Jasin mun

◼ Fluwa nga é fá mán sran mun Marsi nun’n: ?Ngue like yɛ Biblu’n kle i sakpasakpa ɔ? Kpalɛ klikli nga e to sran’n, e kplin e ɲin naan e fa bo i Biblu’n nun like klelɛ bo. Sɛ fluwa’n o i sa nun laa’n, annzɛ sɛ ɔ kplinman su kɛ e kle i Biblu’n nun like’n, e kwla fa periodiki nga be o e sa nun w’a cɛ’n annzɛ fluwa pɛplɛɛplɛ nga ɔ kwla yo i fɛ’n, e mɛn i. Avrili nin Mɛ nun’n: Sasafuɛ Tranwlɛ’n nin Réveillez-vous ! Sran nga ndɛ’n lo i’n, amun fa fluwa nɲa ?Amun kunndɛ kɛ amún sí ndɛ ng’ɔ ti nanwlɛ’n? be kle i naan an bo i Biblu’n nun like klelɛ bo. Kɛ amun ko nian be nga be trannin E wla kpɛnlɛ cɛn aɲia’n annzɛ e aɲia uflɛ bo mɔ sanngɛ be baman aɲia’m be bo titi’n, be osu’n, maan an mian amun ɲin be fa fluwa Biblu’n kle bo be Biblu’n nun like klelɛ bo. Zuɛn nun’n: ?Ngue like yɛ Biblu’n kle i sakpasakpa ɔ? Kpalɛ klikli nga e to sran’n, e kplin e ɲin naan e fa bo i Biblu’n nun like klelɛ bo. Sɛ fluwa’n o i sa nun laa’n, annzɛ sɛ ɔ kplinman su kɛ e kle i Biblu’n nun like’n, e kwla fa periodiki nga be o e sa nun w’a cɛ’n annzɛ fluwa pɛplɛɛplɛ nga ɔ kwla yo i fɛ’n, e mɛn i.

◼ Afuɛ 2010 nun’n, kɛ ɔ fɛ i Zuie lele Sɛptamblu nun’n, Togo lɔ jasin bofuɛ’m be nun 1.407 be ko boli jasin fɛ’n lika nga be nunman asɔnun kun dunman nun’n, be nun. Sɛ e fa be nuan e sunnzun be nga be ɔli afuɛ 2009 nun liɛ’n, sran ko ju 272 yɛ be ukali su. Be nga be trannin nzra nun ijɔlɛ’n nin Sasafuɛ Tranwlɛ’n i nun like suanlɛ aɲia’n be bo lika sɔ’m be nun’n, be kwlaa be ti sran 5.666!

◼ Togo lɔ ekun’n, aniaan kasiɛn nga be dili suklu nga be flɛ i École biblique pour les frères célibataires, be fali be diplɔmu’n mannin be afuɛ sin Ɔktɔblu i le 24 su. Siɛn’n, Gana lɔ yɛ suklu sɔ’n wo ɔ. Togo lɔ’n, be yoli suklu’n i kpɛ 18. Aniaan nga be dili suklu sɔ’n lɔ’n, be yoli sran 387 yɛ be fin nvle 10. Suklu’n dili afuɛ 14 Togo lɔ.