Le mɔcuɛ m’ɔ bo i bo Fevrie i le 22 i siesielɛ
LE MƆCUƐ M’Ɔ BO I BO FEVRIE LE 22
□ Asɔnun’n i Biblu’n nun like suanlɛ:
□ Ɲanmiɛn junman dilɛ suklu:
Biblu’n nun kannganlɛ: Jɔlɛ Difuɛ Mun 19-21
Ɲanmiɛn junman dilɛ suklu’n i nun flanlɛ
□ Junman dilɛ aɲia:
Min 5: Jasin mun.
Min 10: Fluwa nga é fá mán sran mun Marsi nun’n. Fa jasin bofuɛ nɲɔn. Se be kɛ be kan anglo’n nun fluwa nga é fá mán sran mun’n i nun ndɛ ng’ɔ kwla yo sran’m be fɛ kpa’n i ndɛ. Kpɛkun wafa nga be yoli mɔ sran’m be sɔli fluwa’n nun klanman’n, maan be kɛn i ndɛ wie. Wafa nga e kwla fa fluwa’n e bo sran’m be Biblu’n nun like klelɛ bo’n, maan be yi i nglo. Annzɛ be kwla yi ajalɛ nga be dun mmua fali su’n, i nglo kɛ ng’ɔ fa yoli’n sa. Maan kun yo i liɛ naan i sin kun w’a yo i liɛ.
Min 10: Sɛ e si ndɛ nun yiyi’n, sran’m bé síe be su kpa e ndɛ’n i bo. Ijɔlɛ. Ɔ taka fluwa École du ministère su. Kɛ ɔ fɛ i bue 251 lele i bue 253 i ndɛ kpɔlɛ 2.
Min 10: Maan e uka sran nga Ɲanmiɛn ndɛ’n lo be’n naan be fa be wun mantan Zoova i anuannzɛ’n. Ndɛ sɔ’n o fluwa Organisés i bue 99 su. Ijɔfuɛ’n nin nzrafuɛ’m be koko ndɛ kpɔlɛ nsan nga be o ce sɔ’n i bo lɛ’n, be su yalɛ. Se nzrafuɛ’m be kɛ be kan wafa nga be yoli naan sran nga Ɲanmiɛn ndɛ’n lo be’n, b’a fa be wun b’a mantan Zoova i anuannzɛ’n i ndɛ. Se jasin bofuɛ kun kɛ ɔ kan wafa nga sran ng’ɔ kleli i Biblu’n nun like’n, ɔ ukɛli i sɔ liɛ’n nun’n, i ndɛ.