21 “‘Nán kplin su kɛ be fa ɔ wa be yi tɛ be man Molɛki.+ Nán yo sɔ naan saci ɔ Ɲanmiɛn’n i dunman.+ N ti Zoova.

31 Be ko kplannin lika nglonglo nga be o Tofɛti m’ɔ o Inɔmun i Wa’n i Kongo’n*+ nun’n, naan bé fá sin bé yrá be mma yasua mun nin be mma bla mun kɔlikɔli.+ Kusu nn m’an seman be kɛ be yo i sɔ like. Yɛ i sɔ akunndan nin-a baman min ti nun le bɔbɔ.’+

35 Asa ekun’n, be kplannin Baali i lika nglonglo mun Inɔmun i Wa’n i Kongo’n*+ nun lɔ naan bé yrá be mma yasua mun nin be mma bla mun* mán Molɛki.+ Kusu nn m’an seman be kɛ be yo i sɔ tete like’n.+ Yɛ i sɔ akunndan’n bɔbɔ nin-a baman min ti* nun le. Be tete like sɔ’n ti’n, be yoli maan Zidafuɛ’m be fɔnnin.’