Kekle jranlɛ
?Ɔ ti cinnjin kɛ Zoova i sufuɛ’m be jran kekle?
?Sɛ sran wie’m be sɔman jasin nga e bo’n nun annzɛ be tanndan e ɲrun bɔbɔ’n, ngue ti yɛ ɔ fataman kɛ i sɔ’n bo e nuan-ɔn?
Mat 10:22; Zan 15:18, 19; 2Ko 6:4, 5
Biblu’n nun ndɛ mɔ be kwla uka e’n:
2Pi 2:5; Bob 7:23; Mat 24:37-39—Kannzɛ Nowe tuli i klun “boli sa nga be yo-ɔ ɔ ti su’n i ndolo’n,” sanngɛ sran’m be dan lika b’a sieman be su. I sɔ’n ti’n, kɛ Nzue Dan’n tɔli’n ɔ nin i awlofuɛ’m be ngunmin yɛ be ɲannin be ti-ɔ.
2Ti 3:10-14—Akoto Pɔlu kannin wafa ng’ɔ jrannin kekle’n i ndɛ kleli Timote naan i kusu jran kekle wie.
?Sɛ e osufuɛ’m be kle e yalɛ’n, ngue ti yɛ ɔ fataman kɛ i sɔ’n bo e nuan-ɔn?
Mat 10:22, 36-38; Lik 21:16-19
Biblu’n nun ndɛ mɔ be kwla uka e’n:
Bob 4:3-11; 1Zn 3:11, 12—Kɛ mɔ Kaɛn i klun yo wi’n ti’n, ɔ kunnin i niaan bian Abɛli m’ɔ ti sran kpa’n.
Bob 37:5-8, 18-28—Kɛ Zozɛfu kannin laliɛ ng’ɔ cɛnnin’n kleli i niaan mun’n, be fɛli i yili i kunman kun nun. Kpɛkun i sin’n be yoli i atɛ kɛ kanga sa.
?Sɛ be se kɛ bé kún e’n, ngue ti yɛ ɔ fataman kɛ srɛ kun e-ɔ?
Nian Ngl 2:10 nun wie.
Biblu’n nun ndɛ mɔ be kwla uka e’n:
Dan 3:1-6, 13-18—Sadraki nin Mesaki ɔ nin Abɛdnego be seli kɛ sɛ be wu’n, ɔ ti kpa tra kɛ be koto waka sran wie bo naan be fɔn Zoova i mmla’n.
Yol 5:27-29, 33, 40-42—Kannzɛ be seli akoto’m be kɛ bé kún be’n, sanngɛ be jrannin kekle, b’a yaciman jasin fɛ’n i bolɛ.
?Sɛ be tu e fɔ kekle kpa bɔbɔ’n, ngue yɛ ɔ kwla uka e naan y’a su Zoova titi-ɔ?
Biblu’n nun ndɛ mɔ be kwla uka e’n:
Kal 20:9-12; Mml 3:23-28; 31:7, 8—Kɛ Zoova tuli Moizi i fɔ’n, i sa sin bubuli i kan. Sanngɛ ɔ suli Zoova kpa lele guɛli i ti nin i bo.
2Fa 20:12-18; 2Ɲo 32:24-26—Kɛ Famiɛn Ezekiasi fɔnnin’n, Ɲanmiɛn nuan ijɔfuɛ’n tuli i fɔ kekle kpa. Sanngɛ ɔ kɛnnin i wun ase sɔli nun klanman yɛ ɔ suli Zoova titi.
?Sɛ e wiengu’m be suman Zoova kun’n, ngue ti yɛ i sulɛ’n kwla yo kekle man e-ɔ?
Biblu’n nun ndɛ mɔ be kwla uka e’n:
Ju 73:2-24—Kɛ jue tofuɛ’n wunnin kɛ sa tɛ yofuɛ’m be wun jɔ be kpa fɔun naan be sa nun ninnge’m be yo kpa’n, ɔ usɛli i wun sɛ Zoova i sulɛ’n ti cinnjin-o.
Zan 6:60-62, 66-68—Kannzɛ sran kaka be yacili Zezi i su sulɛ’n, sanngɛ akoto Piɛli suli i su titi.
?Ngue yɛ ɔ kwla uka e naan y’a jran kekle-ɔ?
Maan e fa e wun mantan Zoova kpa
Maan e suan Ɲanmiɛn Ndɛ’n i nun like kpa yɛ e bu su akunndan
Maan e srɛ Zoova titi, e kan e klun ndɛ e kle i
Biblu’n nun ndɛ mɔ be kwla uka e’n:
Dan 6:4-11—Kannzɛ sran wie’m be cicili Ɲanmiɛn nuan ijɔfuɛ Daniɛli i wun kɛ bé kún i’n, sanngɛ w’a fiaman naan w’a srɛ Ɲanmiɛn, yɛ ɔ yoli sɔ titi.
Mat 26:36-46; Ebr 5:7—Kɔnguɛ kasiɛn ka naan b’a kun Zezi’n, ɔ srɛli Ɲanmiɛn tankaan kpa yɛ ɔ seli i sɔnnzɔnfuɛ’m be kɛ be yo sɔ wie.
Maan e nin e niaan Klisifuɛ mun e yia titi naan e su Ɲanmiɛn likawlɛ
Maan e ɲin tran ninnge nga Zoova tali nda kɛ ɔ́ mán e’n be su titi
Maan e mian e ɲin naan e klo Zoova nin e niaan Klisifuɛ mun ɔ nin sa kpa yolɛ’n be kpa e tra laa’n
Maan e yo naan e lafi Ɲanmiɛn su kpa
Kannzɛ afɛ o e su’n, maan e yo sa ng’ɔ ti kpa’n titi
?Kɛ e jran kekle’n, i su ye benin yɛ e ɲɛn i-ɔ?
E manman Ɲanmiɛn Zoova
Ɲan 27:11; Zan 15:7, 8; 1Pi 1:6, 7
Biblu’n nun ndɛ mɔ be kwla uka e’n:
Zɔb 1:6-12; 2:3-5—Satan seli kɛ, kɛ mɔ Zoova sasa Zɔbu’n, i ti yɛ Zɔbu su i-ɔ. Ɔ fata kɛ Zɔbu jran kekle, ɔ su Zoova kpa titi naan w’a kwla kpɛ akplowa sɔ mɔ Satan kpɛli i ba’n, i nun.
Rɔm 5:19; 1Pi 1:20, 21—Kɛ mɔ Zezi jrannin kekle lele guɛli i ti nin i bo’n ti’n, ɔ kwla tɛli kosan cinnjin nga su. Yɛle kɛ: ?Sɛ be kle sran mɔ fɔ nunmɛn i nun’n i ɲrɛnnɛn kpa’n, ɔ kwla su Zoova kpa lele guɛ i ti nin i bo?
E wla e wiengu’m be fanngan kɛ be jran kekle wie
Kɛ e jran kekle’n, e junman’n ba nvlɛ
Zoova i klun jɔ e wun, yɛ ɔ́ yó e mo
Mat 24:13; Lik 21:19; 1Ko 15:58; Ebr 10:36
Nian Rɔm 2:6, 7; Zak 1:12 be nun wie.