?Ɲanmiɛn Kpli wá núnnún sa tɛtɛ yofuɛ mun ekun?

22 Ndɛkɛn sran’m be kusu be ti sa tɛtɛ yofuɛ kpa wie. ?Ngue ninnge tɛtɛ yɛ be yo i wa ɔ?

23 Wie’m be kun be wiengu sran mun. Ɲanmiɛn Kpli tannin e sran kunlɛ.—Lɔ Tulɛ 20:13; 1 Zan 3:11, 12.

24 Wie’m be wua. Ɲanmiɛn Kpli tannin e awie wualɛ.—Lɔ Tulɛ 20:15; Efɛzfuɛ Mun 4:28.

25 Sran wie’m be ja bla kpanngban. Wie’m be kusu be nin bla nɲɔn annzɛ bla kaka’m be tran sua kunngun nun. Sran wie’m be nin bla’m be tran kɛ sran kun nin i yi’n sa’n, sanngɛ b’a jaman be wun. I kwlaa ngalɛ’n, nán kɛ Biblu’n kan sɔ ɔ.—Matie 19:4-6; 1 Korɛntfuɛ Mun 7:1-4; 1 Timote 3:1, 2.

26 ?Ɔ te o amun klun kɛ Ɲanmiɛn Kpli mannin Adam bla kunngba lekeleke’n?—Bo Bolɛ 2:22, 24.

27 Wie’m be sɔ waka sran. Sanngɛ Ɲanmiɛn Kpli tannin e waka sran nin fafuɛ falɛ, i sulɛ’n nun.—Lɔ Tulɛ 20:4, 5; Ezai 44:9-17; 1 Zan 5:21.

28 Zoova wá núnnún sa tɛtɛ yofuɛ nga be wan be kaciman be ayeliɛ’n.—Jue Mun 37:9, 10; Lik 13:5; 1 Korɛntfuɛ Mun 6:9, 10.