Fluwa nga é súan nun like asɔnun’n i Biblu’n nun like suanlɛ aɲia’n bo’n
1. ?Kɛ ɔ fɛ i Marsi anglo nun’n, fluwa benin mun yɛ é fá súan like asɔnun’n i Biblu’n nun like suanlɛ aɲia’n bo ɔ?
1 Kɛ ɔ fɛ i Marsi i le 1 su’n, e fluwa Amun ɲan anannganman nguan nin aunjuɛ asiɛ’n su! nin Ɲanmiɛn janvuɛ yɛ Wunmiɛn mun be nun yɛ é súan like e asɔnun’n i Biblu’n nun like suanlɛ aɲia’n bo ɔ. Fluwa Anannganman Nguan yɛ é fá bó i bo ɔ. I sin’n, é fá fluwa Ɲanmiɛn i janvuɛ. Kpɛkun fluwa Wunmiɛn mun yɛ é fɛ́ i kasiɛn ɔn.
2. ?Wafa sɛ yɛ é súan fluwa sɔ’m be nun like ɔ?
2 ?Kɛ mɔ b’a klɛman ndɛ’m be su kosan’n, wafa sɛ yɛ é yó aɲia’n niɔn? I lɛ nun’n, kosan nga asɔnun kpɛnngbɛn ng’ɔ tinngɛ aɲia’n ɔ wun kɛ sɛ ɔ usa ɔ ɔ ti kpa’n, ɔ kwla usa. Biblu’n nun ndɛ mma nga be o fluwa’n nun’n, an kanngan nun yɛ be yiyi nun. Maan e kwlaa e siesie e wun kpa naan e like suanlɛ sɔ’n w’a yo e ye.
3. ?Wafa sɛ yɛ e kwla suan fluwa Anannganman nguan’n i nun like ɔ?
3 Amun ɲan anannganman nguan nin aunjuɛ asiɛ’n su!: Gbanflɛn nin talua mun ɔ nin be nga kannganlɛ’n timan pɔpɔ be sa nun’n, be klo fluwa sɔ’n kpa. I nun ndɛ’m be wlɛ wunlɛ timan kekle. Biblu’n nun ndɛ mma wie’m be klɛ desɛn’m be wun lɛ. Kɛ ɔ ko yo naan fluwa’n i nun ndɛ’m b’a yo amun ye kpa’n, maan an kanngan be nun. I liɛ’n, amún sí ninnge nglanman nga Ɲanmiɛn Kpli wá yó be mɔ Biblu’n kan be ndɛ’n,be nun wie mun. Yɛ amún sí like nga i waan amun yo naan kɛ ninnge sɔ’m bé kpɛ́n su’n, amun a di fɛ wie.
4. ?Wan mun yɛ fluwa Ɲanmiɛn i janvuɛ kwla uka be ɔ?
4 Amun kwla yo Ɲanmiɛn i janvuɛ! Ba kanngan nin be nga be siman fluwa kpa’n, fluwa sɔ’n kwla uka be kpa naan b’a si Zoova.
5. ?Kosan benin mun yɛ fluwa Wunmiɛn Mun tɛ su ɔ?
5 Wunmiɛn mun — ?Be kwla uka amun annzɛ be kwla yo amun abɔlɛ? ?Be o lɛ sakpa? E sran ble mɛn’n nun wia atɔliɛ lika nun wa’n, nin mɛn i bue uflɛ su’n, sran kpanngban’m be bu i kɛ, be wu be o lɔ. Naan kɛ be o lɔ’n, be kwla yo e ye annzɛ be kwla yo e abɔlɛ. ?I sɔ’n ti nanwlɛ? ?Be wu be o lɔ sakpa? ?Sɛ be wu’n be nunman lɔ’n nn wan yɛle wunmiɛn mun? Kosan ngalɛ’m be su tɛlɛ’n ti cinnjin kpa man e. Afin, sɛ y’a wunman be su tɛlɛ i wlɛ’n, ɔ kwla yo e wie ndɛ.