Ɲanmiɛn i janvuɛ’m be kanman like tɛ

Satan wlawla sran mun naan be yo ninnge tɛtɛ mun. Sran ng’ɔ kunndɛ kɛ ɔ́ yó Ɲanmiɛn i janvuɛ’n, maan ɔ kpɔ like nga Zoova kpɔ i’n. (Jue Mun 97:10) Ninnge nga Ɲanmiɛn i janvuɛ’m be yoman’n, be wie yɛ:

Bian nin bla kunndɛlɛ sukusuku. “Nán kunndɛ bla ɔ yi bo, annzɛ bian ɔ wun bo.” (Ezipt Lɔ Tulɛ 20:14) Bla nin bian mɔ b’a jaman mɔ be si sua’n, ɔ ti tɛ wie.—1 Korɛntfuɛ Mun 6:18.

Nzanboɛ. “Nzanboɛfuɛ mun [...] Ɲanmiɛn su sieman be mlɔnmlɔn.”—1 Korɛntfuɛ Mun 6:10.

Sran kunlɛ, kuɛ tulɛ. “Nán kun sran.”—Ezipt Lɔ Tulɛ 20:13.

Awie wualɛ. “Nán wua.”—Ezipt Lɔ Tulɛ 20:15.

Ato bualɛ. Zoova i ɲin ci “gblɛ.”—Nyanndra Mun 6:17.

Nzaje sa yolɛ nin ya tɛtɛ falɛ. “Klunwifuɛ’n, ɔ nin sran ng’ɔ fa sa tɛ yolɛ’n cici i ti’n, [Zoova] kpɔ i sɔfuɛ mun.” (Jue Mun 11:5). ‘Klɔ sran i nzuɛn’n [yɛle kɛ] ɔ fa ya.’—Galasifuɛ Mun 5:19, 20.

Sika nun mma tolɛ. “Sran nga i nyin yi-man like’n [...] nán amun nin i san nun.”—1 Korɛntfuɛ Mun 5:11.

Be nga be kan aniɛn uflɛ nin be nga be fin nvle uflɛ nun’n, be kpɔlɛ. ‘An klo amun kpɔfuɛ mun, [...] yɛ be nga be [...] kle amun yalɛ’n an srɛ Ɲanmiɛn kɛ ɔ yo be kpa.’ —Matie 5:43, 44.

Ndɛ nga Ɲanmiɛn kan kle e’n ti e kpa yolɛ liɛ. Sa tɛtɛ yolɛ i ase wlalɛ’n timan like pɔpɔ. Zoova nin i Lalofuɛ’m be fanngan nun, amun kwla wla ninnge nga Ɲanmiɛn klomɛn i’n, be ase.—Ezai 48:17; Filipfuɛ Mun 4:13; Ebre Mun 10:24, 25.