debata, sian pakkataion nang sian pambahenanna saleleng ni ngoluna na jeppek on. Jala on pe patuduhon na pos situtu do rohana tu Debata. Alana didok ibana do muse, “Holan tu Ho nama au marhaposan.” (Psalmen 39:4, 5, 7) Ditangihon Jahowa do tangiang ni si Daud. Diingot Jahowa do sude na diulahon si Daud jala dilehon Jahowa do upa tu ibana.
Alani godang ni ulaonta ganup ari olo do gabe lalap hita holan na mangulahon i. Boi do muse gabe marsak jala mabiar hita alani i, tarlumobi molo godang hian na ikkon taulahon hape holan saotik tikkitta. Alai hea do taulahon songon na diulahon si Daud, mamikkirhon boha carana mambahen las roha ni Jahowa saleleng ngolutta? Asa boi tabahen las roha ni Debata, ikkon tautamahon do akka ulaon na boi patoguhon haporseaotta, taulahon paretta ni Jahowa, jala denggan ma tapakke tikkitta. Taingot ma diparrohahon Jahowa do na taulahon ganup ari. Hira-hira 3.600 taon na salpu, songon on ma na didok si Job taringot Jahowa, “Aha ma dohonokku molo diadili Ibana au?” (Job 31:4-6, 14) Takkas ma, diakkui si Job do diida Jahowa sude na diulahon ibana.
Cara Padenggatton Hubunganmuna tu Jahowa
Jotjot ma hamu martangiang tu Jahowa. Olo do ra sai merasa bersalah dope hamu alani hasalaanmuna najolo i. Gabe boi ma i mangabbati hamu martangiang tu Jahowa jala diboto Jahowa do i. (Rom 8:26) Nang pe songon i ‘toktong ma hamu martangiang’. Paboa ma tu Jahowa na lomo do rohamuna asa boi akrab muse tu Ibana. (Rom 12:12) Si Andrej mandok, “Torus do au merasa bersalah jala maila, alai setiap sae au martangiang gabe dame ma huhilala.” Molo tung pe dang diboto hamu aha na lao dokkononmuna tikki martangiang, marsiajar ma hamu sian tangiang ni Raja Daud na disurat di Psalmen 51 dohot 65.
Arta na Adong di Bibel
Buktihon ma na Boi do Hamu Dihaporseai
16 Ikkon boi do hita mangarajai diri asa boi dihaporseai na asing. Sifat on mangurupi hita asa unang paboahon rahasia tikki ditekan. (Jaha Poda 10:19.) Alai dang sai mura mangarajai diri, khususna tikki mamakke media sosial. Molo dang hati-hati hita, olo do dang sengaja tasebarhon rahasia tu godang halak disi. Berbahaya do i, alana dang boi be takendalihon aha na masa molo nga tersebar rahasia di media sosial. Asing ni i, sifat mangarajai diri mangurupi hita asa unang paboahon rahasia manang informasi taringot akka dongan tu polisi di daerah na mangorai ulaon ni Saksi Jahowa. Di situasi sisongon i, taterappon ma prinsip ni Bibel na mandok, “Jagaokku do babakku jala tutupokku do i.” (Ps. 39:1) Jadi asa boi hita dihaporseai, tarajai ma diritta tikki berurusan dohot keluarga, dongan sahaporseaon, dohot akka na asing.
20-26 MEI
ARTA NA ARGA NA ADONG DI BIBEL PSALMEN 40-41
Boasa Ikkon Taurupi Halak na Asing?
Marlas ni Roha do Halak na Burju Mangalehon
16 Halak na sian ias ni rohana mangalehon, ndang mangkirim ibana asa dibalos na binahenna i. Didok Jesus do, “Molo naeng mambahen pesta ho, gokkon ma na pogos, na pangpang, na lumpu dohot na mapitung. Marlas ni roha ma hamu, ai ndang adong lehonon ni nasida laho mambalos i tu hamu.” (Luk. 14:13, 14) Didok Bibel do muse, “Halak na lambok marpanaili, dapotan pasupasu.” Didok ayat na asing do muse, “Martua ma halak na mangalehon rohana tu na pogos.” (Poda 22:9; Ps. 41:2, Bibel siganup ari) Jadi ala lomo do rohanta mangurupi halak umbahen na burju hita tu nasida.
17 Tingki dienet si Paulus hata ni Jesus na mandok, “Umlas do roha ni halak na mangalehon sian na manjalo,” ndang na lapatanna holan taringot mangalehon hepeng. Boi do tapatogu angka halak, talehon poda sian Bibel, jala taurupi na asing tingki susa. (Ul. 20:31-35) Jadi, sian na didok si Paulus dohot na diulahon ibana, taboto ma mansai ringkot do mangalehon tingkinta, gogonta, holongta, jala tasarihon na asing.
18 Angka panulingkit na mamparsiajari taringot parange ni jolma mandok, parohon las ni roha do molo burju mangalehon. Disurat do muse di sada sijahaon, godang halak mandok lam marlas ni roha do nasida dung mangurupi na asing. Didok angka panulingkit i do muse molo olo hita mangurupi na asing gabe marlapatan do ngolunta. Piga-piga halak na pistar pe mandok, sasahalak na rade mangurupi na asing gabe lam sehat do jala marlas ni roha. Tontu, nunga taboto on, ala nunga dipaboa Jahowa tu hita, sai las do roha ni halak na mangalehon.—2 Tim. 3:16, 17.
Lehonon ni Jahowa do Gogo tu Hamu
7 Molo marsahit hita, gabe tarapul do rohanta jala margogo hita dibahen Jahowa, songon na diulahon Ibana tu naposoNa najolo. Songon na sinurat ni Raja Daud, “Martua ma halak na mangalehon rohana tu na pogos, urupan ni Jahowa do ibana di tingki hasusaan. Ondihonon jala jagaon ni Jahowa do ngoluna.” (Ps. 41:2, 3) Tontu, lapatan ni hata ni si Daud dison, ndang na gabe so mate halak na burju na mangalehon rohana tu na pogos. Antong, songon dia do Jahowa mangurupi halak na burju? Disurat si Daud do muse, “Sandeon [urupan] ni Jahowa ma ibana di podoman parsahiton.” (Ps. 41:4) Diboto Jahowa do tangkas aha na masa tu naposoNa. Dilehon Ibana do gogo dohot bisuk tu nasida. Ditompa Jahowa do pamatang ni jolma na boi malum sandiri.
Tiru ma Asi ni Roha ni Jahowa
17 Tutu, godang do labana molo marasi ni roha hita. Alai na rumingkot, marasi ni roha pe hita ala lomo do rohanta pasangaphon jala maniru Debata Jahowa. Ibana do Mual ni holong dohot asi ni roha. (Poda 14:31) Molo tapatudu asi ni roha lam solhot ma paralealeonta tu dongan sahaporseaon dohot tu angka halak di humaliangta.—Gal. 6:10; 1 Joh. 4:16.
Arta na Adong di Bibel
it-2-IN 1210 ¶1
Jahowa
Taringot hak ni Jahowa lao mamaretta do na gabe topik utama ni Bibel. Sian i gabe boi ma taboto tujuan utama ni Jahowa, i ma pabadiahon goarna. Ala nungnga marlea goar ni Jahowa dibahen Sibolis, porlu do dipabadia goarna. Alai dang holan i, sude ma nian jolma dohot suru-suruan pasangappon goar ni Jahowa. Lapatanna, ikkon diakkui nasida do sian nasa rohana Jahowa i do Debata Natumimbul, lomo roha ni nasida manomba Jahowa, jala mangulahon parettana. Taringot i ma na ditangiakkon si Daud tu Jahowa di Psalmen 40:5-10. Lomo do roha ni si Daud asa dipabadia goar ni Jahowa. (Dibahas Apostel Paulus do tong piga-piga hata di psalmen on tikki paboahon taringot Kristus Jesus di Heb 10:5-10.)
27 MEI–2 JUNI
ARTA NA ARGA NA ADONG DI BIBEL PSALMEN 42-44
Ihutton ma Poda na sian Jahowa
w06-IN 1/6 9 ¶4
Akka na Denggan sian Bukku Psalmen
42:4, 5, 11; 43:3-5. Alani situasi na so panagaman dohot na so taharappon, olo do ra gabe dang boi hita marpungu rap dohot akka dongan saleleng piga-piga tikki. Alai boi do gabe tarapul rohatta molo taingot las ni roha tikki marpungu dohot akka dongan. Di mulana olo do gabe kesepian hita ala taingot i. Alai sebenarna boi do i paingotton hita na sai dijaga Jahowa do hita. Jala ikkon pos do rohatta pasti urupan ni Jahowa do hita.
w12-IN 15/1 15 ¶2
Carana asa Lomo Rohatta Marsiajar Bibel
1 MARTANGIANG: Na parjolo ikkon jolo martangiang do hita. (Ps. 42:8) Boasa? Alana bagian sian ibadatta tu Jahowa do mamparsiajari Hata ni Debata. Jadi, ikkon tapangido do tu Jahowa asa dibukka pikkiratta jala asa dilehon tondi parbadiana. (Luk. 11:13) Songon on ma na didok si Barbara naung leleng gabe utusan injil, “Ikkon jolo martangiang do au sebelum manjaha dohot mamparsiajari Bibel. Gabe boi ma huhilala na didongani Jahowa au jala las rohana mangida na huulahon.” Molo martangiang hita sebelum mamparsiajari Hata ni Debata, boi ma hita mambukka roha dohot pikkiratta lao manjalo poda na sian Jahowa.
“Unang ma Galegale Tanganmu”
11 Dipatogu Jahowa do hita marhite tudutudu na dilehon di parpunguan, di kebaktian, dohot di singkola teokratis. Tudutudu on mangurupi hita manomba Jahowa sian ias ni roha, asa marpangkirimon, jala mangurupi hita laho mangulahon tanggung jawab Kristen. (Ps. 119:32) Olo do hamu dipatogu marhite tudutudu sian Jahowa?
12 Diurupi Jahowa do naposoNa manaluhon halak Amalek dohot halak Etiopia, jala dilehon do gogo tu si Nehemia dohot halak Jahudi laho padengganhon tembok Jerusalem. Saonari, dilehon Jahowa do gogo tu hita tingki marbarita na uli, nang pe godang sitaononta jala godang na so olo manjangkon. (1 Ptr. 5:10) Ndang pintor dipamago Jahowa sitaononta. Alani i, ingkon martahan do hita. Songon dia carana? Ingkon tajaha do Bibel ganup ari, paradehon na ringkot tu parpunguan. Marsiajar Bibel sahalakta, mambahen panombaon na sasaripe, jala tongtong martangiang tu Jahowa. Unang ma tapaloas manang aha pe na mangambati angka na diparade Jahowa laho patoguhon hita. Molo dihilala hamu songon na gale partondionmuna, pangido ma pangurupion sian Debata. Hilala ma panogunoguon sian tondi parbadia na patoguhon hamu jala mambahen hamu mangoloi lomo ni roha ni Debata. (Plp. 2:13) Olo do hamu patoguhon tangan ni na asing?
Arta na Adong di Bibel
it-1-IN 151 ¶5
Anjing Hutan
Di Bibel jotjot do dipakke hata anjing hutan gabe tudosan. Misalna lao manggombarhon keadaan ni si Job na massai porsuk, didok ibana do “Anjing hutan nama haha anggikku.” (Job 30:29) Asing ni i tikki talu naposo ni Debata dibahen musu, didok panurat psalmen do, “Diropukkon Ho do hami di asar ni anjing hutan.” (Ps 44:19) Tikki dipakke ibana hata asar ni anjing hutan di ayat i, olo do ra maksudna inganan parporangan. Alana somalna marpungu do anjing hutan di inganan parporangan lao mangallang bakke ni jolma. (Bandingkon tu Ps 68:23.) Jala tikki dikepung halak Babel kota Jerusalem di taon 607 SM, terjadi ma kelaparan di saluhut luat i. Alani na masa i godang ma akka ina na sappe mangarobus gellengna sandiri. Alani i ma didok si Jeremia, ukkejam do “bangsokki” sian induk ni anjing hutan.—And 4:3, 10.
3-9 JUNI
ARTA NA ARGA NA ADONG DI BIBEL PSALMEN 45-47
Ende Taringot Pesta Parbogason ni Sahalak Raja
w14-IN 15/2 9-10 ¶8-9
Marlas ni Roha ma Alani Pesta Parbogason ni Anak ni Biru-Biru i!
8 Jaha Psalmen 45:13, 14a. Bagak hian do pengantin borua i dibahen di pesta parbogason i. Bibel mandok, “tung na sangap situtu” do ibana. Di Pangungkapon 21:2, digombarhon do pengantin borua i songon sada kota, i ma Jerusalem na Imbaru. Gok do “hasangapon ni Debata” di kota i. Jala marhillong do i “songon batu na massai arga, songon batu yaspis na marhillong songon kristal”. (Pgk. 21:10, 11) Bagak hian do kota Jerusalem na Imbaru i digombarhon di bukku Pangungkapon. (Pgk. 21:18-21) Jadi ala naeng muli tu sahalak raja do pengantin borua i jala di surgo pesta parbogasonna, gabe “tung na sangap situtu” ma ibana dibahen.
9 Dung i diboan ma pengantin borua i tu pangoli i, i ma raja na pinillit ni Jahowa. Nungnga dipabadia jala dipaias raja i pengantin borua i di bagasan “hata ni Debata”. Gabe ‘badia jala dang marcacat’ be pengantin borua i. (Eps. 5:26, 27) Ikkon bagak do abit na dipakke pengantin borua i di pesta parbogason i. Bibel pe mandok, “Sian bonang mas do pakkeanna. Diboan do ibana tu jolo ni raja i, jala dipakke ibana do abit na massai bagak.” Aha do maksudna? Bibel mandok, “Nungnga dilehon tu ibana abit linen na arga, na bottar, jala na ias. Abit linen na arga i manggombarhon ulaon na tigor na niulahon ni akka na badia i.”—Pgk. 19:8.
Akka Janji ni Debata di Bukku Pangungkapon
10 Songon dia do reaksi ni Jahowa mangida serangan i? Didok Ibana, “Marsigorgor ma rimashu.” (Hes. 38:18, 21-23) Dipaboa do di Pangungkapon bindu 19 aha na masa dukkon i. Disuru Jahowa do Jesus paluahon naposona jala manghancurhon akka musuna i. Haduan, rap ma Jesus dohot akka tentarana na di banua ginjang, i ma suru-suruan dohot si 144.000 i manghancurhon Gog na sian Magog. (Pgk. 17:14; 19:11-15) Ujungna dihancurhon ma sude jolma dohot organisasi na mangalo Jahowa!—Jaha Pangungkapon 19:19-21.
11 Bayakkon ma perasaan ni akka halak na setia na di tano on dung diida nasida dihancurhon Debata sude musuna. Pasti marlas ni roha do nasida. Sude na di surgo pe marlas ni roha do, ala nungnga dihancurhon Babel na Balga i. Alai adong dope las ni roha na umbalga sian i. (Pgk. 19:1-3) On ma peristiwa na massai penting na adong di bukku Pangungkapon, i ma “pesta parbogason ni Anak ni Biru-Biru i”.—Pgk. 19:6-9.
12 Andorang so masa dope porang Armagedon, nungnga lengkap be jumlah ni si 144.000 i. Alai dang i dope tikkina pesta parbogason ni Anak ni Biru-Biru i. (Jaha Pangungkapon 21:1, 2.) Andigan do masa pesta parbogason i? Masa ma i dukkon dipamate sude musu ni Jahowa di porang Armagedon.—Ps. 45:3, 4, 13-17.
it-2-IN 444 ¶1
Porang
Dung marujung porang i, dame ma tano on saleleng saribu taon. Bibel mandok, “Dipaujung [Jahowa] do akka porang di saluhut tano on. Diponggolhon Ibana do panah, diropukkon Ibana do akka tombak, jala ditutung Ibana do akka kareta porang.” Dua hali ma saut surirang na didok di ayat on. Na parjolo, dung diropukkon Debata sinjata porang ni akka musu ni halak Israel, gabe dame ma dihilala nasida. Na paduahon, dung dipamate Kristus akka parjahat di porang Armagedon, gabe dame ma dihilala saluhut jolma saleleng ni lelengna. (Ps 46:8-10) Asing ni i akka halak na lao mangolu saleleng ni lelengna, i ma akka halak na mambahen “podang ni nasida gabe mata bajak, jala tombak ni nasida gabe sasabi. . . . Dang marsiajar marporang be nasida.” Pasti terjadi do na didok ayat i. “Ai Jahowa Pamimpin ni Akka Tentara i do na mandok i.”—Jes 2:4; Mik 4:3, 4.
Arta na Adong di Bibel
Aha do na Laho Salpu Tingki Ro Harajaon ni Debata?
9 Aha do na laho manggantihon organisasi na jahat? Dung Armagedon, adong dope organisasi di tano on? Bibel mandok, “Na maimaima do hita di langit na imbaru dohot di tano na imbaru, inganan ni hatigoran i, hombar tu bagabagana.” (2 Ptr. 3:13) Laho diripashon ma pamarentaon na jahat dohot angka rayatna. Alai, aha do na laho manggantihon i? ‘Langit na imbaru dohot tano na imbaru.’ Langit na imbaru, i ma Harajaon ni Debata na diparenta Jesus dohot 144.000 angka na miniahan. Tano na imbaru, i ma halak na gabe rayat di Harajaon ni Debata. Tingki mamarenta, ditiru Jesus dohot angka na miniahan do Jahowa, Debata na taratur. (1 Kor. 14:33) Alani i, denggan do pamarentaon di “tano na imbaru”. Adong do angka baoa na dipillit laho mangaradoti godang ulaon. (Ps. 45:17) Nasida diuluhon Jesus dohot 144.000 angka na miniahan. Rimangi ma, sude organisasi na jahat laho digantihon sada organisasi na denggan, na so hea marsangkap na jahat!
10-16 JUNI
ARTA NA ARGA NA ADONG DI BIBEL PSALMEN 48-50
Urupi ma Keluargamuna asa Lam Pos Roha ni Nasida tu Organisasi ni Jahowa
Ibadat na Sittong Mambahen Hita Marlas ni Roha
11 Belajar pribadi ma jala ajarhon ma i tu anakkonmuna. Tikki ari Sabat, ikkon so do halak Israel sian karejona asa boi unggodang waktu ni nasida patoguhon hubunganna tu Jahowa. (2 Mus. 31:16, 17) Disi do muse unggodang tikki ni nasida mangajarhon taringot Jahowa dohot akka sifatna tu gellengna. Saonari pe porlu do taparade tikkitta asa boi hita taratur manjaha jala mamparsiajari Bibel. Hasilna boi ma hita lam jonok tu Jahowa. Jala termasuk do i bagian sian ibadatta tu Jahowa. (Ps. 73:28) Porlu do tong dibahen akka natua-tua ibadat keluarga, asa boi diurupi nasida gellengna lam akrab tu Jahowa.—Jaha Psalmen 48:13.
w11-IN 15/3 19-20 ¶5-7
Godang do na Boi Mambahen Hita Marlas ni Roha
Bibel mandok, “Mardalan ma hamu makkalilingi Sion, jala etong ma godang ni akka menarana. Parrohahon ma akka benteng na di kota i, pareso ma akka menarana, asa boi paboaonmuna i tu akka pinopparmuna di ari na naeng ro.” (Ps. 48:12, 13) Sian ayat i, dijujui panurat psalmen do halak Israel asa langsung mangida sandiri kota Jerusalem. Boi do dibayakkon hamu songon dia perasaan ni halak Israel na sasakeluarga tikki borhat sian hutana tu Jerusalem lao mangarayahon perayaan? Jala songon dia perasaan ni nasida tikki mangida bagas joro ni Jahowa? Pasti las hian do roha ni nasida, jala gabe taronjar ma roha ni nasida naeng ‘paboahon i tu akka pinopparna di ari na naeng ro’.
Taingot ma Ratu Syeba, di mulana dang porsea ibana tikki dipaboa halak na marbisuk situtu Raja Salomo mamaretta. Aha do na mambahen ibana ujungna porsea? Didok Ratu Syeba, “Dang porsea hian au. Dung pe ro au tuson, huida ma dang adong dope hape nanggo satongana na hubege i.” (2 Kron. 9:6) Jadi ummura do hita porsea tu sada informasi molo nungnga ‘taida sandiri’ i.
Hamu akka natua-tua, boha ma carana asa boi hamu mangurupi gellengmuna mangida sandiri organisasi ni Jahowa? Molo jonok do kantor cabang tu jabumuna, ro ma hamu tusi. Alana godang do manfaat ni i tu gellengmuna. Songon i ma na dihilala si Mandy dohot si Bethany. Hira-hira 1.500 kilometer ma jarak ni kantor cabang tu jabu ni nasida. Nang pe dao jarakna, sering do natua-tua ni nasida mangajak nasida tusi, tarlumobi dung mulai remaja nasida. Didok nasida, “Sebelumna, hurippu hami do kaku suasana di Betel jala holan akka na matua disi. Alai dung ro hami tusi, huida hami ma godang do hape akka naposo na melayani Jahowa disi jala las hian do roha ni nasida. Alani kunjungan i, gabe boi ma muse huboto hami luas hian do hape organisasi ni Jahowa on, dang holan hurianami. Gabe taronjar ma rohanami lao melayani Jahowa.” Alani kunjungan i gabe taronjar ma roha ni nasida merintis, jala saonari nungnga melayani nasida gabe relawan sementara di Betel.
w12-IN 15/8 12 ¶5
Patudu ma na Tama do Hamu Gabe Rakyat ni Harajaon ni Debata
5 Parsiajari ma sejarahna. Molo lomo roha ni sasahalak naeng gabe rakyat ni sada negara, porlu do diboto ibana sejarah ni negara i. Dos songon i ma molo lomo rohatta naeng gabe rakyat ni Harajaon ni Debata, ikkon taboto do sejarah ni Harajaon i. Parrohahon ma sitiruon sian akka anak ni si Kora, na melayani Jahowa di bagas joro. Holong hian do roha ni nasida tu kota Jerusalem dohot tu bagas jorona. Jala lomo do roha ni nasida paboahon taringot sejarah ni kota i. Dang taringot hasangapon ni kota i na paling dibanggahon nasida, alai na dibanggahon nasida ala Jahowa “Raja Nasangap i” do na mamaretta kota i. Jala di kota i ma inganan ni ibadat na sittong. Disi ma Patik ni Jahowa diajarhon. Rakyat ni “Raja Nasangap i”, i ma akka naposo ni Jahowa na dihaholongi Ibana. (Jaha Psalmen 48:1, 2, 9, 12, 13.) Lomo do tong rohamuna paboahon taringot sejarah ni organisasi ni Jahowa na adong di tano on? Molo lam godang na diparsiajari hamu taringot organisasi ni Jahowa dohot cara ni Jahowa mangurupi naposona, gabe lam pos ma rohamuna na tutu do adong Harajaon ni Debata i. Hasilna gabe lam semangat ma hamu paboahon barita na uli taringot Harajaon ni Debata.—Jer. 9:24; Luk. 4:43.
Arta na Adong di Bibel
it-1-IN 1187-1188 ¶5
Hamoraon
Tikki sonang ngolu ni halak Israel, godang do sipanganon dohot siinumon ni nasida. (1Raj 4:20; Pjm 5:18, 19) Jala ala mamora nasida, dang dihilala nasida na haccit songon na ditaon halak na pogos. (Poda 10:15; Pjm 7:12) Memang lomo do roha ni Jahowa molo boi dinikmati halak Israel hasil ni kerja keras ni nasida. (bandingkon tu Poda 6:6-11; 20:13; 24:33, 34.) Alai dipaingot Jahowa do nasida asa unang manganggarhon hamoraon ni nasida, jala gabe lupa molo hamoraon i sian Jahowa. (5Mus 8:7-17; Ps 49:6-9; Poda 11:4; 18:10, 11; Jer 9:23, 24) Dipaingot do nasida holan parsatokkinan do hamoraon i. (Poda 23:4, 5) Dang boi hamoraon i dilean nasida tu Debata gabe tobusan lao paluahon nasida sian hamatean. (Ps 49:6, 7) Jala dang adong be lapatan ni hamoraon i molo dung mate nasida. (Ps 49:16, 17; Pjm 5:15) Dipaingot do tong nasida, boi do gabe muruk Jahowa molo holan hamoraon na diutamahon nasida. Jala boi do i mambahen nasida gabe mangulahon na jahat. (Poda 28:20; bandingkon tu Jer 5:26-28; 17:9-11.) Alai dijujui do nasida asa ‘pasangappon Jahowa mamakke akka barang na arga’.—Poda 3:9.
17-23 JUNI
ARTA NA ARGA NA ADONG DI BIBEL PSALMEN 51-53
Boha do Carana asa Unang Sappe Taulahon Dosa na Balga?
Songon dia Hamu Boi Manjaga Roha?
4 Hata “roha” na didok di Poda 4:23, laho paboahon “roha di bagasan”. (Jaha Psalmen 51:8.) Jala boi do muse hata “roha” lapatanna, pingkiran, pangkilalaan, dohot sangkap ni roha. On patuduhon, ise do hita na sasintongna. Jala tarida do i sian parniulaonta.
5 Asa mura taantusi songon dia rohanta, tarimangi ma tudosan on. Na parjolo, molo naeng sehat hita, tontu tapillit do sipanganon na sehat jala ingkon jotjot do hita olahraga. Suang songon i ma, asa boi tongtong hita mangoloi Debata ingkon tajaha do Bibel dohot angka publikasinta. Jala ingkon tongtong do tapatudu haporseaonta tu Jahowa. Carana, taulahon ma aha na taparsiajari jala tabaritahon ma aha na tahaporseai. (Rom 10:8-10; Jak. 2:26) Na paduahon, nang pe sian luar songon na sehat hita idaon, hape olo do di bagasan nunga marsahit. Suang songon i ma, didok rohanta nunga togu haporseaonta ala tongtong marbarita dohot marpungu. Alai boi do tubu sangkap na roa di bagasan rohanta. (1 Kor. 10:12; Jak. 1:14, 15) Ingot ma, marsitutu do Sibolis laho manegai pingkiranta. Alai songon dia do carana laho mangulahon i? Jala songon dia do hita boi manjaga rohanta?
Hita Boi Tongtong Ias
5 Urupan ni Jahowa do hita laho manundalhon pingkiran na rorang molo sai martangiang hita mangido pangurupion tu Ibana. Diparade Jahowa do tondi parbadia asa boi mangurupi hita tongtong ias. Di bagasan ganup tangiangnta, tapasahat ma tu Jahowa asa pingkiranta sai mamingkirhon na pasonangkon Ibana. (Psalmen 19:14) Di bagasan serep ni roha, tapangido ma tu Ibana asa diurupi hita laho mamareso pingkiran na boi mambahen hita mangulahon dosa. (Psalmen 139:23, 24) Sai pangido ma pangurupion sian Jahowa asa boi hita margogo laho manundalhon ulaon parmainanon jala mangulahon na sintong nang pe maol.—Mateus 6:13.
6 Andorang so maraleale hita tu Jahowa, olo do ra hita jotjot mangulahon ulaon na so dihalomohon rohaNa. Boi do ra borat dope hita manadingkon giotgiot ni roha na sala. Alai boi do urupan ni Jahowa hita asa mangulahon angka ulaon na pasonangkon rohaNa. Songon, dung mangalangkup si Daud raphon si Batseba, manolsoli situtu ibana di parniulaonna i, jala martangiang ibana mangido “roha na ias” jala mangido pangurupion sian Jahowa asa sai marsihohot. (Psalmen 51:12, 14) Jadi, molo adong dope di hita giotgiot na roa na hea taulahon najolo jala saonari marsitutu dope hita laho manundalhon i, boi do urupan ni Jahowa hita asa mangoloi Ibana jala mangulahon na sintong. Boi do urupanNa hita asa mangarajai pingkiranta na so tipak i.—Psalmen 119:133.
Arta na Adong di Bibel
it-1-IN 591 ¶10–592 ¶1
Si Doeg
Halak Edom do si Doeg. Ibana do pamimpin ni akka parmahan ni Raja Saul, sada tanggung jawab na balga do on. (1Sam 21:7; 22:9) Sahalak proselit do si Doeg. Di sada tikki, “ditahan do ibana di jolo ni Jahowa” di Nob. Olo do ra alani sumpana, ala ramun ibana, manang ala marsahit kusta ibana. Tikki na ditahan i, diida ibana do dilehon Sintua Malim Ahimelek roti na badia dohot podang ni si Goliat tu si Daud. Di pudian ni ari, muruk ma si Saul tu akka parkarejona ala dialo nasida ibana. Pittor dipaboa si Doeg ma aha na diida ibana di Nob. Gabe dijou si Saul ma sintua ni malim dohot akka malim na asing sian Nob. Dung i disuru si Saul ma pengawalna pamatehon akka malim i. Alai dang olo akka pengawal i. Dung i disuru si Saul ma si Doeg mambunu akka malim i. Pittor dipamate si Doeg ma akka malim i, 85 halak ma sude. Dihancurhon si Doeg ma muse kota Nob. Jala dipamate ibana sude pangisi ni huta i, na matua, na poso, dohot akka binatang na dipiaro nasida.—1Sam 22:6-20.
Songon na dipatudu di superskripsi Psalmen 52, taringot si Doeg do na dipaboa si Daud di psalmen on. Songon on ma didok ibana, “Tajom do dilam dos songon piso cukkur. Marsakkap do ho mambahen na jahat jala mangoto-otoi. Unlomo do roham mangulahon na jahat sian na denggan. Unlomo do roham margabus sian makkatahon na sittong. Sai lomo do roham margabus. Jala lomo do roham mandok hata na mambahen haccit roha ni na asing.”—Ps 52:2-4.
24-30 JUNI
ARTA NA ARGA NA ADONG DI BIBEL PSALMEN 54-56
Didongani Debata do Hita
w06-IN 1/8 22-23 ¶10-11
Marbisuk ma Ho, Habiari ma Debata!
10 Di sada tikki ikkon lao do si Daud tu si Akis, raja ni kota Gat di Palistim, inganan hatutubu ni si Goliat. (1 Samuel 21:10-15) Dipaboa akka parkarejo ni Raja Akis ma na musu ni halak Palistim do si Daud. Jadi, aha ma na diulahon si Daud? Martangiang ma ibana tu Jahowa. (Psalmen 56:1-4, 11-13) Dung i, dibahen ibana ma attar-attar rittik ibana asa boi malua. Nang pe boi si Daud malua tikki i, alai diboto ibana do Jahowa do na paluahon ibana. On patuduhon na diandalhon si Daud do Jahowa jala dihabiari ibana do Debata.—Psalmen 34:4-6, 9-11.
11 Tatiru ma si Daud, tahabiari ma Debata. Tikki adong masalahta, pos ma rohatta pasti urupan ni Jahowa do hita. Bibel mandok, “Pasahat ma ngolum tu Jahowa, Ibana ma pangasahon, urupanna do ho.” (Psalmen 37:5) Tikki tapasahat masalahta tu Jahowa, dang na lapatanna gabe dang adong na taulahon manang aha. Si Daud pe dung martangiang ibana paboahon sitaononna tu Jahowa, dang na gabe tenang-tenang ibana dukkon i. Dibahen ibana do sian nasa gogona dohot sian nasa pikkiranna lao mangatasi sitaononna i. Alai diboto si Daud do, dang alani gogona manang alani malona umbahen na boi ibana marhasil. Songon i ma nang hita, dung tabahen sian nasa gogotta lao pasaehon masalahta, tapasahat ma i tu Jahowa. Bahkan sipata olo do ra dang adong be na boi taulahon asing ni marpos ni roha tu Jahowa. Di situasi sisongon i ma tarida na tahabiari jala taandalhon Jahowa. Alani i ma didok si Daud, “Holan halak na makkabiari Jahowa do na boi marale-ale tu Ibana.”—Psalmen 25:14.
cl-IN 243-244 ¶9
Dang Adong na Boi “Manirang Hita sian Holong ni Debata”
9 Diargai Jahowa do perjuanganta asa boi tetap setia tu Ibana. (Mateus 24:13) Taingot ma sai berupaya do Sibolis mambahen hita mandao sian Jahowa. Jadi molo boi hita tetap setia tu Jahowa ganup ari, boi ma hita mangalusi tuduhan ni Sibolis. (Poda 27:11) Alai sipata maol do asa boi tetap setia tu Jahowa, tarlumobi molo marsahit hita, susa di parhepengon, godang sipikkiran, jala adong masalah na asing. Asing ni i molo dang saut na taharappon, boi do tong i mambahen metmet rohatta. (Poda 13:12) Alai molo boi hita tetap setia di situasi sisongon i, nang pe sappe tarilu-ilu hita alani sitaononta i, pasti diargai Jahowa do i. Hea do dihilala Raja Daud situasi sisongon i, dipangido ibana do tu Jahowa asa disippan ilu-iluna di bagasan ‘inganan ni aek’. Jala pos do rohana mandok, “Tarsurat do i sude di bukkumi.” (Psalmen 56:8) Disippan jala diingot Jahowa do sude ilu-ilutta dohot sitaononta. Massai arga do i di Ibana.
Holong ni Jahowa Mangurupi Hita Mangatasi Biar ni Roha
16 Diboto Sibolis do na taargai hangoluan. Jadi didok Sibolis, pasti taulahon do manang aha pe asal ma boi hita tetap mangolu, nang pe gabe sega hubungatta tu Jahowa. (Job 2:4, 5) Alai sala do Sibolis! Ibana do “na parohon hamatean”. Alani i sai berupaya do ibana memanfaatton biar ni rohatta tu hamatean lao mambahen hita mangalo Jahowa. (Heb. 2:14, 15) Dipakke Sibolis do muse akka halak na marsogo ni roha tu Saksi Jahowa mangancam lao pamatehon hita. Tikki marsahit hita, dipakke Sibolis do kesempatan i asa unang setia be hita tu Jahowa. Adong do ra dokter manang keluarga na so Saksi na mamaksa hita manjalo transfusi darah, hape maralo do i tu patik ni Debata. Manang adong do ra halak na asing manjujui hita manjalo pengobatan alternatif na so sesuai tu prinsip ni Bibel.
17 Memang dang olo hita mate. Alai taboto do molo tung pe ikkon mate hita, sai torus do dihaholongi Jahowa hita. (Jaha Rom 8:37-39.) Molo di Jahowa nang pe mate naposona, hira na mangolu dope nasida, ala sai diingot Jahowa do nasida. (Luk. 20:37, 38) Tarpaima do Jahowa pahehehon nasida. (Job 14:15) Jala nungnga dilehon Jahowa tobusan na massai arga asa boi hita “mandapot hangoluan na saleleng ni lelengna”. (Joh. 3:16) Pos do rohatta massai holong do roha ni Jahowa tu hita jala parduli do Ibana tu hita. Jadi unang ma tatinggalhon Jahowa tikki marsahit manang tikki terancam ngolutta. Sebalikna taasahon ma Ibana. Tapangido ma muse asa dilehon tu hita bisuk, gogo, jala asa tarapul rohatta. On ma na diulahon si Valérie dohot suamina.—Ps. 41:3.
Arta na Adong di Bibel
it-2-IN 935 ¶2-3
Direncanahon Hian; Ditottuhon Hian
Tikki dihianati si Judas Iskariot Jesus, gabe saut ma surirang ni Bibel. Jala on patuduhon diboto Jahowa dohot Jesus do aha na lao masa di ari na naeng ro. (Ps 41:9; 55:12, 13; 109:8; Ul 1:16-20) Alai dang boi tadok naung ditottuhon manang direncanahon Debata hian si Judas lao berhianat. Memang nga dipaboa hian di akka surirang na lao dihianati donganna do Jesus. Alai dang dipaboa di surirang i donganna na dia na lao berhianat. Asing ni i molo tabandingkon tu akka prinsip ni Debata na adong di Bibel, boi ma tadok dang mungkin nga ditottuhon Debata si Judas lao berhianat. Misalna, adong do prinsip na mandok, “Unang ma pahatoppu mamillit sasahalak lao mangulahon sada tanggung jawab. Unang ma parsidohot ho di dosa ni halak. Jaga ma dirim asa toktong ho badia.” (1Tim 5:22; bandingkon tu 1Tim 3:6.) Sebelum dipillit Jesus 12 apostelna, jolo martangiang do Jesus saborngin manipat tu Jahowa. Jala manat do i dipikkirhon ibana. (Luk 6:12-16) Jadi molo nungnga ditottuhon Debata hian na lao berhianat do si Judas, berarti hira na so dialusi Jahowa ma tangiang ni Jesus jala hira na parsidohot ma Debata mambahen si Judas mardosa.
Jadi takkas ma tikki dipillit Jesus si Judas gabe apostelna, dang na diboto Jesus hian na lao dihianati si Judas ibana. Di pudian ni ari do si Judas gabe jahat ala dipasombu ibana tubu “urat na marraccun” di bagasan rohana. On ma na mambahen si Judas olo digoda Sibolis lao manakko dohot berhianat. (Heb 12:14, 15; Joh 13:2; Ul 1:24, 25; Jak 1:14, 15; ida it-2-IN 1309 YUDAS No. 4.) Dung lam jahat si Judas, boi do dijaha Jesus na di bagasan rohana. Alani i ma boi dipaboa Jesus ise na lao menghianati ibana.—Joh 13:10, 11.