Junman dilɛ
?Junman dilɛ’n kwla man e aklunjɔɛ?
?Kɛ sran kun si i junman’n i di kpa’n, i su ye benin yɛ ɔ kwla ɲɛn i-ɔ?
Biblu’n nun ndɛ mɔ be kwla uka e’n:
1Sa 16:16-23—Davidi i gbanflɛn nun’n, sran kwlaa si kɛ ɔ si miziki bo kpa. I sɔ’n ti’n, kɛ Izraɛli famiɛn’n i akunndan’n sanngannin’n, be ko flɛli i kɛ ɔ wa bo miziki man famiɛn’n naan i wla gua ase.
2Ɲo 2:13, 14—Kɛ mɔ Iramun-Abi si i junman’n i di kpa’n ti’n, Famiɛn Salomɔn fɛli i naan ɔ di junman dan kpa kun mɛn i.
?Junman dilɛ nun’n, ɔ fata kɛ sran’m be sie i nzɔliɛ kɛ e ti sran wafa sɛ?
Biblu’n nun ndɛ mɔ be kwla uka e’n:
Bob 24:10-21—Junman nga Rebeka dili’n ɔ tra nga Abraamun i sufuɛ’n seli i kɛ ɔ yo’n. I lɛ nun’n, ɔ kleli kɛ ɔ klo sran ukalɛ yɛ ɔ klo junman dilɛ wie.
Fip 2:19-23—Akoto Pɔlu mannin Timote i junman cinnjin kun, afin ɔ tu i klun di junman kekle yɛ ɔ ti wun ase kanfuɛ.
?Ngue ti yɛ Ɲanmiɛn i sufuɛ’m be kunndɛman kɛ bé yó fuɛnfuɛ kaan sa-ɔ?
Ɲan 13:4; 18:9; 21:25, 26; Aku 10:18
Biblu’n nun ndɛ mɔ be kwla uka e’n:
Ɲan 6:6-11—Famiɛn Salomɔn fali ijrewa’m be su sunnzun ase fa kleli kɛ ɔ fata kɛ e di junman kekle naan nán e yo fuɛnfuɛ.
?Ngue ti yɛ ɔ fata kɛ e di junman kekle kpa naan y’a kwla nian e wun lika-ɔ?
?Ngue ti yɛ ɔ fata kɛ e di junman kekle naan y’a kwla nian e awlofuɛ’m be lika-ɔ?
Biblu’n nun ndɛ mɔ be kwla uka e’n:
Rit 1:16, 17; 2:2, 3, 6, 7, 17, 18—Riti m’ɔ ti angbeti’n dili junman kekle naan w’a kwla niɛn i sewi Naomin i lika.
Mat 15:4-9—Sran wie’m be kunndɛman kɛ bé nían be osufuɛ’m be lika ti’n, be waan be fali be sa nun ninnge mun mannin Ɲanmiɛn. Zezi buli i sɔfuɛ’m be fɔ.
?Kɛ e di junman kekle mɔ e ɲan su mmlusuɛ’n, ngue yɛ ɔ fata kɛ e fa yo-ɔ?
?Wafa sɛ yɛ ɔ fata kɛ e bu akatua nga e ɲɛn i’n niɔn?
?Ngue yɛ ɔ kle kɛ Zoova kunndɛ kɛ ɔ́ úka e naan y’a kwla di e junman’n i kpa naan ɔ́ nían e lika-ɔ?
Mat 6:25, 30-32; Lik 11:2, 3; 2Ko 9:10
Biblu’n nun ndɛ mɔ be kwla uka e’n:
Bob 31:3-13—Laban buli Zakɔbu m’ɔ ti i sia nin i junman difuɛ’n i lufle. Sanngɛ Zoova wunnin junman kekle mɔ Zakɔbu di’n. I ti’n ɔ yrɛli i su.
Bob 39:1-6, 20-23—I nun nga Zozɛfu ti Potifaa i kanga’n ɔ nin kɛ be wlɛli i bisua’n, Zoova yrali junman ng’ɔ dili’n su.
?Ngue ti yɛ ɔ fataman kɛ e junman’n yo e cinnjin tra Ɲanmiɛn i sulɛ’n niɔn?
Ju 39:5-7; Mat 6:33; Zan 6:27
Biblu’n nun ndɛ mɔ be kwla uka e’n:
Lik 12:15-21—Zezi fali sunnzun ase kun fa kleli kɛ sɛ aɲanbeun ninnge’m be ti e cinnjin tra Ɲanmiɛn ninnge mun’n, i sɔ’n ti sinnzin ayeliɛ.
1Ti 6:17-19—Akoto Pɔlu wlali Klisifuɛ nga be ti aɲanbeunfuɛ’n be su nun kpa kɛ nán maan be tu be wun. Sanngɛ maan ‘be yo sa kpa, yɛ be yo i sɔ kpɛ sunman.’
?Sɛ e kunndɛ kɛ é dí junman wie’n, Biblu’n nun mmla benin yɛ be kwla uka e naan y’a fa ajalɛ kpa-ɔ?
Tul 20:4; Yol 15:29; Efɛ 4:28; Ngl 21:8—?Sɛ n fa min wun n wla junman sɔ’n nun’n, ń yó like wie mɔ Ɲanmiɛn bu i fɔ-ɔ?
Tul 21:22-24; Eza 2:4; 1Ko 6:9, 10; 2Ko 7:1—?Junman sɔ’n yo maan sran’m be yo ninnge nga Ɲanmiɛn kloman be’n?
Rɔm 13:1-7; Tit 3:1, 2—?Junman sɔ’n ti’n, ń fɔ́n awa’n i mmla wie?
2Ko 6:14-16; Ngl 18:2, 4—?Junman sɔ’n ti’n, ń má káci Ɲanmiɛn sulɛ wafa wie i nunfuɛ annzɛ i bo suanfuɛ?
Zoova i junman’n i dilɛ
?Junman cinnjin kpafuɛ nga Klisifuɛ kun kwla di’n, yɛle benin?
?Ngue ti yɛ e kunndɛ kɛ é tú e klun é dí Zoova i junman’n niɔn?
Lik 13:24; Rɔm 12:11; 1Ko 15:58; Ebr 6:10-12
Nian 1Ti 3:1 nun wie.
?Ngue ti yɛ ɔ fataman kɛ e fa junman nga e di e man Zoova’n, e sunnzun e wiengu’m be liɛ’n niɔn?
Biblu’n nun ndɛ mɔ be kwla uka e’n:
Mat 25:14, 15—Sunnzun ase nga Zezi fali’n kle kɛ w’a seman kɛ i sɔnnzɔnfuɛ’m be kwlaa be di junman kunngba’n.
Lik 21:2-4—Zezi buli like kaan nga angbeti bla yalɛfuɛ’n mannin’n i like dan.
?Nin yɛ e ɲan wunmiɛn naan y’a kwla di Zoova i junman’n niɔn?
2Ko 4:7; Efɛ 3:20, 21; Fip 4:13
Biblu’n nun ndɛ mɔ be kwla uka e’n:
2Ti 4:17—Akoto Pɔlu dili i nanwlɛ kɛ Ɲanmiɛn mɛnnin i wunmiɛn naan w’a kwla di i junman’n blɛ ng’ɔ nin i fata’n nun.
?Ngue ti yɛ kɛ e tu e klun e di Zoova junman’n e di aklunjɔɛ-ɔ?
Nian Mat 25:23 nun wie.