25 Sanngɛ kɛ é sé yɛ’n, n su wa kɔ Zerizalɛmun, ń kó nían Ɲanmiɛn i sran nga be o lɔ’n be lika.+ 26 Afin be nga be o Maseduanin nin Akai lɔ’n, be waan bé úka Ɲanmiɛn i sran nga be o Zerizalɛmun lɔ mɔ be nun wie’m be ti yalɛfuɛ’n. Ɔ maan be fali be sa nun ninnge wie’m be mannin be klun ufue su.+

16 Sika mɔ amun su bobo ko man Ɲanmiɛn i sran mun’n,+ i su ndɛ nga n kan’n yɛ: An nian nga n kleli asɔnun nga be o Galasi lɔ’n su yo.

9 Like ng’ɔ fata kɛ amun yo fa uka Ɲanmiɛn i sran mun’n+ i liɛ’n, ɔ timan cinnjin kɛ n klɛ amun i su fluwa. 2 Afin n si kɛ amun klo kpa kɛ amún úka be. N dili min nuan n kleli Maseduaninfuɛ mun kɛ Akaifuɛ’m be siesieli be wun i afuɛ kun yɛ. Amun ninnge yolɛ juejue su’n, ɔ wlali be nun sunman be fanngan.