Marsi i le 22 su’n, é bó sran’m be yialɛ E wla kpɛnlɛ cɛn aɲia’n i bo

Afuɛ’n, Fue cɛn m’ɔ ti Marsi i le 22 su’n, é bó sran’m be yialɛ bo kɛ be wa tran E wla kpɛnlɛ cɛn aɲia’n i bo. Maan e kwlaa e mian e ɲin naan e fa e wun wlɛ i junman sɔ’n nun wie. Sɛ ɔ nin i fata’n, é fá periodiki mun é mán sran mun Fue cɛn. Avrili i Fue cɛn klikli’n nun’n, e su boman sran’m be Biblu’n nun like klelɛ bo kɛ nga e fa yo i titi’n sa. É fá cɛn sɔ’n é yía sran mun. Sanngɛ sɛ e to sran wie naan Ɲanmiɛn ndɛ’n yo i fɛ’n, e nin i e kwla bo Biblu’n nun like suanlɛ bo. Sɛ ɔ nin i fata kɛ e wɔ kan e kwla to sran kpanngban lɛ’n, maan junman sunianfuɛ’n fɛ i wun ajalɛ. I liɛ’n, é kwlá yía sran kpanngban kpa. Asa ekun’n, e kwla yia e osufuɛ mun nin e wiengu junman difuɛ mun, nin e wiengu suklu ba mun, ɔ nin be nga e nian be osu titi’n, ɔ nin be kwlaa nga e si be’n. I sɔ’n ti’n, maan e klɛ i sɔfuɛ’m be dunman dɔ nga su naan kɛ sran’m be yialɛ’n bo i bo’n, e fa be yialɛ fluwa liɛ’n e ko man be. E ti kpɔlɛ tɛ’n yi Zoova nin Zezi be sran klolɛ’n i nglo. Ɔ maan e lafi su kɛ sran kpanngban bé wá trán aɲia sɔ’n i bo wie.​—Zan 3:16; 15:13.