• Zeremin 14:13
    Ɲanmiɛn Ndɛ’n—Mɛn Uflɛ Biblu’n

    • 13 Sanngɛ n seli kɛ: “Ee, min Min Zoova, wɔ mɔ a Sie Like Kwlakwla’n, Ɲanmiɛn nuan ijɔfuɛ’m be liɛ’n, be se sran’m be kɛ: ‘Alɛ fi su tɔman, yɛ awe fi su kpɛnman. Afin ń yó maan amún trán fɔuun nun lika nga nun wa.’”+

  • Zeremin 23:16, 17
    Ɲanmiɛn Ndɛ’n—Mɛn Uflɛ Biblu’n

    • 16 Zoova m’ɔ ti sonja’m be su kpɛn’n waan yoo:

      “Ɲanmiɛn nuan ijɔfuɛ nga be kan sa nga bé wá jú’n be ndɛ’n, nán amun sie amun su be nuan bo.+

      Be laka amun.*

      Aolia nun like nga be kɛn i ndɛ’n, be bɔbɔ yɛ be kpɛ i be ti nun-ɔn.+

      Nán Zoova i nuan ndɛ mun-ɔn.+

      17 Be se be nga be buman min sran’n be titi kɛ:

      ‘Zoova waan: “Amún trán fɔundi nun.”’+

      Yɛ be se be kwlaa nga like nga be awlɛn’n su be bo kɛ be yo’n yɛ be yo’n be kɛ:

      ‘Ɲrɛnnɛn ba kun sa su tɔman amun su.’+

  • Zeremin 28:1, 2
    Ɲanmiɛn Ndɛ’n—Mɛn Uflɛ Biblu’n

    • 28 Afuɛ kunngba sɔ’n nun’n, yɛle kɛ, kɛ Sedesiasi+ m’ɔ ti Zida famiɛn’n ɔ boli i famiɛn dilɛ’n i bo’n, i afuɛ nnan su’n i anglo nnun su’n, Azuu i wa Anania m’ɔ ti Ɲanmiɛn nuan ijɔfuɛ’n, m’ɔ fin Gabaɔn’n+ ɔ kan ndɛ kleli min, Zoova i sua’n nun lɔ. Kɛ ɔ́ yó sɔ’n, nn Ɲanmiɛn ɲrun jranfuɛ mun nin sran’m be kwlaa be o lɛ. Ɔ seli min kɛ: 2 “Zoova m’ɔ ti sonja’m be su kpɛn’n, m’ɔ ti Izraɛli Ɲanmiɛn’n waan yoo: ‘Kɔmin su waka nga Babilɔnin famiɛn’n fa sieli amun kɔmin su’n, ń má búbú nun.’+

  • Ngwlɛ Yilɛ 2:14
    Ɲanmiɛn Ndɛ’n—Mɛn Uflɛ Biblu’n

    • 14 Ɔ wun sa nga ɔ Ɲanmiɛn nuan ijɔfuɛ’m be waan be wunnin i aolia nun’n, ɔ ti ato, yɛ ɔ ti finfin ndɛ.+

      B’a kanman sa tɛ nga a yoli’n i ndɛ b’a kleman wɔ weiin naan nvle uflɛ nun kanga yolɛ’n w’a to w’a fuan wɔ.+

      Sanngɛ ɔ wun ndɛ nga be waan be wunnin i mɔ be kan kle wɔ’n, ɔ ti ato. Gblɛ ndɛ yɛ be kan kle wɔ-ɔ.+