50 Fa Aenguɛ’n* i tannin sua’n,+ nin i nun ninnge mun ɔ nin i wun ninnge kwlaa wlɛ i Levifuɛ’m be sa nun.+ Maan be sua tannin sua’n nin i nun ninnge kwlaa+ nga be fa di nun junman’n. Asa ekun’n, maan be di tannin sua’n nun junman.+ Yɛ maan be nanmue’n sin yia tannin sua’n.+

6 “Fa Levifuɛ mun+ wunnge wa, fa be sie i Aarɔn m’ɔ ti min ɲrun jranfuɛ’n i ɲrun lɛ naan be ukɛ+ i.

2 Kɛ ɔ yoli sɔ’n, Ezekiasi siesieli Ɲanmiɛn ɲrun jranfuɛ mun be akpasua’m be nun,+ yɛ ɔ siesieli Levifuɛ mun be akpasua’m be nun.+ Ɔ le akpasua kun nin i junman m’ɔ di-ɔ.+ Ɔ siesieli be sɔ naan be yi tɛ nga kɛ bé yí’n be yra nnɛn’n i kɔlikɔli’n, nin bo kun yolɛ tɛ mun, naan be di junman mun, yɛ be la Ɲanmiɛn i ase, be mɛnmɛn i, Zoova i awlo klun’m* be anuan’m be nun.+