Jasin mun

◼ Fluwa nga é fá mán sran mun Marsi nun’n: ?Ngue like yɛ Biblu’n kle i sakpasakpa ɔ? Like ng’ɔ fata kɛ ɔ tran jasin bofuɛ’m be klun’n, yɛle kɛ sran kwlaa nga bé fá fluwa’n bé mɛ́n i’n, annzɛ kusu sran nga be to i ɔ fluwa’n o i sa nun laa’n, bé bó i Biblu’n nun like klelɛ’n bo. Avrili nin Mɛ nun’n: Sasafuɛ Tranwlɛ’n nin Réveillez-vous ! Kɛ é kó nían be nga Ɲanmiɛn ndɛ’n lo be’n be osu’n, maan e kunndɛ kɛ é fá fluwa ?Ngue like yɛ Biblu’n kle i sakpasakpa ɔ? é mán be naan é bó be Biblu’n nun like klelɛ bo. Be nun wie mun yɛle be nga be trannin E Wla Kpɛnlɛ Cɛn Aɲia’n annzɛ e aɲia uflɛ bo mɔ sanngɛ be baman aɲia’m be bo titi’n. Zuɛn nun’n: ?Ngue like yɛ Biblu’n kle i sakpasakpa ɔ? Sɛ fluwa’n o sran nga jasin bofuɛ’m be to i’n, i sa nun laa’n, maan be fa fluwa nga be yili be laa’n mɔ be le bue 192 mɔ i nun nɲa’m b’a yo zouun’n, annzɛ fluwa nga be yili naan afuɛ 1995 w’a ju’n, be mɛn i.

◼ Sɛ asɔnun’m be ɲan Sasafuɛ Tranwlɛ’n nin Réveillez-vous ! maan be ka lɛ be fa man asɔnunfuɛ mun. I liɛ’n, jasin bofuɛ’m bé kwlá kánngan nun kwlaa naan b’a fa man sran mun jasin fɛ’n bowlɛ lika nun.

◼ Afuɛ nga be flɛ i 2010 nga nun’n, Jɔlɛ cɛn’n m’ɔ ti Marsi i le 30 su’n, i nun yɛ é wá yó E Wla Kpɛnlɛ Cɛn’n Aɲia’n niɔn. Jue nga é tó be’n aɲia sɔ’n i bo’n yɛle jue 8 nin 109. Be o jue tolɛ fluwa uflɛuflɛ’n nun. Sɛ amun asɔnun’n le aɲia Jɔlɛ cɛn’n, ɔ nin i fata kɛ amun mian amun ɲin be sie i cɛn uflɛ. Sɛ asɔnun nga be yo be aɲia’n sua kunngba nun’n be sɔnnin naan amun kwlɛmɛn i sɔ’n yo’n, i liɛ’n amun su yoman aɲia’n. Junman dilɛ aɲia m’ɔ ti cɛn sɔ liɛ’n, sɛ i nun ndɛ wie ti amun asɔnun’n i cinnjin’n, an kwla fa sie i cɛn uflɛ Junman dilɛ aɲia’n nun.