1 Famiɛn Mun

8 Blɛ sɔ’n nun’n, Salomɔn yiali+ Izraɛli kpɛnngbɛn mun, yɛle kɛ akpasua su kpɛn’m be kwlaa, nin Izraɛlifuɛ’m be si’m be awloboawlobo’m be su kpɛn mun.+ Be bali Famiɛn Salomɔn i sin Zerizalɛmun lɛ, naan bé kó fá Zoova i aenguɛ’n i alaka’n Davidi Klɔ+ lɔ, yɛle kɛ Siɔn+ lɔ. 2 Kɛ bé dí cɛn* nga be di i Etanimun* anglo’n nun’n, yɛle kɛ anglo nso su’n nun’n, Izraɛli lɔ sran’m be kwlaa be yiali Famiɛn Salomɔn i ɲrun lɛ.+ 3 Izraɛli kpɛnngbɛn’m be kwlaa be bali, yɛ Ɲanmiɛn ɲrun jranfuɛ’m be mannin Alaka’n su.+ 4 Be suali Zoova i Alaka’n nin tannin sua mɔ Ɲanmiɛn yi i wun nglo nun’n,+ ɔ nin ninnge kwlaa nga be o tannin sua’n nun mɔ be ti Ɲanmiɛn liɛ klonglo’n. Ɲanmiɛn ɲrun jranfuɛ mun nin Levifuɛ mun yɛ be suali ninnge sɔ mun-ɔn. 5 Famiɛn Salomɔn nin Izraɛlifuɛ’m be kwlaa nga be yiali be kɛ be wɔ i wun lɔ’n, be jrannin Alaka’n i ɲrun lɛ. Bua nin nannin nga be fa yili tɛ’n+ be sɔnnin dan ti’n, b’a kwlá kaman be.

6 I sin’n, Ɲanmiɛn ɲrun jranfuɛ’m be fali Zoova i aenguɛ’n i alaka’n be ko sieli i lika ng’ɔ fata kɛ be fa sie i lɛ’n.+ Be tɛkɛli i sua ba ng’ɔ o Ɲanmiɛn sua’n i klun lɔ mmuammua kpa’n i nun lɔ, yɛle kɛ Sua Ba Ngunmin Kun m’ɔ ti Ɲanmiɛn liɛ Klonglo’n nun lɔ, seribɛn’m be ndɛwa’m be bo lɛ.+

7 Seribɛn’m be ndɛwa’m be nun ti trɛwa, yɛ be o lika nga Alaka’n taka lɛ’n i ti su nglo. Ɔ maan seribɛn’m be kata Alaka’n nin i waka floloflolo’m be su.+ 8 Waka floloflolo’m+ be ti tɛnndɛn ti’n, sran ng’ɔ o Sua Ba m’ɔ ti Ɲanmiɛn liɛ Klonglo’n nun’n, ɔ wun be ti mun. Sua Ba sɔ’n wo Sua Ba Ngunmin Kun m’ɔ ti Ɲanmiɛn liɛ Klonglo’n i ɲrun lɛ. Sanngɛ sran ng’ɔ o gua su lɔ’n ɔ wunman be. Andɛ nin andɛ’n, waka sɔ’m be te o lɔ. 9 Like fi nunman Alaka’n nun, saan yɔbuɛ paplaapla+ nɲɔn nga Moizi fa be sieli nun+ Orɛbu lɔ’n. I nun mɔ Izraɛlifuɛ’m be fin Ezipti mɛn’n nun lɔ fiteli+ mɔ Zoova nin be trali aenguɛ’n,+ yɛ Moizi fa be sieli nun-ɔn.

10 Kɛ Ɲanmiɛn ɲrun jranfuɛ’m be fin lika m’ɔ ti Ɲanmiɛn liɛ klonglo’n nun lɔ fiteli’n, ɲanmiɛn ble’n+ yili Zoova i sua’n.+ 11 Ɲanmiɛn ble sɔ’n ti’n, Ɲanmiɛn ɲrun jranfuɛ’m b’a kwlá kaman lɔ naan b’a di be junman’n. Nanwlɛ, Zoova i ɲrun ɲanɲan’n deli Zoova i sua wunmuan’n.+ 12 Kɛ ɔ yoli sɔ’n, Salomɔn seli kɛ: “Zoova, a seli kɛ á trán aosin tritri’n nun.+ 13 Yɛ m’an kplan sua klanman dan kpa kun m’an man wɔ, m’an man wɔ lika trele kun naan a tran nun tititi.”+

14 I sin’n, famiɛn’n kpɛli i ɲin Izraɛlifuɛ nga be yiali mɔ be jinjin lɛ’n be kwlaa be su lɔ, kpɛkun ɔ boli muae mannin be.+ 15 Ɔ seli kɛ: “Maan manmanlɛ’n yo Zoova m’ɔ ti Izraɛli Ɲanmiɛn’n i liɛ. I bɔbɔ i nuan nun’n, ɔ tali min si Davidi i nda, kpɛkun ɔ fɛli i sa’n fa yiɛli i nuan. Ɔ seli kɛ: 16 ‘Kɛ ɔ fɛ i cɛn nga n fali Izraɛlifuɛ mɔ be ti min sran’n Ezipti lɔ n fiteli’n, m’an kpaman Izraɛli akpasua’m be klɔ’m be nun kun kɛ i su yɛ be kplan sua kun naan min dunman’n tran su tititi-ɔ.+ Sanngɛ n kpali Davidi kɛ ɔ sie Izraɛli m’ɔ ti min nvle’n.’ 17 Min si Davidi kunndɛli kpa kɛ ɔ́ kplán sua kun naan Zoova m’ɔ ti Izraɛli Ɲanmiɛn’n i dunman’n tran su.+ 18 Sanngɛ Zoova seli min si Davidi kɛ: ‘A kunndɛli kpa kɛ á kplán sua kun naan min dunman’n tran su. Akunndan kpa yɛ a buli-ɔ. 19 Sanngɛ nán wɔ yɛ á wá kplán sua sɔ’n niɔn. Ba yasua nga á wá wú i’n, i yɛ ɔ́ kplán sua nga min dunman’n trán su’n niɔn.’+ 20 Zoova yiali nda ng’ɔ tali’n i nuan. Afin m’an sin min si Davidi i ja nun m’an tran Izraɛli famiɛn bia’n su, kɛ nga Zoova fa kannin’n sa. Asa ekun’n, n kplannin sua kun naan Zoova m’ɔ ti Izraɛli Ɲanmiɛn’n i dunman’n tran su.+ 21 Yɛ n siesieli lika kun lɔ naan be fa Alaka mɔ yɔbuɛ paplaapla nɲɔn’m be o nun’n be sie nun. Aenguɛ+ nga kɛ e nannan’m bé fín Ezipti lɔ fíte’n Zoova nin be trali’n yɛ ɔ klɛ yɔbuɛ sɔ’m be su-ɔ.”

22 I sin’n, Salomɔn jrannin Zoova i tɛ yiwlɛ’n i ndɛnman su lɛ, Izraɛlifuɛ’m be kwlaa be* ɲrun lɛ. Kpɛkun ɔ mɛnnin i sa’m be su nglo+ 23 naan w’a se kɛ: “Zoova, wɔ mɔ a ti Izraɛli Ɲanmiɛn’n, nglo lɔ-o, asiɛ’n su wa-o, Ɲanmiɛn uflɛ fi nunman lɛ m’ɔ nin wɔ sɛ-ɔ.+ Aenguɛ nga a nin ɔ sufuɛ’m be tra’n a di su, yɛ a kle ɔ sufuɛ nga be tu be klun be nanti klanman ɔ ɲrun’n+ kɛ a klo be dan.+ 24 Nda nga a tali ɔ sufuɛ Davidi m’ɔ ti min si’n, a yiɛli i nuan. Ɔ bɔbɔ ɔ nuan nun yɛ a tali nda sɔ’n niɔn. Yɛ ɔ bɔbɔ ɔ sa’n yɛ w’a fa yiɛ i nuan andɛ-ɔ.+ 25 Ɔ maan siɛn’n, Zoova, Izraɛli Ɲanmiɛn, yia nda nga a tali ɔ sufuɛ Davidi m’ɔ ti min si’n i nuan. A seli i kɛ: ‘Sɛ ɔ mma’m be nian be wun su naan be nanti klanman min ɲrun’n, kɛ nga a nin min fa nantili’n sa’n, ɔ osu’n nun’n, bé ɲán sran tititi naan ɔ tran Izraɛli famiɛn bia’n su.’+ 26 Ɔ maan siɛn’n, wɔ mɔ a ti Izraɛli Ɲanmiɛn’n, yaci, yo maan nda nga a tali ɔ sufuɛ Davidi m’ɔ ti min si’n i nuan yia.

27 ?Sanngɛ Ɲanmiɛn, á trán asiɛ’n su wa sakpasakpa?+ Afin a sɔnman ɲanmiɛn m’ɔ la nglo lɔ plaii’n su lɔ bɔbɔ+ naan se kɛ sua nga m’an kplɛn i yɛ’n, yɛ á sɔ́n nun-ɔn!+ 28 Siɛn’n, sie ɔ su naan tie ɔ sufuɛ’n i srɛlɛ’n, si min aunnvɔɛ. Ee Zoova, min Ɲanmiɛn, tie ɔ sufuɛ’n i kpanlɛ m’ɔ kpan flɛ wɔ kɛ a ukɛ i’n. Sie ɔ su tie srɛlɛ nga n su srɛ wɔ andɛ’n. 29 Tike ɔ ɲinma’n naan ɔ ɲin tran sua nga su wia nun nin kɔnguɛ. Maan ɔ ɲin tran lika nga a seli kɛ: ‘Lɛ yɛ min dunman’n trán’n’+ i su, naan kɛ n* kpɛ min ɲin lika nga su wa n srɛ wɔ’n, w’a tie min srɛlɛ’n.+ 30 Tie kpatalɛ mɔ min mɔ n ti ɔ sufuɛ’n n kpata wɔ kɛ a si min aunnvɔɛ’n. Yɛ kɛ Izraɛlifuɛ mɔ be ti ɔ nvle’n nunfuɛ’n be kpɛ be ɲin lika nga su wa be srɛ wɔ’n, tie be srɛlɛ’n. Kɛ a o ɔ tranwlɛ’n nun ɲanmiɛn su lɔ’n,+ sie ɔ su tie. Sie ɔ su naan yaci e sa tɛ mun cɛ e.+

31 “Sɛ be waan sran kun yoli i wiengu kun sa naan be se i kɛ ɔ ta nda,* naan nda* sɔ’n i nuan su sa ɲɛn i’n, sɛ sran sɔ m’ɔ tali nda’n,* ɔ ba ɔ tɛ yiwlɛ’n i ɲrun lɛ, sua nga nun wa’n,+ 32 kɛ a o ɲanmiɛn su lɔ’n, sie ɔ su tie, yi ɔ wun nglo yɛ di ɔ sufuɛ’m be jɔlɛ. Yɛle kɛ se kɛ klunwifuɛ’n yoli sa tɛ. Yɛ yo maan sa ng’ɔ yoli’n kaci tɔ i bɔbɔ su. Sran kpa’n i liɛ’n, se kɛ w’a yoman sa, kpɛkun fɛ i sa kpa m’ɔ yo’n, i nuan like mɛn i.+

33 “Sɛ Izraɛlifuɛ mɔ be ti ɔ nvle’n nunfuɛ’n be yo sa tɛtɛ ɔ ɲrun sa trilili, naan i sɔ’n ti’n be kpɔfuɛ’m be kwla be’n,+ sɛ be kaci be sa naan be manman ɔ dunman’n,+ naan be wa srɛ wɔ’n, naan be kpata wɔ kpa liɛ su sua nga nun’n,+ 34 kɛ a o ɲanmiɛn su lɔ’n, sie ɔ su tie. Yaci Izraɛlifuɛ mɔ be ti ɔ nvle’n nunfuɛ’n be sa tɛ mun cɛ be. Kpɛkun fa be sa be sin mɛn nga a fa mannin be nannan mun’n i nun.+

35 “Sɛ be fɔn ɔ wun sa trilili+ naan i sɔ’n ti’n, ɲanmiɛn su lɔ’n tannin naan nzue tɔman’n,+ sɛ be kpɛ be ɲin lika nga su wa naan be srɛ wɔ naan be manman ɔ dunman’n, sɛ a gua be ɲin ase* naan be yaci be sa tɛtɛ’m be yolɛ’n,+ 36 kɛ a o ɲanmiɛn su lɔ’n, sie ɔ su tie, yɛ yaci ɔ sufuɛ mun, Izraɛlifuɛ mɔ be ti ɔ nvle’n nunfuɛ’n be sa tɛ mun cɛ be. Afin á wá klé be+ atin kpa ng’ɔ fata kɛ be fa su’n. Yɛ yo maan nzue’n tɔ ɔ mɛn+ mɔ a fa mannin ɔ nvlefuɛ mun kɛ ɔ yo be aja like’n i nun.

37 “Sɛ awe kpɛn nvle’n nun’n,+ annzɛ sɛ tukpacɛ m’ɔ sa ndɛndɛ’n tru’n, annzɛ sɛ aunmuan’n lo fiaan naan ninnge’m be wu kee’n, annzɛ sɛ tukpacɛ wie saci fie su ninnge mun’n,*+ annzɛ sɛ lalo mun annzɛ aɛcɛ’m be ba nvle’n nun kpanngban’n, annzɛ kusu sɛ be kpɔfuɛ’m be tɔ be nvle’n nun klɔ’m* be nun kun su bɔbɔ’n, annzɛ sɛ tukpacɛ uflɛ m’ɔ sa ndɛndɛ’n annzɛ tukpacɛ wie tɔ be su’n,+ 38 srɛlɛ wafa kwlaa nga be srɛ wɔ’n, annzɛ kpatalɛ wafa kwlaa nga sran kun annzɛ Izraɛlifuɛ mɔ be ti ɔ nvle’n be kwlaa be kpata wɔ’n+ (afin sran kun bɔbɔ yɛ ɔ si ɲrɛnnɛn ng’ɔ o i su’n niɔn),+ kɛ be man be sa’m be su mɔ be tinngɛ be sua nga i ndɛnman’n, 39 wɔ mɔ a o ɔ tranwlɛ’n nun ɲanmiɛn su lɔ’n,+ sie ɔ su tie naan yaci be sa tɛ mun cɛ be.+ Ti be wun ɲanman nun. Yɛ nian sa kwlaa nga sran kun yo’n su fɛ i nuan like mɛn i.+ Afin a si i awlɛn’n nun lɔ (ɔ kunngba cɛ yɛ a si sran kun i awlɛn’n nun lɔ sakpasakpa-ɔ).+ 40 I liɛ’n, blɛ kwlaa nga bé trán mɛn nga a fa mannin e nannan mun’n i nun’n, bé sró wɔ.

41 “Asa ekun’n, sɛ aofuɛ wie m’ɔ nunman Izraɛlifuɛ mɔ be ti ɔ nvle’n nunfuɛ’n be nun’n, mɔ ɔ dunman’n ti’n, ɔ fin mɛn wie nun mmua ba’n,+ 42 (afin bé tí ɔ dunman dan’n,+ ɔ nin ɔ tinmin nin ɔ wunmiɛn dan’n be su ndɛ), sɛ ɔ ba naan ɔ kpɛ i ɲin sua nga su wa ɔ srɛ wɔ’n, 43 kɛ a o ɔ tranwlɛ’n nun ɲanmiɛn su lɔ’n,+ sie ɔ su tie. Yɛ yo like kwlaa nga aofuɛ’n srɛ wɔ’n. I liɛ’n, asiɛ’n su sran’m be kwlaa bé sí ɔ dunman’n, kpɛkun bé sró wɔ+ kɛ Izraɛlifuɛ mɔ be ti ɔ nvle’n nunfuɛ’n be fa yo’n sa. Yɛ bé sí kɛ ɔ dunman’n wo sua nga n kplannin’n su.

44 “Sɛ a sunman ɔ nvlefuɛ’m be kɛ be nin be kpɔfuɛ mun be ko kun alɛ’n,+ sɛ be kpɛ be ɲin klɔ nga a kpali’n su’n+ nin sua nga n kplannin mɔ ɔ dunman’n wo su’n i su wa+ naan be srɛ+ wɔ Zoova’n, 45 kɛ a o ɲanmiɛn su lɔ’n, tie be srɛlɛ’n ɔ nin kpatalɛ mɔ be kpata wɔ kɛ a si be aunnvɔɛ’n. Yɛ kan be ti ndɛ.*

46 “Sɛ be fɔn ɔ wun’n (afin ɔ leman sran kun m’ɔ yoman sa tɛ-ɔ),+ naan a fa be wun ya naan a fa be wla be kpɔfuɛ wie sa nun’n, naan be tra be kɔ be mɛn’n nun’n, sɛ mɛn sɔ’n wo mmua-o, annzɛ ɔ o koko-o,+ 47 sɛ be ju mɛn sɔ’n nun lɔ naan be kaci be akunndan’n,+ sɛ be sa be sin ɔ wun+ naan be srɛ wɔ kɛ a si be aunnvɔɛ be nga be trali be’n be mɛn’n nun lɔ’n,+ naan be se kɛ: ‘E yoli sa tɛ, sa nga e yoli’n ɔ timan kpa, e yoli klunwi,’+ 48 naan kɛ be o be kpɔfuɛ nga be trali be ɔli’n be mɛn’n nun lɔ’n, sɛ be fa be awlɛn’n kwlaa nin be nguan’n kwlaa be sa be sin ɔ wun’n+ naan be kpɛ be ɲin be mɛn mɔ a fa mannin be nannan mun’n i su’n, nin klɔ nga a kpali’n su’n, nin sua nga n kplannin mɔ ɔ dunman o su’n i su naan be srɛ wɔ’n,+ 49 kɛ a o ɔ tranwlɛ’n nun ɲanmiɛn su lɔ’n,+ tie be srɛlɛ’n ɔ nin kpatalɛ mɔ be kpata wɔ kɛ a si be aunnvɔɛ’n. Yɛ kan be ti ndɛ 50 naan yaci sa nga ɔ nvlefuɛ’m be yoli wɔ’n cɛ be, yaci fɔnlɛ nga be fɔnnin ɔ wun’n i kwlaa cɛ be. Yo maan be yo be nga be trali be ɔli’n be annvɔ naan be si be aunnvɔɛ,+ 51 (afin be ti ɔ nvle nin ɔ aja like,+ wɔ yɛ a fali be Ezipti lɔ fiteli-ɔ,+ a fali be fuu nga be klo blalɛ nun’n i nun fiteli).+ 52 Fa ɔ ɲin sie i kpatalɛ mɔ ɔ sufuɛ’n kpata wɔ kɛ a si i aunnvɔɛ’n su.+ Yɛ fa ɔ ɲin sie i Izraɛli m’ɔ ti ɔ nvle’n i srɛlɛ m’ɔ srɛ wɔ kɛ a si i aunnvɔɛ’n su, yɛ blɛ kwlaa nga be kpan flɛ wɔ’n, sie ɔ su tie.*+ 53 E Min Zoova, wɔ mɔ a Sie Like Kwlakwla’n, a fali be asiɛ’n sufuɛ’m be kwlaa be afiɛn kɛ be yo wɔ aja like,+ kɛ nga kɛ á fá e nannan mun Ezipti lɔ fíte’n, a sinnin Moizi m’ɔ ti ɔ sufuɛ’n i lika kannin’n sa.”

54 Kɛ Salomɔn srɛli Zoova’n, kɛ ɔ srɛli i kɛ ɔ si be aunnvɔɛ m’ɔ wieli srɛ cɛ’n, ɔ jasoli Zoova i tɛ yiwlɛ’n i ɲrun lɛ, kan ɔ kotoli ɔ mɛnnin i sa’m be su nglo lɛ’n.+ 55 I sin’n, ɔ jrannin nglo kpɛkun ɔ mɛnnin i nɛn’n su yrali Izraɛlifuɛ’m be kwlaa be nguan. Ɔ seli kɛ: 56 “Maan manmanlɛ’n yo Zoova liɛ, w’a yo maan Izraɛlifuɛ’m be wun w’a jɔ be fɔuun, kɛ ng’ɔ fa kannin’n sa.+ Ninnge kpakpa kwlaa ng’ɔ sinnin i sufuɛ Moizi i lika seli kɛ ɔ́ yó’n, ɔ leman kun sa m’ɔ kpili ase-ɔ.+ 57 Maan e Ɲanmiɛn Zoova nin e tran kɛ ng’ɔ nin e nannan mun fa trannin’n sa.+ Nán maan ɔ kpɔci e, yɛ nán ɔ yi e ase.+ 58 Maan ɔ yo naan e awlɛn’n ɔ trɛn i su,+ naan e nanti i atin’m be kwlaa be su, yɛ e fɛ i mmla mun, nin ndɛ ng’ɔ kan’n, ɔ nin i afɔtuɛ m’ɔ seli e nannan’m be kɛ be fa su’n be su. 59 Ndɛ nga n kan kleli Zoova mɔ n srɛli i kɛ ɔ si e aunnvɔɛ’n, maan e Ɲanmiɛn Zoova i wla kpɛn su wia nun nin kɔnguɛ, naan ɔ yo ng’ɔ nin i sufuɛ’n fata’n ɔ mɛn i, yɛ maan ɔ yo ng’ɔ nin Izraɛlifuɛ mɔ be ti i nvle’n nunfuɛ’n fata’n ɔ man be aliɛ ba kwlaa nun. 60 I liɛ’n, asiɛ’n sufuɛ’m be kwlaa bé sí kɛ Zoova yɛ ɔ ti Ɲanmiɛn Kpli’n niɔn.+ Ɲanmiɛn uflɛ fi nunmɛn i sin!+ 61 Maan amun awlɛn’n kwlaa+ tran e Ɲanmiɛn Zoova su* naan amun nanti ndɛ ng’ɔ kan’n su, yɛ amun fɛ i mmla’m be su kɛ nga amun fa yoli i andɛ’n sa.”

62 Famiɛn’n nin Izraɛlifuɛ’m be kwlaa nga be yiɛli i wun lɛ’n be yili tɛ kpanngban kpa Zoova ɲrun lɛ.+ 63 Salomɔn yili bo kun yolɛ tɛ+ mannin Zoova. Ɔ fali nannin akpiakpi ablaɔn-nin-nɲɔn (22.000), nin bua akpiakpi ya akpiakpi ablaɔn (120.000). Kɛ famiɛn’n nin Izraɛlifuɛ’m be kwlaa be yili Zoova i sua’n i nglo kɛ ngalɛ’n sa.+ 64 Cɛn sɔ’n nun’n, famiɛn’n yoli Zoova i sua’n i ɲrun lɛ awlo klun’n i afiɛn’n i sanwun. Afin lɛ yɛ ɔ yili tɛ nga kɛ bé yí’n be yra nnɛn’n i kɔlikɔli’n niɔn. Yɛ lɛ yɛ ɔ fali ble annzɛ i wunsu like, nin bo kun yolɛ tɛ nnɛn’n i lui’n fa mannin Ɲanmiɛn-ɔn. Afin aaba tɛ yiwlɛ+ ng’ɔ o Zoova i ɲrun lɛ’n ti kaan, ɔ maan tɛ nga kɛ bé yí’n be yra nnɛn’n i kɔlikɔli’n, nin ble annzɛ i wunsu like, ɔ nin bo kun yolɛ tɛ nnɛn’n i lui+ lika’m be kwlá sɔnman su. 65 Blɛ sɔ’n nun’n, Salomɔn nin Izraɛlifuɛ’m be kwlaa be dili cɛn.+ Sran kpanngban be fin lele Lebo-Amati* nin Ezipti Kongo’n+ nun lɔ be bali Zoova m’ɔ ti e Ɲanmiɛn’n i ɲrun, be dili cɛn nso lɛ. I sin’n, be dili cɛn nso ekun. Cɛn’m be kwlaa be yoli cɛn ba blu-nin-nnan (14). 66 Cɛn ng’ɔ su i su’n nun’n,* ɔ mannin nvlefuɛ’m be atin naan be wɔ be awlo, yɛ be boli muae mannin famiɛn’n. Kɛ bé kɔ́’n, be klun ti jɔwa, yɛ be klun tɔli nun fɔuun, ye dan+ nga Zoova yoli i sufuɛ Davidi nin Izraɛlifuɛ mɔ be ti i nvle nunfuɛ mun’n ti.