Afɔtuɛ wie’m be o JW.ORG su mɔ be uka e aliɛ ba kwlaa nun-ɔn

Mɛn’n i awieliɛ blɛ nga nun’n Ɲanmiɛn Ndɛ’n uka e naan y’a jran e su sa’m be ɲrun kekle. (2Ti 3:1, 16, 17) Sanngɛ ɔ ju wie’n sa wie’m be nun’n ɔ fata kɛ be uka e naan y’a wun Biblu’n nun mmla ng’ɔ fata kɛ e nian su e nanti’n. Atrɛkpa’n, a le ba yɛ a su kunndɛ afɔtuɛ naan w’a kwla ta ɔ mma’m be kpa. Annzɛ atrɛkpa’n, a ti gbanflɛn annzɛ talua yɛ ninnge wie’m be ti’n Ɲanmiɛn su lafilɛ’n ti kekle man wɔ. Annzɛ kusu atrɛkpa’n ɔ wun annzɛ ɔ yi wuli yɛ i sɔ’n ti’n ɔ wla bo ɔ wun. Sɛ a kɔ jw.org su’n á wún ndɛ wie mɔ bé fá ɔ ɲin síe i Biblu’n nun mmla trele wie mɔ be kwla uka ɔ sa sɔ’m be nun annzɛ sa uflɛ nun’n be su.—Nya 2:3-6.

Kɔ jw.org su yɛ tin i bue nga be flɛ i kɛ LIKE NGA BIBLU’N KLE’N su. (Nian desɛn 1.) Nian ndɛ nga be fite ja ngua lɛ’n yɛ tin nga a klo’n su. Annzɛ tin i bue nga be flɛ i kɛ NINNGE NGA E YILI BE’N su. I sin’n tin kan be klɛli lɛ kɛ NDƐ AKPASUA MUN su yɛ tin ndɛ nga a klo’n su. (Nian desɛn 2 su’n.) A kwla wun ndɛ akpasua sɔ mun JW Library^®a su. Maan ɔ yo jw.org su-o annzɛ JW Library^®.su-o, sɛ a kanngan ndɛ sɔ’m be nun’n á ɲán su ye. Like kun ekun mɔ a kwla yo’n yɛle kɛ a kwla kunndɛ like nga a klo’n jw.org i lika nga be klɛ ndɛ lɛ be kunndɛ like’n nun.

Klɛ ndɛ nga be o yɛ’n i bue nga be flɛ i kɛ kunndɛ nun. I sin’n, niannian ndɛ nga be fite’n be nun yɛ ndɛ nga a kunndɛ kɛ á kánngan be nun’n klɛ be sie.

• Ba talɛ

• Gbanflɛn nin talua’m be ukalɛ

• Kɛ e awlɛn su sran wu’n