Periodiki’m be fa manlɛ

Sasafuɛ Tranwlɛ’n Marsi 1

“?Ngue yɛ ɔ kwla uka e naan y’a si Ɲanmiɛn kpa y’a tra laa ɔ? [Maan sran’n tɛ kosan’n su.] N kunndɛ kɛ ń kánngan ndɛ fɛ kpa kun ń klé wɔ.” Tike fluwa’n i bue 22 su, kpɛkun kanngan kosan i nɲɔn su ɔ nin ndɛ kpɔlɛ nɲɔn nga be su i su’n. Kanngan Biblu’n nun ndɛ mma nga be klɛli be lɛ’n wie. I sin’n, kanngan kosan nun ekun kpɛkun se sran’n kɛ ɔ tɛ su. Fa fluwa’n mɛn i yɛ cɛn nga amún kókó kosan nga onga’m be su yalɛ’n, maan amun nuan sɛ su.

Réveillez-vous ! Mars

Sɛ gbanflɛn annzɛ talua yɛ a to i’n, tike fluwa’n i bue 26 su. Kpɛkun fa ndɛ cɛ klikli’n kle i yɛ usɛ i kɛ: “?Ndɛ ngalɛ’n, ɔ ti su annzɛ ɔ timan su? ?A bu i sɛ? [Maan sran’n tɛ kosan’n su. I sin’n, kanngan 2 Korɛntfuɛ Mun 7:1 nun.] Siklɛti nɔnlɛ’n i su ndɛ wie o lɛ’n, ɔ fata kɛ a wun i wlɛ. Ndɛ sɔ’m be o akpasua nga nun. Kusu’n, be nga be nɔn wie’n, like nga be kwla yo naan b’a yaci i nɔnlɛ’n, ɔ kɛn i ndɛ wie.”

Sasafuɛ Tranwlɛ’n Marsi 1

“?Kɛ a niɛn i sa’n, aja’n nun tranlɛ’n ti like pɔpɔ? [Maan sran tɛ kosan’n su. I sin’n se i kɛ:] Ɲanmiɛn maan akoto Pɔlu kannin be nga b’a ja’n, be tranlɛ’n i ndɛ. [Kanngan 1 Korɛntfuɛ Mun 7:28 nun.] Sɛ ndɛ tɔ sran kun nin i yi be afiɛn’n, wafa nga be kwla siesie naan be tranlɛ’n w’a yo fɛ naan kusu be aja’n w’a taka kpa’n, ndɛ akpasua nga yiyi nun.” Fa ndɛ akpasua ng’ɔ bo i bo fluwa’n i bue 4 su kle i.

Réveillez-vous ! Mars

“Le nɲɔn nun’n, tukpaciɛ su kle sran’m be nun kpa. I sɔ’n ti’n, e waan é kánngan Biblu’n nun ndɛ nga klé be naan b’a ɲan fanngan kan. [Kanngan Ezai 33:24 nun.] ?Kɛ ndɛ sɔ’n wá kpɛ́n su’n, wafa sɛ yɛ nguan nun tranlɛ wá yó fɛ ɔ? [Maan sran’n tɛ kosan’n su.] Lele nin kɛ Ɲanmiɛn yó i sɔ’n, e tinuntinun e kwla fa ajalɛ wie mun naan e wun w’a kpinndin e. I sɔ yɛ be kɛn i ndɛ fluwa nga nun ɔn.”