PARSIAJARAN 5

Cara Manjaha na Denggan

1 Timoteus 4:13

NA INGKON DIULAHON: Gogo ma soaramuna manjahahon sude na disurat.

Denggan ma parade. Pingkirhon ma boasa ringkot kalimat i disurat. Tingki manjaha, jahahon ma sakalimat, unang kata per kata. Unang ditambai, dihurangi, manang diganti. Parrohahon jala pangke ma angka tanda baca, songon koma, titik, dohot tanda tanya.

Pangido ma tu donganmuna asa ditangihon hamu tingki manjaha, jala asa dipaboa di bagian na dia do hamu sala manjaha.
Denggan ma jahahon ganup hata. Molo ndang diantusi hamu cara manjaha sada hata, tangihon ma rekaman audio sian publikasinta. Manang sungkun ma donganta na mangantusi cara manjahahon i.
Tangkas ma jahahon. Unang ma pahatophu tingki manjaha. Unang ma unduk tingki manjaha. Bungka ma bahen pamanganmuna. Marsitutu ma asa boi tangkas manjaha.

Denggan ma tingki manjaha songon somalna halak mangkatai. Unang ma songon na dibahen-bahen.