Ajalɛ nga e kwla fa’n

E bo Biblu’n nun like klelɛ bo Marsi i Fue cɛn klikli’n nun

“E bali aɲia kun mɔ é wá yó i Avrili i le 14 su’n i jɔ bolɛ. Zezi i wie cɛn’n tɔ́ Avrili i le 14 su. Cɛn sɔ’n i cinnjin m’ɔ ti’n ti’n, sran wie’m bé yó i ti aɲia. Sanngɛ be wie’m be bu i kɛ Zezi i wie’n timan cinnjin. ?A bu i kɛ Zezi i wie’n kwla yo e ye?” Maan sran’n tɛ kosan’n su. Fa ndɛ ng’ɔ o Marsi i le 1 Sasafuɛ Tranwlɛ’n i sin bui’n su’n kle sran’n, naan amun koko ndɛ ng’ɔ o kosan klikli’n i bo lɛ’n su yalɛ. Biblu’n nun ndɛ mma nga be klɛ lɛ’n, an kanngan be wie mun annzɛ kun nun. I sin’n, fa fluwa’n man sran’n, kpɛkun cɛn nga amún kókó kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Marsi 1

“Sran kpanngban be usa be wun kɛ ngue ti yɛ Ɲanmiɛn yoman naan sran lufle bulɛ nin afɛ’n b’a wie mɛn’n nun ɔn. ?A bu i kɛ e ndɛ loman Ɲanmiɛn ti ɔ? ?Annzɛ a bu i kɛ ɔ kunndɛ kɛ e fɛ ti ɔ? [Maan sran’n tɛ kosan’n su. I sin’n, kanngan Zan 3:16 nun.] Sran wie’m be jran Biblu’n nun ndɛ mma ngalɛ’n su be kle kɛ e ndɛ lo Ɲanmiɛn. Sanngɛ wafa nga Ɲanmiɛn i wa’n i wie’n kwla yo be ye’n, be wunmɛn i wlɛ. Wafa nga Zezi i wie’n yó maan sran lufle bulɛ nin afɛ’n bé wíe asiɛ’n su’n, fluwa nga yiyi nun.”

Réveillez-vous ! Mars

“Biblu’n nun ndɛ mma kun o lɛ’n, i wlɛ wunlɛ ti kekle man sran kpanngban. Ndɛ mma sɔ’n yɛ. [Kanngan Bo Bolɛ 1:1 nun.] Sran wie’m be bu i kɛ Ɲanmiɛn yɛ ɔ yili like kwlaa ɔ. Sanngɛ sran wie’m be bumɛn i sɔ. ?Yɛ ɔ li? ?A bu i sɛ? [Maan sran’n tɛ kosan’n su.] Ɲanmiɛn sulɛ wafa ng’ɔ timan su’n be su kpɛnngbɛn’m be kpɛli Biblu’n nun ndɛ’n i wun. Ɔ maan kɛ sran kpanngban ti i kɛ Ɲanmiɛn yɛ ɔ yili like kwlaa’n, i sɔ’n yo be kɛnsrɛn. Wafa nga Biblu’n yiyi mɛn’n i bo bolɛ’n nun sɛsɛsɛ’n, fluwa nga kɛn i ndɛ.”