Jasin mun

◼ Fluwa nga é fá mán sran mun Fevrie nun’n: Amun fa fluwa Wafa nga awlobo tranlɛ’n kwla yo fɛ’n ɔ nin Biblu’n nun ndɛ’m be kpɔlɛ bolɛ fluwa’n be man. Marsi nun’n: ?Ngue like yɛ Biblu’n kle i sakpasakpa ɔ? Avrili nin Mɛ nun’n: Sasafuɛ Tranwlɛ’n nin Réveillez-vous ! Zuɛn nun’n: ?Ngue like yɛ Biblu’n kle i sakpasakpa ɔ?

◼ Kɛ E wla kpɛnlɛ cɛn’n ko sin’n, i Fue’n annzɛ Mɔnnɛn’n, é wá tíe nzra nun ijɔlɛ ngunmin kun. I flɛlɛ’n yɛle “?Amun bu i kɛ mɛn’n i awieliɛ’n w’a mantan koko sakpa?”

◼ Nja, sɛ amun waan amún kɔ́ nvle wie nun lɔ niannianlɛ naan b’a boman nvle sɔ’n i dunman’n mɛn wunmuan’n i rapɔru’n nun’n, annzɛ i Betɛli adrɛsi nunman adrɛsi nga be o afuɛ’n Annuaire nun’n, amun wɔ e Betɛli lɔ naan b’a kle amun ajalɛ m’ɔ ti mɔ an fa su’n. Afin atrɛkpa’n, b’a tannin Ɲanmiɛn Sielɛ’n i junman dilɛ nvle sɔ’n nun. (Mat. 10:16) Nvle wie’m be nun’n, sɛ be wun i kɛ a su kunndɛ Zoova i Lalofuɛ mun annzɛ be asɔnun sua’n, aniaan nga be o lɔ’n be kwla ɲan ndɛ. Kɛ amun ko ju lɔ’n, sɛ amun kwla bo jasin fɛ’n nga sɛ be ɲɛn i wun atin’n be bo’n, sɛ amun kwlá boman o, annzɛ sɛ amun kwla fa Biblu’n i akua be kɔ lɔ’n, sɛ amun kwlá fa kɔman o, Betɛli wá klé amun like nga ɔ fata kɛ amun yo’n. I kwlaa nga Betɛli’n kán klé amun’n, sɛ amun nian su’n, ɔ ti kpa. I liɛ’n, amun su kpɛman ndɛ manman amun wun annzɛ amun su yoman naan Ɲanmiɛn Sielɛ’n i jasin bolɛ’n w’a yo kekle nvle sɔ’n nun ekun.​—1 Kor. 14:33, 40.