NOVANBLU 18-24
JUE MUN 107–108
Jue 7 yɛ srɛlɛ | Aɲia’n i su fitilɛ (Min. 1)
1. “Amun la Zoova i ase, afin ɔ ti kpa”
(Min. 10)
Wafa nga Zoova deli Izraɛlifuɛ mun Babilɔninfuɛ’m be sa nun’n, i wafa kunngba’n yɛ ɔ deli e Satan sa nun-ɔn. (Ju 107:1, 2; Kol 1:13, 14)
Sɛ e si like nga Zoova yo man e’n i su ye’n, i sɔ’n yó maan é mɛ́nmɛ́n i asɔnun’n nun. (Ju 107:31, 32; w07 1/5 8 § 2)
Kɛ e bu ninnge kwlaa nga Zoova yo mannin e’n i su akunndan’n, i sɔ’n yo maan e si ye. (Ju 107:43; w15 1/1 8 § 4)
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
Ju 108:9—?Ngue ti yɛ e kwla se kɛ Moabu ti kɛ Zoova i “wunnzinlɛ kpongbo” sa-ɔ? (it-2-F 303 § 5)
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ju 107:1-28 (th like suanlɛ 5)
4. A nin sran bo yalɛ kokolɛ bo
(Min. 3) JASIN FƐ BOLƐ NGA B’A SIESIEMAN’N. (lmd like suanlɛ 1 ndɛ ja 4)
5. Nian sran osu
(Min. 4) JASIN FƐ BOLƐ NGA B’A SIESIEMAN’N. Yiyi wafa nga e kle sran’m be Biblu’n nun like’n nun kle sran’n yɛ fa fluwa kpe kan ng’ɔ kan Biblu’n nun like suanlɛ ndɛ’n mɛn i. (lmd like suanlɛ 9 ndɛ ja 3)
6. Ijɔlɛ
(Min. 5) ijwyp 90—Ndɛ nga á yíyí nun’n: ?Ń yó sɛ naan m’an faman min ɲin m’an siemɛn i ninnge tɛtɛ’m be ngunmin be su? (th like suanlɛ 14)
Jue 46
7. E to jue fa manman Zoova
(Min. 15) Yalɛ kokolɛ.
Kɛ Zoova deli Izraɛlifuɛ mun Ezipti sonja’m be sa nun jenvie ɔkwlɛ’n i nuan lɛ’n i sɔ’n yoli be fɛ. Ɔ maan be toli jue manmannin Zoova. (Tul 15:1-19) Sanngɛ yasua mun yɛ be boli jue uflɛ sɔ’n i tolɛ bo-ɔ. (Tul 15:21) Zezi nin Klisifuɛ klikli’m be kusu be toli jue manmannin Ɲanmiɛn. (Mat 26:30; Kol 3:16) Andɛ kusu’n, asɔnun aɲia mun, nin akpasua kun aɲia mun, nin nvle kun aɲia’m be bo’n, e to jue e manman Zoova. Kɛ e yo sɔ’n e kle kɛ e si ye. I wie yɛle jue nga e toli i icra’n m’ɔ suan “Zoova, nja kwla” i liɛ’n. Afuɛ 1966 nun yɛ e boli i tolɛ bo-ɔ.
Lika wie’m be nun’n yasua’m be toman jue sran’m be ɲrun afin i sɔ’n kun be ɲannzuɛn. Sran wie’m be liɛ’n be se be wun kɛ be nuan nun yoman fɛ. Sanngɛ nán e wla fi su kɛ jue tolɛ’n wo e Ɲanmiɛn sulɛ nun wie. Zoova i anuannzɛ’n kpɛ jue fɛfɛ mun yɛ ɔ kpa wie mun naan e to be aɲia’m be bo. E liɛ ng’ɔ fata kɛ e yo’n, yɛle kɛ e kwlaa e kan e nɛn’n e bo nun e to jue e manman e Si m’ɔ o ɲanmiɛn su lɔ’n e fa kle kɛ e klo i naan e si ye.
Bo VIDEO nga be flɛ i kɛ E anuannzɛ’n kɔ i ɲrun titi—Ɲanmiɛn manmanlɛ jue’m be ti e cenjele like, bue 2. I sin’n usa nzrafuɛ’m be kɛ:
?Sa benin yɛ ɔ juli afuɛ 1944 nun-ɔn?
?Wafa sɛ yɛ e niaan nga be o Siberi lɔ’n be kleli kɛ be klo Ɲanmiɛn manmanlɛ jue mun-ɔn?
?Ngue ti yɛ jue tolɛ’n ti Zoova i Lalofuɛ’m be cinnjin-ɔn?
8. Asɔnun’n i Biblu’n nun like suanlɛ
(Min. 30) bt ndɛ tre 18 § 6-15