Zoova man e nguan defuɛ kun

29 Aolia nun sran klikli’n nga Ɲanmiɛn Kpli yoli’n ti i liɛ kɛ i wa kpɛn’n sa.

Ɲanmiɛn Kpli klo i sa kpa. I yɛ ɔ́ wá fá núnnún sa tɛtɛ yofuɛ mun, kpɔkun ɔ́ wá fá dé aɲiyiɛfuɛ mun ɔn.—Zan 3:16, 36.

30 Zoova sunmannin i Wa yasua’n kɛ b’a wui asiɛ’n su wa. Be flɛ Zezi. Be flɛ i nin’n Mali.—Lik 1:30-35.

31 Kɛ Zezi yoli sran kaklaka’n, ɔ kleli ninnge kpakpa kaka mun. Ɔ kle kɛ Zoova kunngba cɛ yɛ ɔ ti Ɲanmiɛn nanwlɛfuɛ’n niɔn.—Mark 12:29, 30.

Zezi se kɛ Zoova kunngba cɛ’ɔ fata kɛ e sui ɔ.—Matie 4:10; Zan 4:23, 24.

Ɔ kleli sran mun Zoova i Sielɛ Blɛ’n su ninnge.—Lik 17:20, 21.

32 Zezi jasoli tukpacifuɛ mun, kpɔkun, ɔ yoli ninnge nglanman kaka mun. W’a yo’a sa tɛ.—Sa Nga Be Yoli’n 10:38; 1 Piɛr 2:21, 22.

?Sanngɛ wafa sɛ yɛ ɔ́ dé e sa tɛ’n nin wie’n be sa nun ɔn?

33 Sran kpa’m be delɛ’n ti, ɔ yili tɛ fa mannin Ɲanmiɛn Kpli. Laa nun’n, Ɲanmiɛn Kpli seli sran’m be kɛ be fa nnɛn’m be yi tɛ, be sa tɛ’m be ti.—Ebre Mun 7:25, 27.

34 Zezi w’a faman nnɛn w’a yiman tɛ. Ɔ fali i bɔbɔ i wun’n yɛ ɔ fa yi tɛ e dunman nun ɔn.—Matie 20:28; Ebre Mun 10:12.

?Amun si like ti’n?