Ajalɛ nga e kwla fa’n

Wafa nga e kwla yia sran mun E wla kpɛnlɛ cɛn aɲia’n i bo’n

“E bali kɛ é fá fluwa nga é yía wɔ aɲia cinnjin kpa kun i bo. Bé yó aɲia sɔ’n Avrili i le 14 su mɛn wunmuan’n nun. Cɛn sɔ’n nun yɛ Zezi wuli ɔ. Aɲia’n i bo’n, bé fá Biblu’n bé kán wafa nga Zezi i wie’n yo e ye’n, i ndɛ. E akpasua’n nun wa’n, dɔ nga i su yɛ é yó aɲia’n ɔ nin lika nga é yó’n, be o fluwa nga su. Be tuaman sika aɲia’n i bo.”

Sasafuɛ Tranwlɛ’n Avrili 1

“E kunndɛ kɛ e nin wɔ é kókó like kun mɔ sran sunman be tɛ i yo’n i su yalɛ kan. E wun kɛ sran sunman srɛ Ɲanmiɛn. ?A bu i kɛ Ɲanmiɛn tie be srɛlɛ sɔ mun? ?Annzɛ a bu i kɛ, kɛ e fa sa nga be o e su’n e wlɛ i srɛlɛ nun’n, e wla gua ase ngbɛn? [Maan sran’n tɛ kosan’n su.] Nian ndɛ nga Biblu’n kɛn i Ɲanmiɛn srɛlɛ’n su’n. [Kanngan 1 Zan 5:14 nun.] Wafa nga Ɲanmiɛn srɛlɛ’n kwla yo e ye’n, fluwa nga yiyi nun.”

Réveillez-vous ! Avril

“E su wla sran’m be fanngan naan b’a kwla wun be su afɛ’n i trawlɛ. Afin kɛ sran wie’m be wunman sa nga be tɔ be su’m be trawlɛ’n, be kunndɛ kɛ bé kún be wun. ?Sɛ sran kun i wla bo i wun’n, wulɛ yɛ ɔ́ kúnndɛ, annzɛ ɔ́ kúnndɛ kɛ be fɔnvɔ i? [Maan sran’n tɛ kosan’n su.] Biblu’n nun ndɛ nga ukali sran kpanngban maan be buli akunndan kpa. [Kanngan Sa Nglo Yilɛ 21:3, 4 nun.] Kannzɛ sa yalɛ o e su’n, ɔ fataman kɛ e kun e wun. Fluwa nga kan like nsan ti m’ɔ fataman kɛ e kun e wun’n i ndɛ.”