Le mɔcuɛ m’ɔ bo i bo Avrili i le 5 i siesielɛ
LE MƆCUƐ M’Ɔ BO I BO AVRILI I LE 5
Jue 2 (26)
□ Asɔnun’n i Biblu’n nun like suanlɛ:
le desɛn 29-34
□ Ɲanmiɛn junman dilɛ suklu:
Biblu’n nun kannganlɛ: 1 Samiɛl 16-18
No. 1: 1 Samiɛl 18:1-16
No. 2: ?Kɛ é fá e ɲin é síe i Nowɛli nun aliɛ’m be su’n, ngue yɛ ɔ fata kɛ e nian ɔn? (rs bue 163 § 4–bue 164 § 1)
No. 3:?Ngue ti yɛ ɔ fata kɛ e yo aklunyefuɛ ɔ? (Rɔm. 12:13)
□ Junman dilɛ aɲia:
Jue 124 (21)
Min 5: Jasin mun.
Min 10: Sɛ sran nga e toli i awlo’n se e kɛ: ‘N lafiman Ɲanmiɛn su.’ Ijɔfuɛ’n nin nzrafuɛ’m be koko ndɛ’n ng’ɔ o fluwa Comment raisonner i bue 111-112 i su yalɛ.
Min 10: Ninnge ng’ɔ fata kɛ asɔnun’n fɛ i ɲin sie su’n.
Min 10: Maan e ko nian be nga Ɲanmiɛn ndɛ lo be mɔ be bali E Wla Kpɛnlɛ Cɛn Aɲia’n i bo’n, be osu. Ijɔlɛ. Sran nga be trannin E Wla Kpɛnlɛ Cɛn Aɲia’n i bo’n, bo be nuan. Kpɔkun kan aɲia’n i su ndɛ fɛ wie mun. Be nga Ɲanmiɛn ndɛ’n lo be mɔ be bali aɲia’n bo’n, wla aniaan’m be kwlaa be fanngan kɛ be ko bo be Biblu’n nun like klelɛ bo.
Jue 79 (13)