Le mɔcuɛ m’ɔ bo i bo Desamblu i le 8 i siesielɛ

Jue 6 yɛ srɛlɛ

Asɔnun’n i Biblu’n nun like suanlɛ:

cl ndɛ tre 17 § 1-8 (Min. 30)

Ɲanmiɛn junman dilɛ suklu:

Biblu’n nun kannganlɛ: Zozie 1–5 (Min. 10)

No. 1: Zozie 1:1-18 (Nán maan ɔ tra miniti 4)

No. 2: Kɛ be boboli Zezi waka’n su’n, ɔ ti i ɲin ase gualɛ​—td 39A (Min. 5)

No. 3: Duwlɛ’n, amuɛn flɔlɔ’n, bae dilɛ’n be su nanwlɛ’n​—ol like suanlɛ 5 § 1-7 (Min. 5)

Junman dilɛ aɲia:

Anglo nga nun ndɛ’n yɛ: Maan e yi “like kpa” e ninnge kpakpa mɔ Ɲanmiɛn mannin e’n be nun.​—Mat. 12:35a.

Jue 94

Min 10: “Like kpa” nga Ɲanmiɛn mannin e anglo nga nun’n. Ijɔlɛ. Ɔ taka anglo nga nun ndɛ’n su. (Mat. 12:35a) Sran ng’ɔ kleli e Biblu’n nun like’n, sɛ é kwlá sé’n, ɔ mannin e ninnge kpakpa wie mun. (Nian afuɛ 2002, Avrili 1 Sasafuɛ Tranwlɛ’n i bue 16 § 5-7 nun.) E kusu’n, ɔ fata kɛ “like kpakpa” nga Ɲanmiɛn mannin e’n, e fa man sran uflɛ wie. (Gal. 6:6) “Like kpakpa” nga anglo nga nun Junman dilɛ aɲia ti’n é ɲɛ́n i’n, yiyi nun. I wie yɛle kɛ é wún like nga é yó naan y’a kwla si like kle kpa’n, kpɛkun é súan jue uflɛuflɛ wie mun.

Min 20: “Maan e bo jasin fɛ’n i kpa tra laa: Maan e fa fluwa Biblu’n kle e fa kle sran’m be Biblu’n nun like trele.” Ijɔlɛ nin nzrafuɛ’m be kosan usalɛ. Ninnge’m be nglo yilɛ: Jasin bofuɛ kun mɔ i nuan w’a tɔ jasin fɛ’n i bolɛ’n nun kpa’n, annzɛ atin bofuɛ kun su kle wafa nga e fa fluwa Biblu’n kle e kle sran’m be Biblu’n nun like’n.

Jue 96 yɛ srɛlɛ