ƝANMIƐN NDƐ’N NUN NINNGE KPAKPA WIE MUN

Maan e tu e klun e nanti ndɛ nga Zoova kan’n su

Kalɛbu tuli i klun nantili Zoova i ndɛ’n su. Kɛ ɔ́ yó sɔ’n nn ɔ nin-a yoman kpɛnngbɛn. (Zoz 14:7, 8)

Kannzɛ junman nga Zoova fa mannin Kalɛbu’n ti kekle’n sanngɛ ɔ lafili i su dili junman sɔ’n. (Zoz 14:10-12; w04-F 1/12 12 § 2)

Zoova yrali Kalɛbu su, afin ɔ tuli i klun nantili i ndɛ’n su. (Zoz 14:13, 14; w06 1/10 17 § 11)

Foto mun: Aniaan bla kun w’a yo oke yɛ ɔ kwlá yoman ninnge mun kɛ laa’n sa. 1. Ɔ ti ase yɛ i kpɔnman’n wo i sa nun ɔ su srɛ Ɲanmiɛn. 2. Ɔ nin aniaan bla kun be su fa kakaklolo’n be bo jasin fɛ’n. 3. Ɔ su fɛ i foto mun kle ba kanngan wie m’ɔ nin be wo asɔnun kunngba’n nun’n. 4. I wla’n w’a gua ase, yɛ ɔ su sri.

Kɛ Kalɛbu nantili Zoova i atin liɛ’n su m’ɔ wunnin kɛ ɔ yrɛli i su’n, i sɔ’n yoli maan ɔ wa lafili Zoova su kpa ekun. E kusu kɛ e wun kɛ Zoova tɛ e srɛlɛ’m be su m’ɔ kle e atin ninnge wie’m be nun’n i sɔ’n wla e fanngan naan y’a su i titi. —1Zn 5:14, 15.