LIKE NGA KLISTFUƐ’M BE YO’N
Maan e bo jasin fɛ’n i kpa tra laa—Maan e si JW.ORG i su like kunndɛ
?NGUE TI YƐ Ɔ TI CINNJIN-ƆN? Ninnge nga e fa kle sran’m be like titi’n, be kwlaa be kan jw.org i ndɛ. Be yili e fluwa kpe kan ng’ɔ kan e ɛntɛnɛti adrɛsi i ndɛ’n, nin fluwa nɲa ?Nin yɛ é wún kosan cinnjin’m be su tɛlɛ’n niɔn? naan e fa uka sran mun naan be wɔ e ɛntɛnɛti adrɛsi’n su. E kwla kɔ jw.org su naan y’a klɛ sran kun i fluwa naan y’a fa e fluwa nga e fa kle sran’m be like titi’n, be nun kun y’a mɛn i. Annzɛ e fa fluwa’n i ɛntɛnɛti adrɛsi’n, e mɛn i. Kɛ é bó jasin fɛ’n é klé sran kun m’ɔ kan aniɛn uflɛ’n i sɔ yolɛ’n kwla ti e wun ɲanman nun kpa. Asa kusu’n, sran’m be kwla usa e kosan wie mɔ be su tɛlɛ’n nunman ninnge nga e fa kle sran’m be Biblu’n nun like titi’n, be nun-ɔn. Blɛ sɔ nun’n, sɛ e kwla kunndɛ like e ɛntɛnɛti adrɛsi’n su’n, i sɔ’n yó maan é bó jasin fɛ’n i kpa.
?WAFA SƐ YƐ É YÓ I SƆ-Ɔ?
Fa ndɛ akpasua “LA BIBLE ET VOUS” di junman. Wienun-ɔn, a su bo jasin kle siɛ kun annzɛ niɛn kun yɛ ɔ klo kɛ ɔ́ sí like ng’ɔ fata kɛ ɔ yo naan w’a tɛ i mma’m be kpa’n. I lɛ nun’n, nian LA BIBLE ET VOUS > COUPLES & FAMILLE nun.
Fa ndɛ akpasua “FLUWA MUN” di junman. Wienun-ɔn, a su bo jasin fɛ nga asɔnun w’a siesieman’n suklu lɔ. Yɛ a klo kɛ á fá fluwa pɛplɛpɛ Kosan 10 mɔ gbanflɛn nin talua’m be usa’n be su tɛlɛ mán ɔ janvuɛ kun. I lɛ nun’n, nian FLUWA MUN > FLUWA NIN FLUWA PƐPLƐƐPLƐ MUN nun.
Fa ndɛ akpasua “QUI SOMMES-NOUS ?” di junman. Wienun-ɔn, a su bo jasin fɛ’n kle sran kun mɔ a nin i di junman’n. Kpɛkun ɔ klo kɛ ɔ́ kánngan ndɛ nga e lafi be su’n, be su ndɛ kpe kan. I lɛ nun’n, nian QUI SOMMES-NOUS ? > QUESTIONS FREQUENTES nun.
AN NIAN VIDEO’N MAAN E SI JW.ORG I SU LIKE KUNNDƐ. I SIN’N, KLƐ E ƐNTƐNƐTI LIKA’N I BUE NGA Á KÚNNDƐ LIKE LƆ FÁ ÚKA...
sran ng’ɔ lafiman su kɛ Ɲanmiɛn o lɛ’n
sran kun m’ɔ sa kekle kpa kun w’a tɔ i su’n
aniaan bian annzɛ aniaan bla kun mɔ w’a yaci jasin fɛ’n i bolɛ’n
sran kun mɔ w’a ɔ i osu nianlɛ, kpɛkun ɔ klo kɛ ɔ́ sí wafa nga e ɲan sika e fa suan e junman’n i bo’n
nvle uflɛ nunfuɛ m’ɔ klo kɛ ɔ́ trán e aɲia’m be bo i nvle’n nun lɔ’n