Le mɔcuɛ m’ɔ bo i bo Marsi i le 5 i siesielɛ
LE MƆCUƐ M’Ɔ BO I BO MARSI I LE 5
Jue 103 yɛ srɛlɛ
□ Asɔnun’n i Biblu’n nun like suanlɛ:
fy ndɛ tre 10 § 5-9 (Min. 25)
□ Ɲanmiɛn junman dilɛ suklu:
Biblu’n nun kannganlɛ: Zeremi 1—4 (Min. 10)
No. 1: Zeremi 3:14-25 (Nán maan ɔ tra miniti 4)
No. 2: Sa nga ti yɛ Zoova i dunman’n m’ɔ o e su’n, ɔ ti e cenjele like’n—Eza. 43:12 (Min. 5)
No. 3: ?Be wun yralɛ’n nin i sin bla annzɛ bian uflɛ jalɛ’n, be su ndɛ benin yɛ Biblu’n kan ɔn?—rs-F bue 227 § 2—bue 228 § 2 (Min. 5)
□ Junman dilɛ aɲia:
Min 5: Jasin mun.
Min 10: Fluwa Maan e nian Ɲanmiɛn Ndɛ’n nun cɛn kwlaa, afuɛ 2012 liɛ’n i nun nianlɛ’n, ɔ yo e ye. I klikli nun’n, bo fluwa’n i su fitilɛ ndɛ’n su kan. I sin’n, blɛ nga i nun yɛ aniaan’m be nian fluwa’n nun’n ɔ nin i su ye nga be ɲɛn i’n, maan be kɛn i ndɛ. Yɛ kasiɛn su’n, Biblu’n nun ndɛ mma nga é fá e ɲin síe su afuɛ 2012 nun’n, maan amun koko su yalɛ.
Min 10: Ninnge ng’ɔ fata kɛ asɔnun’n fɛ i ɲin sie su’n.
Min 10: Wafa nga Marsi nun’n, e kwla fa periodiki mun e man’n. Ijɔlɛ nin nzrafuɛ’m be kosan usalɛ. Fa miniti kun annzɛ nɲɔn bo fluwa’m be nun ndɛ nga amun lika nun lɔ’n, ɔ kwla yo sran’m be fɛ’n be su. I sin’n, ndɛ akpasuaakpasua nga be yiyi ndɛ ng’ɔ klɛ Sasafuɛ Tranwlɛ’n su’n be nun’n, fa ɔ ɲin sie be su. Kpɛkun usa nzrafuɛ mun naan fluwa’n i fa manlɛ nun’n, be kle kosan kpa nga be kwla usa’n, ɔ nin Biblu’n nun ndɛ mma nga be kwla kanngan nun’n. Fa Réveillez-vous ! naan yo i kunngba’n. Sɛ a le i wun blɛ’n, fa ndɛ akpasua uflɛ Sasafuɛ Tranwlɛ’n annzɛ Réveillez-vous ! nun naan yo i kunngba’n. Wafa nga be kwla fa periodiki’m be man’n, maan be yi i nglo kunngunngun. Sɛ amun nin a ɲanman Marsi fluwa liɛ mun’n, amun yi fluwa nga be o lɛ’n, be fa manlɛ’n i nglo kunngunngun.
Jue 75 yɛ srɛlɛ