Ɲanmiɛn junman dilɛ suklu’n, i nun flanlɛ

Ɲanmiɛn junman dilɛ suklu’n, i nun flanlɛ’n i su kosan mun. Le mɔcuɛ ng’ɔ bo i bo afuɛ 2012 nun, Desamblu i le 31 su’n, bé fá kosan nga be lɔngɔ su yɛ’n bé dí junman. Kɛ ɔ ko yo naan aniaan’m b’a kwla siesie be wun le mɔcuɛ kwlaa nun’n, be klɛli cɛn nga be kokoli ndɛ’n i su yalɛ’n.

1. ?Wafa sɛ yɛ Ɲanmiɛn nuan ndɛ m’ɔ o Zoɛl 2:1-10 ɔ nin 3:1 nun’n, m’ɔ kan kɛ kakaa fafa’m bé bó’n, ɔ kpɛnnin su ɔ? [Nov. 5, w07 1/11 bue 5 § 2]

2. ?Ngue yɛ ‘waka mma blowa gbogbo’n’ ti i nzɔliɛ ɔ? (Amɔ. 8:1, 2) [Nov. 12, w07 1/11 bue 6 § 5]

3. ?Ngue ti yɛ Edɔmufuɛ’m be wa yoli wun tufuɛ dan ɔn? ?I sɔ’n ti’n, ngue yɛ ɔ fataman kɛ e wla fi su le ɔ? (Abd. 3, 4) [Nov. 19, w07 1/11 bue 9 § 1]

4. ?Kɛ Zoova seli kɛ ɔ́ núnnún Ninivufuɛ mun’n, wafa sɛ ɔ kacili aniɛn ɔn? (Zon. 3:​8, 10) [Nov. 19, w07 1/11 bue 10 § 3]

5. ?Kɛ be se kɛ like nga e ko yo naan ɔ ko jɔ Zoova i klun titi’n yɛ é yó’n, i bo’n yɛle benin? (Mis. 4:5) [Nov. 26, w03 1/9 bue 13 § 19]

6. ?Wafa sɛ yɛ Ninivufuɛ’m be ti kɛ tekle bla sa ɔ? (Naɔ. 3:4) [Des. 3, w07 1/12 bue 9 § 4]

7. ?Ndɛ nga ɔ o Aze 1:6 nun’n i bo’n yɛle benin? ?Yɛ afɔtuɛ benin yɛ i sɔ’n man e ɔ? [Des. 10, w06 1/5 bue 10 § 12-​15]

8. ?Ngue ti yɛ be flɛli Zerizalɛmu kɛ “Nanwlɛ klɔ” ɔ? (Zkr. 8:3) [Des. 17, w07 1/12 bue 18 § 4]

9. ?Ngue ti yɛ Zakari 4:6, 7 kwla cici Zoova i sufuɛ’m be wla andɛ ɔ? [Des. 17, w07 1/12 bue 19 § 1]

10. ?Kɛ nga Malasi 3:16 kannin’n sa’n, nda nga e tɛli i kɛ é sú Ɲanmiɛn naan é nánti seiin titi’n, ngue ti yɛ ɔ fataman kɛ e ɲin kpa su ɔ? [Des. 31, br107 1/12 bue 31 § 3]