MARSI 3-9

ƝANMIƐN NDƐ’N NUN NINNGE KPAKPA WIE MUN

1. Kle kɛ a lafi Zoova su

(Min. 10)

Lafi Zoova su, nán lafi ɔ wun su. (Ɲan 3:5; ijwbv ndɛ tre 14 § 4-5)

Sɛ a fa ɔ ɲin sie i like nga Zoova kle e’n su naan a nian su nanti’n á klé kɛ a lafi i su. (Ɲan 3:6; ijwbv ndɛ tre 14 § 6-7)

Nán lafi ɔ ngwlɛlɛ’n su dan. (Ɲan 3:7; be-F 76-77 § 4)

Aniaan bla kun su kunndɛ ninnge nga cɛn wie lele’n ɔ́ yó be’n be su like i tablɛti’n su. Fluwa wie mɔ be kan suklu dan dilɛ’n i ndɛ’n be o i sa bɛ su. Yɛ fluwa wie mɔ be kan Betɛli nin junman wie m’ɔ kwla di man Zoova’n be ndɛ’n be o i sa fama su.

USA Ɔ WUN KƐ: ‘?Ninnge kwlaa nga n yo be’n be nun’n n fa atin nga Zoova kle’n su?’

2. Ninnge kpakpa mɔ be o Ɲanmiɛn Ndɛ’n nun’n

(Min. 10)

Ɲan 3:3—Biblu’n se kɛ e fa klun ufue yolɛ’n nin klanman nantilɛ’n e cici e kɔmin yɛ e klɛ be e awlɛn’n su kɛ be fa klɛ like yɔbuɛ su sa. ?Ndɛ sɔ’n i bo’n yɛle benin? (w06 1/11 9 § 6)

Tɛ su wa
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?

Tɛ su wa

3. Biblu’n nun kannganlɛ

(Min. 4) Ɲan 3:1-18 (th like suanlɛ 12)

MIAN Ɔ ƝIN NAAN SI JASIN FƐ’N I BO KPA

4. A nin sran bo yalɛ kokolɛ bo

(Min. 3) AWLOAWLO’M BE NUN. Kɛ amún bó jasin fɛ’n ndɛ nga sran’m be kan fa tanndan amun ɲrun’n, tɛ kun su. (lmd like suanlɛ 1 ndɛ ja 5)

5. A nin sran bo yalɛ kokolɛ bo

(Min. 4) NZRA NUN JASIN FƐ BOLƐ. Kan e ɛntɛnɛti adrɛsi jw.org i ndɛ kle sran’n yɛ fɛ i su fluwa kpe kan’n mɛn i. (lmd like suanlɛ 3 ndɛ ja 3)

6. Ijɔlɛ

(Min. 5) w11 1/3 16 § 7-10—Ndɛ nga á yíyí nun’n: Sɛ jasin fɛ’n i bolɛ nun’n sran’m be sɔman e nun’n maan e kle kɛ e lafi Zoova su. (th like suanlɛ 20)

LIKE NGA KLISIFUƐ’M BE YO’N

7. Maan e kle kɛ e lafi Zoova i Anuannzɛ’n su

(Min. 15) Yalɛ kokolɛ.

Kɛ ndɛ’n fin Biblu’n nun’n i su nantilɛ’n timan kekle dan. Sanngɛ kɛ ndɛ’n fin Zoova i anuannzɛ’n i Ɲrun Dinfuɛ mɔ fɔ o be nun’n, i su nantilɛ’n kwla yo kekle kan. I li sɛ ndɛ nga be kan’n e wunmɛn i wlɛ annzɛ ɔ timan e liɛ su’n yɛ i su nantilɛ’n kwla yo kekle kpa’n niɔn.

An kanngan Malasi 2:7 nun. I sin’n usa nzrafuɛ’m be kɛ:

?Ngue ti yɛ kɛ Zoova sin klɔ sran mɔ fɔ o be nun’n be lika kle i sufuɛ’m be atin’n i sɔ’n boman e nuan-ɔn?

Tɛ su wa

An kanngan Matie 24:45 nun. I sin’n usa nzrafuɛ’m be kɛ:

?Ngue ti yɛ e kwla lafi atin nga Zoova i anuannzɛ’n kle e’n su-ɔ?

Tɛ su wa

An kanngan Ebre Mun 13:17 nun. I sin’n usa nzrafuɛ’m be kɛ:

?Ngue ti yɛ ɔ fata kɛ e nanti atin nga be nga Zoova sieli be kɛ be dun e ɲrun mmua’n be kle e’n su-ɔ?

Tɛ su wa

Aniaan bian kun wa fa ndidiɛ ninnge wie mun w’a blɛ awlobo kun. Be kwlaa b’a wla like b’a kata be bue’n su yɛ be o mmua lɔ be su yo aniaan’n i like.

Aniaan bla kun su tɛ kosan su aɲia kun bo. Aniaan bian kun tra miklo nun naan aniaan bla’n w’a ijɔ. Be kwlaa nga be o aɲia’n i bo lɔ’n b’a wla like b’a kata be bue’n su.

Bo VIDEO Afuɛ 2021 nun Anuannzɛ’n i Ɲrun Dinfuɛ’m be jasin 9 su’n—I bue kan. I sin’n usa nzrafuɛ’m be kɛ:

?Koronavirisi blɛ nun’n wafa sɛ yɛ ajalɛ nga Anuannzɛ’n i Ɲrun Dinfuɛ’m be fali’n ɔ yoli maan a lafili anuannzɛ’n su kpa-ɔ?

Tɛ su wa

8. Asɔnun’n i Biblu’n nun like suanlɛ

(Min. 30) bt ndɛ tre 23 § 9-15, kuku b. 184, 186