Like nga kokowe’n i su mmla’n kle e’n

13:4, 5, 45, 46, 52, 57

Kokowe’n i su mmla nga Zoova fa mannin Izraɛlifuɛ mun’n, ɔ kle e like ng’ɔ fata kɛ e yo naan e nin Zoova e afiɛn w’a mantan kpa titi’n.

• Kɛ ɔ ko yo naan Ɲanmiɛn ɲrun jranfuɛ’m b’a wun i wlɛ ndɛndɛ kɛ kokowe su yo sran kun’n, Zoova kleli be ninnge wie mun. Andɛ kusu’n, kɛ asɔnun kpɛnngbɛn’m be sie i nzɔliɛ kɛ sran kun su kpɔnzɔ Ɲanmiɛn sulɛ nun’n, ndɛndɛ kpa be ukɛ i naan ɔ nin Zoova be afiɛn mantan kpa.—Zak 5:14, 15

• Izraɛlifuɛ’m be blɛ su’n, sɛ kokowe o sran kun wun’n, be wɔ ninnge ng’ɔ kannin be’n be nun naan i kokowe’n w’a saman sran uflɛ. Klisifuɛ’m be kusu ɔ fata kɛ be kpɔci like kwlaa ng’ɔ kwla fa be yi i sa tɛ’n nun’n. Kannzɛ bɔbɔ like sɔ’n ti be cinnjin’n, sanngɛ ɔ fata be yo sɔ. (Mt 18:8, 9) Ninnge sɔ’m be nun wie yɛle e janvuɛ mun nin ninnge nga e ta be yo’n annzɛ e ɲin su yiyilɛ’n.

?Wafa sɛ yɛ Klisifuɛ kun kwla kle kɛ ɔ kunndɛ kpa kɛ Zoova ukɛ i-ɔ?