Like suanlɛ 15

E uka sran uflɛ naan ɔ yo Ɲanmiɛn i klun sa

?Ngue ti yɛ maan like nga amun suan’n, amun fa kle sran uflɛ ɔ? (1)

?Wan yɛ an kwla bo jasin fɛ’n be kle i ɔ? (2)

?Ngue yɛ amun ayeliɛ’n kwla yo sran uflɛ ɔ? (2)

?Blɛ mennin nun yɛ amun nin asɔnunfuɛ’m bé kwlá bó jasin fɛ ɔ? (3)

1. Siɛn’n Biblu’n w’a kle amun ninnge kaka. Ɔ fata kɛ ninnge sɔ’m be silɛ’n uka amun naan amun fa nzuɛn nga ɔ ti Klistfuɛ’m be liɛ’n (Efɛzfuɛ Mun 4:22-24). Ninnge sɔ’m be silɛ’n ti cinnjin kpa amun anannganman nguan ɲanlɛ nun (Zan 17:3). Sanngɛ sran uflɛ’m be kunndɛ kɛ bé tí jasin fɛ sɔ’n naan b’a fite nun. I sɔ’n ti ɔ fata kɛ Klistfuɛ kpa’m be wunmuan be bo jasin fɛ sɔ’n. I sɔ’n ti Ɲanmiɛn i mmla kun.—Rɔmfuɛ Mun 10:10; 1 Korɛntfuɛ Mun 9:16; 1 Timote 4:16.

2. I bo bolɛ nun’n amun kwla fa ninnge kpakpa nga amun suan’n, be kle amun mantanfuɛ mun. Amun kan wie kle amun osufuɛ, amun janvuɛ, ɔ nin sran nga amun nin be di junman mun. Kɛ amún yó i sɔ’n, ɔ fata kɛ amun yo sran’m be kpa, yɛ an yo sran mɔ sɛ be yo i sa’n, ɔ sɔn i nun’n (2 Timote 2:24, 25). Nán amun wla fi su kɛ sran’m be sie sran kun i ayeliɛ’n i nzɔliɛ tra i nuan nun ndɛ’n. Ɔ maan, e ayeliɛ kpa’n kwla yo naan sran uflɛ’m b’a ti jasin nga é bó é klé be’n.—Matie 5:16; 1 Piɛr 3:1, 2, 16.

3. Cɛn wie lelee sɛ amun wie amun wun siesie’n, amun nin Zoova i Lalofuɛ’m be asɔnun nga ɔ o amun tranwlɛ lɔ’n, amun kwla bo jasin fɛ’n. I sɔ’n ti amun ɲrun kɔlɛ’n i ajalɛ cinnjin kpa kun (Matie 24:14). Nanwlɛ, sɛ e kwla uka sran kun naan ɔ yo Zoova i sufuɛ’n naan ɔ ɲan anannganman nguan’n, ɔ ti e aklunjuɛ dan o!—1 Tɛsalonikfuɛ Mun 2:19, 20.