Be wiengu klolɛ’n ti Klistfuɛ kpa’m be nzɔliɛ: Maan ndɛ ng’ɔ ti nanwlɛ’n yɛ ɔ yo e fɛ-ɔ

?NGUE TI YƐ Ɔ TI CINNJIN-ƆN? Kɛ Zezi sa’n, ɔ fata kɛ e yo maan sran’m be si Ɲanmiɛn i klun sa’n i su ndɛ nanwlɛ’n. (Zn 18:37) Asa kusu’n, kannzɛ bɔbɔ e wo mɛn kun mɔ i nunfuɛ’m be klo ato bualɛ nin sa tɛtɛ yolɛ’n, ɔ fata kɛ ndɛ ng’ɔ ti nanwlɛ’n yɛ ɔ yo e fɛ-ɔ. Kpɛkun, ɔ fata kɛ e di nanwlɛ, yɛ e akunndan’n tran ndɛ kwlaa ng’ɔ ti nanwlɛ’n su.​—1Ko 13:6; Fil 4:8.

?WAFA SƐ YƐ É YÓ I SƆ-Ɔ?

• Maan e fua kpa kɛ e su faman e su sieman be nga be saci sran dunman’n be nuan bo, yɛ e su kanman be ndɛ’n wie e sinman.​—1Tɛ 4:​11

• Sɛ sa wie tɔ sran kun su’n, nán i sɔ’n yo e fɛ.

• Ninnge nga be ti kpa’n mɔ be wla sran fanngan’n, be yɛ ɔ fata kɛ e di be ti aklunjuɛ-ɔ.

AN NIAN VIDEO “AN KLO AMUN WIENGU”: NÁN SA TƐ’N YO E FƐ, MAAN NDƐ NG’Ɔ TI NANWLƐ’N YƐ Ɔ YO E FƐ-Ɔ. I SIN’N, AN TƐ KOSAN NGA’M BE SU:

• ?Wafa sɛ yɛ Zizɛli kleli kɛ “sa tɛ’n yo i fɛ-ɔ”?

• ?Kɛ Alisi nin Zizɛli bé kókó yalɛ’n, wafa sɛ yɛ Alisi yoli naan b’a koko like ng’ɔ ti kpa’n i su yalɛ-ɔ?

• ?Ninnge kpakpa benin mun yɛ e kwla koko be su yalɛ-ɔ?