Sran ng’ɔ di sa ng’ɔ yoli’n i nanwlɛ’n, Zoova yimɛn i ase

Davidi yɛ ɔ kpɛli Jue Mun 51 niɔn. Kɛ ɔ nin Bat-Seba be sili sua mɔ Ɲanmiɛn nuan ijɔfuɛ Natan fɛli i ɲin sieli sa tɛ dan sɔ’n su’n yɛ ɔ kpɛli jue sɔ’n niɔn. Davidi i akunndan’n buli i fɔ yɛ ɔ kɛnnin i wun ase dili i sa tɛ’n i nanwlɛ.—2Sa 12:1-14.

Davidi yoli sa tɛ sanngɛ ɔ nin Zoova be afiɛn kwla sɛ ekun

51:5, 6, 10-14, 19

• Kwlaa naan w’a kaci i sa naan w’a di i sa tɛ’n i nanwlɛ’n, i akunndan’n buli i fɔ dan.

• I nun nga Ɲanmiɛn klun jɔmɛn i wun’n, i wun kpɛjɛmɛn i, yɛ ɔ ti kɛ Ɲanmiɛn w’a kle i nun sa.

• Ɔ kloli kpa kɛ Ɲanmiɛn yaci i sa tɛ’n cɛ i. Yɛ ɔ kunndɛli kɛ ɔ nin i be afiɛn sɛ ekun. Kpɛkun ɔ kloli kɛ ɔ́ dí aklunjuɛ kɛ laa’n sa.

• Ɔ kɛnnin i wun ase srɛli Zoova kpa kɛ ɔ ukɛ i naan ɔ fɛ i ndɛ’m be su ndɛndɛ.

• Ɔ lafili su kɛ Zoova yáci i sa tɛ’n cɛ i.